Тексерілген

№42 «Айналайын» балабақшасы МКҚК

Меңгерушіс Шугаева.Н.Г

Ұйымдастырылған іс-әрекет тақырыбы «Пиццерия»

«Жұлдыз» ортаңғы тобы

Тәрбиеші: Мухамбетова.А.С

Ақтөбе,2026 жылы

Ұйымдастырылған оқу қызметінің конспектісі

Білім беру саласы: Таным
Бөлімі: Қарапайым экономикалық түсініктер
Тақырыбы: Пиццерия

Мақсаты - Балаларға ойын арқылы ақша, сатып алу және сату туралы қарапайым түсінік беру.

Міндеттері:

Балаларды сатушы және сатып алушы ұғымдарымен таныстыру,ақшаның зат сатып алу үшін қажет екенін түсіндіру,рөлдік ойын арқылы балалардың тілін, ойлауын дамыту,ұқыптылыққа, әдептілікке, бір-бірімен қарым-қатынас жасауға тәрбиелеу.

Көрнекіліктер:

Ойыншық пиццалар, ойыншық ақша, касса, алжапқыш (сатушыға), пиццерия суреттері.

Сабақтың барысы:

I. Ұйымдастыру кезеңі

Тәрбиеші балаларды шеңберге жинайды.

— Балалар, қане бір-бірімізге күлімдейік
— Бүгін біз қызықты ойын ойнаймыз.

II. Негізгі бөлім

Тәрбиеші әңгімесі:
— Балалар, мынау не? (Пицца)
— Пиццаны қайдан сатып аламыз? (Пиццериядан)

— Пиццерияда кім жұмыс істейді?
— Ол — сатушы.
— Ал пиццаны кім сатып алады?
— Ол — сатып алушы.

Ақшамен таныстыру:
— Балалар, пицца алу үшін не керек?
— Ақша керек.
— Ақшамен біз дүкеннен тамақ, ойыншық аламыз.

III. Ойын әрекеті (рөлдік ойын)

«Пиццерия» ойыны

Тәрбиеші бір баланы сатушы, қалғандарын сатып алушы етіп тағайындайды.

— Сатушы пицца сатады.
— Сатып алушы ақша береді.

Тәрбиеші көмектесіп, диалогты бағыттайды:
— «Сәлеметсіз бе!»
— «Маған пицца беріңізші»
— «Рахмет»

Балалар кезекпен ойнайды.

IV. Қорытынды бөлім

— Балалар, бүгін біз не үйрендік?
— Сатушы не істейді?
— Сатып алушы не істейді?
— Ақша не үшін керек?

Балаларды мақтау:
— Жарайсыңдар! Сендер өте жақсы сатып алушы болдыңдар