Парыз тәртіптен басталады 7-сынып

Сабақтың мақсаты: оқушыларға тәртіппен парыз ұғымдарының мәнін ұғындыра отырып, дұрыс әрекет құндылығының мәнін ашу.

Міндеттері:

• Оқушыларға тәртіп пен парыздың маңызын түсіндіру арқылы адалдық қасиетін ұғындыру;

• Оқушыларды тәртіппен парызға қатысты дұрыс әрекетке баули отырып, жауапкершілік қасиетін дамыту;

• Ізгілікке, аянбай қызмет етуге тәрбиелеу.

Сабақ барысы:

1. Ұйымдастыру кезеңi.

5 «Т» ережесін еске түсіру:

• Тәртіп

• Талап

• Тазалық

• Татулық

• Тыныштық

2. Тыныштық сәті

Тыныс алуға зейін қою.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз...,арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)

Балалар осы табиғатқа, адамдарға деген сүйіспеншілік сезімдеріңізді, қуаныштарыңызды күні бойы сақтауға тырысыңыздар.

Ресурстар: слайд, үн таспа,стикерлер, ақ парақшалар, түрлі түсті қарындаштар,

1. Үй тапсырмасын тексеру.

51-52беттер аралығындағы аңыз «Шектен шықпа» оқу.

• «Парыз» дегеніміз не? Ол адамға не үшін қажет? Оны қалай орындау қажет?

• «Қарыз» бен «парыздың» айырмашылығы неде?

• Өздерің парыздарыңды қалай өтеп жүрсіңдер?

• Парызды өтеудің ерте кеші барма?

Сабақ барысын талқылау:

2. Дәйек сөз

«Тәртіпке бағынған құл болмайды» Б.МОМЫШҰЛЫ

• Жекелей

• Топқа бөліп

• Хормен оқыту.

• Дәптерге жаздырамыз.

Нақыл сөзден түйген ойларыңыз?

Дәптерге жазып алады..

3. Мұғалім сыйы.

«Бейнебаян»

1) Бейнебаянда не туралы баяндалған? .

Бейне баян туралы оқушылар ойларын ортаға салады.

Шығармашылық жұмыс, топтық жұмыс.

Шешендік сөзді оқып, ондағы берілгендердің (адамдар мен заттар) өздеріне тиесілі қасиеттері мен міндеттерінің болмауын неліктен қасиетсіз дейтінін түсіндіріңдер.

1. Бал болмаса, ара қасиетсiз,

2. Жанбай қалған шала қасиетсiз,

3. Өнерсiз болса, бала қасиетсiз,

4. Әдiлетсiз болса, дана қасиетсiз,

5. Ащысыз болса, тұз қасиетсiз,

6. Ұятсыз болса, қыз қасиетсiз,

7. Көк шықпаса, жер қасиетсiз,

8. Өз ойы болмаса, ер қасиетсiз,

9. Жiгерi болмаса, жiгiт қасиетсiз.

I-топ: 3-тапсырма.

Шешендік сөзді оқып, ондағы берілгендердің (адамдар мен заттар) өздеріне тиесілі қасиеттері мен міндеттерінің болмауын неліктен қасиетсіз дейтінін түсіндіріңдер.

Бал болмаса, ара қасиетсiз,

Жанбай қалған шала қасиетсiз,

Өнерсiз болса, бала қасиетсiз,

Әдiлетсiз болса, дана қасиетсiз,

Ащысыз болса, тұз қасиетсiз,

Ұятсыз болса, қыз қасиетсiз,

Көк шықпаса, жер қасиетсiз,

Өз ойы болмаса, ер қасиетсiз,

Жiгерi болмаса, жiгiт қасиетсiз.

Сөзжұмбақты шешу.

1. Адам бойындағы жағымды қасиет, оның қоғамда қабылданған әдеп талаптарын мінсіз орындауы.

2. Адам бойындағы таза ниет, имандылық қасиет.

3. Адамның күнделікті өмірінде жетекші болатын ішкі қасиеттер.

4. Адамдардың туыстық негізде ғана емес, жалпы адамзатты бауырына тарта білуі, оларға қамқорлық көрсетуі.

5. Ел үшін кісілік көрсетіп, борыш, міндет, парызын орындауы.

сөзжұмбақтыңшешуі:1.әдептілік, 2.адалдық,3.адамгершілік,4.бауырмалдық,5.азаматттық

Шығармашылық жұмысты топтасып жұптасып орындайды.

10. Топпен ән айту.

Сөзін жазған: Б.Тәжібаев,

Әнін жазған: Е.Хасанғалиев

«Ауылым әні»

11. Үй тапсырмасы.

59-60 бет Бір билеттің кесірі,

12. Сабақтың қорытынды сәті

Балалар бүгінгі сабағымыздан алған әсерлерімізді, тілектерімізді стикерге жазып, тілек ағашына ілейік (баяу әуен қойылады).

Қорыта келе, адамдардың бір-бірін жақсы көруі, мейірімділігі, жанашырлығы, қамқорлығы адалдығы мейірімділікті білдіреді. Ол тек қана адамдардың туыстық негізінде ғана емес, жалпы адами қасиет ретінде өзге жұрттарды бауырына тарту, оларды жақын санап қамқорлық көрсету, жатсынбау, көпшіл болудан көрінеді. Ал кеңпейілділік адам бойындағы ізгі қасиетті білдіретін ұғым. Кеңпейілділік пен бауырмалдылық адамдарды татулыққа, бірлікке, ынтымаққа жетелейді.

Сабағымыздан үйренген адалдық, сыйластық, бауырмалдылық, татулық, кеңпейілділік сияқтыжақсы қасиеттерімізді бойымызға сіңіріп, барша адамзатқа дегенбауырмалдылық, кеңпейілілік, сүйіспеншілік құндылығын жүрегімізде сақтайық!