Қысқа мерзімді жоспарлар

Оқу сабағының жоспары №

Пішіндер.

(сабақтың тақырыбы)

Модуль /пән атауы ЖББП 8 Информатика

Педагог ____________ дайындады

20_ жылғы "___" ____________

1. Жалпы мәліметтер

Курс, топ __________________

Сабақтың түрі практикалық

Өткізу формасы: жаңа білімді, дағдыларды бекіту сабағы

2. Мақсаты:

• Студенттерге мәліметтер базасында пішіндердің (forms) рөлін түсіндіру;

• Формаларды жасау және оларды деректерді енгізу мен өңдеуде қолдану жолдарын меңгерту;

• Форманың интерфейс элементтерімен жұмыс істеу дағдысын дамыту.

Міндеттері:

• Пішіндер туралы теориялық мағлұмат беру;

• Пішін арқылы деректермен әрекеттесу механизмін көрсету;

Пішін құру құралдарын қолдануды үйрету (мыс: MS Access, Google Forms немесе веб-негізді 3. Күтілетін нәтижелер

• Қарапайым пішін құра алады және оны деректер енгізу үшін пайдаланады;

• Интерфейс қолайлылығын ескере отырып формалар жасайды;

• Пішін көмегімен мәліметтер қорымен байланыс орната алады.

4. Қажетті ресурстар

презентация, стикерлер, үлестірме қағаздар, компьютер, қағаз

5. Сабақтың барысы

1. Ұйымдастыру бөлімі (5 мин)

-амандасу

-аудитория дайындығын тексеру

-студенттерді түгендеу

2. Білімді бақылау (5 мин)

Сұрақтарға жауап беріңдер.

1) Реляциялық мәліметтер қоры дегеніміз не?

2) Негізгі кілт (primary key) дегеніміз не?

3) Сыртқы кілт (foreign key) не үшін қажет?

4) Реляциялық мәліметтер қорында кестелер қалай байланысады?

Білімді бағалау критерийлері:

• Реляциялық мәліметтер қорының анықтамасын біледі

• Негізгі және сыртқы кілттің айырмашылығын түсінеді

• Кестелер арасындағы байланысты дұрыс түсіндіре алады.

3. Жаңасын баяндау әдісі. Ауызша (4 мин)

Пішіндер — бұл мәліметтер қорында деректерді енгізу, көру, өзгерту және жою үшін қолданылатын арнайы интерфейс. Олар көбінесе пайдаланушы мен мәліметтер қоры арасындағы ыңғайлы көпір ретінде қызмет етеді.

Мысалы:

Сен студенттер туралы ақпарат жинайсың делік. Пішінде мынадай өрістер болуы мүмкін:

• Студенттің аты

• Жасы

• Тобы

• Телефон нөмірі

Пішін арқылы осы ақпаратты базаға оңай және тез енгізе аласың.

Пішіннің артықшылықтары:

• Қарапайым әрі түсінікті интерфейс

• Қателерді азайтады (мысалы, тек сандар енгізу үшін шектеулер қоюға болады)

• Бірнеше кестеден ақпаратты бір пішінде көрсетуге болады

Топқа бөлу:

1-топ – Ақпарат

2-топ – Пішін шеберлері

3-топ – Байланыс

Топтық жұмыс (10 мин)

Сендерге «Студенттер туралы мәлімет» пішінін жасау тапсырмасы беріледі.
Пішін келесі өрістерден тұруы тиіс:

• Аты-жөні

• Жасы

• Тобы

• Телефон нөмірі

Топтық міндет:

• Пішіннің құрылымын ойластырыңдар

• Қауіпсіздік пен деректер дұрыстығын қамтамасыз ететін өріс түрлерін таңдаңдар (мысалы: жас – тек сан, телефон – тек цифрлар)

• Қысқаша пішіннің не үшін қажет екенін түсіндіріңдер

• Өз пішіндеріңді тақтада немесе постерде таныстырыңдар

Білімді бағалау критерийлері:

• Векорларды қосудың үшбұрыш әдісін қолданады;

• Қорытқы векторды табады;

• геометриялық формулаларды қолдана біледі.

5.Материалды бекіту Жеке жұмыс. Деңгейленген тапсырмалар шығару (15 мин)

1. Пішін дегеніміз не? Оның қандай мақсатта қолданылатынын жаз.

Жауап үлгісі:
Пішін – бұл мәліметтерді енгізуге арналған арнайы интерфейс. Ол қолданушыға кестелерге деректерді ыңғайлы және қауіпсіз енгізуге мүмкіндік береді.

2. «Мұғалімдер» кестесі үшін қандай пішін өрістері болуы мүмкін? Кемінде 4 өріс жаз және олардың деректер типін көрсет.
Жауап үлгісі:

1. Аты-жөні — мәтін

2. Мамандығы — мәтін

3. Жұмыс өтілі — сан

4. Телефон нөмірі — сан/текст

3. Пішіндерді қолдану барысында қандай қателіктер кетуі мүмкін? Мысал келтір және оны шешудің жолын ұсын.
Жауап үлгісі:
Мысалы, "жас" өрісіне мәтін енгізу — қате. Шешімі: өріс түрін тек сан деп шектеу.

4. Пішін мен кесте арасындағы айырмашылық қандай? Екеуін салыстыр.
Жауап:

• Кесте — мәліметтердің сақталатын орны (база бөлігі).

• Пішін — осы кестемен жұмыс істеуді жеңілдететін интерфейс.
  Мысалы: Кестеде бірден көп жол көруге болады, ал пішінде бір жазба ғана көрінеді, бірақ оны өзгерту ыңғайлы.

5. Өз ойыңнан бір шағын дерекқор ойлап тап (мысалы: кітапхана, спортшылар, т.б.) және оған арналған пішінде қандай өрістер болатынын жаз.
Жауап (мысалы, "Кітапхана" пішіні):

1. Кітап атауы — мәтін

2. Авторы — мәтін

3. Жанры — мәтін

4. Шығарылған жылы — сан

5. ISBN — мәтін/сан

Білімді бағалау критерийлері:

• Пішіннің мәнін дұрыс түсіндіреді

• Өріс түрлері мен мысалдарды дұрыс сәйкестендіреді

• Қате жағдайды анықтап, шешімін ұсына алады

6. Сабақтың қорытындысын шығару Бағалау парағы бойынша (5 мин)

Рефлексия: "Бағдаршам"

Әр студент өз оқу барысын бағалау үшін түс таңдайды:

• Жасыл – Тақырыпты толық түсіндім, пішін құра аламын.

• Сары – Кейбір жерлері түсініксіз, қайталап өткім келеді.

• Қызыл – Тақырып қиын, қосымша көмек керек.

7. Үй тапсырмасы. (1 мин)

Компьютерде немесе интернеттен кез келген пішінді қарап, келесі сұрақтарға жауап жаз:

1. Бұл пішінде қандай ақпараттар сұралады?

2. Барлық өрістердің деректер типін анықта (мәтін, сан, дата т.б.)

3. Қандай өрістер міндетті түрде толтырылуы керек деп ойлайсың?

4. Бұл пішіннің артықшылығы мен кемшілігі қандай?