Қ.Дүтбаева
атындағы
Атырау гуманитарлық
колледжі
«Қазақ тілі мен әдебиеті
мұғалімі»
мамандығының 3(9) ЖК
тобының
студенті Хайрбеков Мақсат
Хайрбекұлына
Мінездеме
Хайрбеков Мақсат 2020 жылы 28
қаңтар – 16 наурыз аралығында Атырау қаласы Жұмыскер
мөлтекауданындағы И. Тайманов атындағы орта мектебінде
іс-тәжірибеден өтті.
Мақсатқа
8б сыныбы бекітілді. Осы сыныпқа
қазақ тілі мен әдебиетінен сабақ берді. Алғашқы күндері әдістемелік
көмек көрсетіліп, күнтізбелік жоспармен таныстырылды, қысқа
мерзімді сабақ жоспарын қалай құру керектігіне кеңес
берілді.
Мақсат мектебімізде болған
алғашқы күннен бастап өзін жақсы жағынан көрсете білді. Ол өз ісіне
тиянақтылығымен, ізденімпаздығымен, ұйымдастырушылық қабілетімен
көзге түсті. Мақсат сабаққа үнемі мол дайындықпен, көп ізденіспен
келеді. Өзіне тапсырылған жұмыстарды
тиянақты орындап, өзінің жауапкершілікті жете сезінетіндігін
көрсетті. Өзінің ашық мінезімен оқушыларды баурап
алды.
Ол колледжде алған теориялық
білімін тәжірибеде ұштастыра білді. Әр сабағын жан-жақты
дайындықпен өткізді. Сабақтарында оқушылар қызығушылығын оятатындай
белсенді әдіс-тәсілдерді тиімді пайдаланып отырды, топтық жұмыстар
ұйымдастырды. Көрнекіліктерді де сабақ мазмұнына сай пайдаланып,
уақытты тиімді пайдалана білді. Қазақ әдебиетінен Д.Исабековтың
«Әпке» драмалық шығармасы тақырыбына ашық сабақ
өткізді.
Сонымен бірге мектебімізде
8-сыныптар бойынша Ұлы ақын
А.Құнанбайұлының
175 жылдығына орай
жоспарланған апталықтың жоғары деңгейде өткізілуіне атсалысты.
Апталық аясында «Табиғаттың дарынды жаратылыс дарабозы» тақырыбында
кеш өткізді. Сонымен бірге Әбу Насыр
әл-Фарабидің
1150 жылдығына арнап
8-сыныптар арасында Ә.Әбішевтің «Ұстаздың оралуы» шығармасы бойынша
сахналық қойылым өткізді.
Бұл тәрбиелік шаралар
мазмұндылығымен, жүйелілігімен, әсерлі де тартымды өткізілуімен
ерекшеленді. Тәрбиелік шаралардағы көрнекіліктердің эстетикалық
талғаммен қолданылуы Мақсаттың іскерлігінің бір қыры деп
білемін.
Тәрбиелік шаралар өз мақсатына
жетіп, мұғалімдер тарапынан «өте жақсы» деп
бағаланды.
Тәжірибе кезінде Мақсаттың оқу-тәрбие
жұмыстарында байқалған жақсы жақтары: өзіне деген сенімділігі, өзін
еркін ұстауы, жауапкершілікті сезінуі, сабақты түрлендіріп (жаңа
технология элементтерін пайдалана алуы) өткізуі, көрнекіліктерінің
эстетикалық талапқа сай болуы, өзара сабаққа
қатысуы.
Мақсаттың болашағынан үміт
күттірер білікті ұстаз бола алатындығына сеніміміз
мол.
Жоғарыда аталған жайларды
ескере отырып кезектен тыс педагогикалық кеңестің шешімімен
машықкер Хайрбеков Мақсаттың тәжірибесін 5(өте жақсы) деген бағамен
бағалаймыз.
Мектеп
директорының
міндетін атқарушы:
______________ Карабалина М.С.
Пән мұғалімі ______________
Айтжанова Г.Е.
17 Ақпан 2024
6287
27 рет жүктелген
