Қазақстан Республикасы Ғылым және Білім Министрлігі

Мұхтар Әуезов атындағы Оңтүстік Қазақстан университеті

Мақала

Тобы : ФИ 22 11к2

Орындаған : Орынбай Асел

Қабылдаған: Көпжасарова Ж.

Перовскит күн батареялары: Жасыл энергетиканың жаңа дәуірі

Жасыл энергетика саласындағы технологиялар жыл сайын қарқынды дамып келеді. Дәстүрлі кремний негізіндегі күн батареялары бірнеше онжылдықтар бойы негізгі энергия көзі ретінде пайдаланылып келгенімен, соңғы уақытта жаңа материалдар мен тәсілдер бұл салада төңкеріс жасауға жақын. Осындай инновациялардың бірі перовскит күн батареялары. Бұл жаңа буын технологиясы тиімділігімен және қолжетімділігімен ерекшеленеді. Перовскит күн батареялары арнайы қабаттардан тұрады, олар күн сәулесін электр энергиясына жоғары тиімділікпен айналдыра алады. Бұл материалдың басты артықшылығы оны синтездеу оңай әрі арзан. Перовскит күн батареялары жаңартылатын энергия көздерін кеңінен қолдануға жол ашады. Өндіріс шығындарының төмендеуі бұл технологияны дамушы елдер үшін де қолжетімді етеді. Сонымен қатар, бұл панельдер дәстүрлі электр станцияларына балама бола отырып, көміртегі шығарындыларын азайтуға үлкен үлес қоса алады.

Мысалы, NASA зерттеушілері перовскит материалдарын ғарыштық аппараттарда қолдануды жоспарлап отыр. Себебі бұл панельдер жеңіл болғандықтан, оларды спутниктер мен ғарыш станцияларында пайдалану энергия тиімділігін арттыруға көмектеседі. Дегенмен, тұрақтылық пен ұзақ мерзімділікті қамтамасыз ету мәселесі толық шешімін таппағандықтан, ғалымдар әлі де зерттеулер жүргізуде.

Егер бұл технология кеңінен қолданысқа енгізілсе, болашақта электр энергиясын өндіру әлдеқайда қолжетімді, экологиялық таза және тиімді болмақ деген сенімдемін.