патриоттық сайыс

«Мамания орта мектебі, мектепке дейінгі шағын орталығымен» коммуналдық мемлекеттік мекемесі

Мен – елімнің патриотымын

( Ән байқауы)

Ақсу ауылы 2016-2017 оқу жылы

Мақсаты:
1. Оқушыларға патриоттық тәрбие беру. Өз елін, жерін, Отанын сүюге, қадірлеуге тәрбиелеу.
2. Патриоттық әндерді орындау шеберлігін арттыру.

1-жүргізуші:
Ардақты елім, кең елім,
Құтты болсын мерекең.
Ырыс көктеп жеріңде,
Арта берсін берекең
2-жүргізуші:
Армысыздар, құрметті көрермен қауым, ата-аналар, ұстаздар және оқушылар «Мен-елімнің париотымын» атты патриоттық ән байқауына қош келдіңіздер!
1-жүргізуші:
Сіздерді еліміздің айтулы мерекесімен құттықтаймыз. Жанұяларыңызға қуаныш, дендеріңізге саулық, еңбектеріңізге жеміс тілейміз.
2-жүргізуші: Бүгінгі байқау 5 -10 сыныптар арасында өткелі тұр.
1-жүргізуші:
Құттықтау сөз кезегін мектеп директорының тәрбие ісі жөніндегі орынбасары Артықбекова Сауле Калмұхамбетқызына береміз.
2-жүргізуші:
Енді әділ қазылар алқасымен таныс болыңыздар.
1. Директордың тәрбие ісі жөніндегі орынбасары С.Қ. Артықбекова 2. Мектеп психологы Л.Қ. Шарипова 3. Мәдениет қызметкері Х.С. Байбосынова
1-жүргізуші:
Отаным менің кең байтақ Қазақстан
Аман өткен талай дүлей азаптан.
Бар әлемді өз аузына қаратқан,
Кім бар қане артық дейтін қазақтан?! – дей келе сахнаға сайысқа қатысушыларымызды шақырамыз

1-жүргізуші: Көптен күткен көк Байрақ желбіреді,
Күннің көзі көктемдей елжіреді.
Мұнан ыстық, жалын - от бар ма сірә,
Отан - әнмен жүрегім тербеледі.- дей келе сайысымызды бастаймыз.

1) Кеңесбек Оралбек - 8 сынып
2) Төлеген Балжан - 5 сынып
2-жүргізуші:
Сен неткен Отан - Анам, ғажап едің,
Әспеттеп көркем тілмен жазар едім.
Болашақ ұрпағының бақыты үшін,
Жайнай бер, Ұлы Отан – Қазақ елім!
3) Зейнолла Сұлтан – 5 сынып 4) Қанат Али , Кәріпжан Алихан – 5 сынып

1-жүргізуші:
Көк байрағым желбірейді елімде,
Қалықтасын қыран құсы көгімде.
Ашық аспан бейбітшілік бейнесі,
Әуелесін Қазақстан жерінде
5) Мұратұлы Әсет – 6 сынып
6) Нұржан Бағжанат – 7 сынып

2-жүргізуші:
Астанам –нұрлы астанам,
Гүл жайнаған жас қалам
Егеменді елімді
Болашаққа бастаған.
1-жүргізуші:
Кең байтақ, көз жетпейтін жерім менің
Таулы орман , жасыл жайлау, көлім менің
Бүгінде бар әлемге даңқың жетті
Тәуелсіз Қазақстан –елім менің
Осымен байқауымыз тәмамдалды.
2-жүргізуші:
Әділ қазылар алқасы дайын болғанша Музыка пәнінің мұғалімі Жанар Серікқызының орындауында «Астана» әнін қабыл алыңыздар! 1-жүргізуші:
Құттықтаймыз! Еліміздің патриоттары аман болсын және мерейлері арта берсін! 2-жүргізуші :

Жеңісті күндерде жүздескенше аман- сау болыңызда.

Марапаттау сәті