Мақала авторы: Секен Айзада Павлодар облысындағы экологиялық дағдарыс және оның денсаулыққа әсері Павлодар облысы – Қазақстанның экологиялық ахуалы ең қиын аймақтарының бірі. Мұндағы ауыр өнеркәсіп, жылу энергиясын өндіру, көлік және тұрмыстық қалдықтар сияқты көздер ауаға зиянды заттар шығарып, аймақтың экологиялық жағдайын одан сайын қиындатып отыр. Бұдан да қауіптісі – бұл факторлардың тұрғындардың денсаулығына тікелей әсер етуі. Денсаулық сақтау министрлігінің деректеріне сүйенсек, Павлодар облысы өкпе мен сүт безі қатерлі ісігі бойынша елімізде көш бастап тұр. Онколог Диляра Қайдарова 2022 жылы жариялаған есептерде экологиялық жағдайдың, әсіресе ауаның ластануының бұл аурулардың таралуына айтарлықтай ықпал ететінін айтады. Ауа ластануының себептері және салдары Павлодар облысының ауасы әсіресе өнеркәсіптік шығарындылармен ластанған. 2022 жылы облыс атмосферасына 724,1 мың тонна зиянды заттар түскен, бұл республикадағы ең жоғары көрсеткіштердің бірі. Электр энергиясын өндіретін с