Күні:

Сынып: 1

Сауат ашу

Қатысқандар саны:

Қатыспағандар саны:

Сабақтың тақырыбы

Табиғатқа саяхат. Ж дыбысы мен әрпі.

Осы сабақта қол жеткізілетін оқу мақсаттары (оқу бағдарламасына сілтеме)

1.7 Тыңдалған материал бойынша өз пікірін айту

1.8 Берілген тақырыпқа әңгіме құрап айту

1.9 Сөздерді, дыбыстарды орфоэпиялық нормаларға сәйкес дұрыс айту

Сабақтың мақсаттары

Барлығы: Жаңа білімді меңгереді.

Көбі: Тақырыпты түсініп, тыңдап, жетекші сұрақтар арқылы талқылайды.

Кейбірі: Алған білімді өмірде қолдана алады.

Жетістік критерийлері

Айтылған сөздер мен сөйлемдердің көпшілігін дұрыс қайталай алады.

Нақты сөйлеу арқылы, мәселені түсінгенін көрсете алады.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыс

Өнер, ана тілі сабағы

АКТ қолдану дағдылары

Аудиожазба , таныстырылым.

Тілдік құзыреттілік

Жалау-флаг-flag

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

5 минут

Балаларды шаттық шеңберіне тұрғызып, сынып ішінде жақсы көңіл күй қалыптастыру.

Біз қандаймыз, қандаймыз,

Шұғылалы таңдаймыз.

Жарқыраған күндейміз.

Ренжісуді білмейміз.

Жарайсыңдар балалар. Орындарыңа жайғасыңдар.
Бұл сабағымыздың ережесі бар, сол ережелерді есімізге ұстап орындауымыз қажет.

Ережелер :
1.Тыныштық сақтаймыз.
2. Сұрақтарға дұрыс жауап береміз
3. Бір-бірімізді тыңдаймыз.
4. Өз ойымызды ашық айтамыз.
5. Жауап толық болмаған жағдайда топ мүшелері толықтырады. 
Сабағымызды « Ынтымақсыз іс бітпес»- деген ұранмен бастай отырып, сіздерді ұйымшылдыққа, ынтымақтаса жұмыстануға шақырамын.

— Балалар, біздің бүгінгі сауат ашу сабағымыз ерекше өтеді. 2 топ болып берілген тапсырмаларды орындайсыңдар

Әр дұрыс жауаптарыңа жұлдызша беріліп отырады..

Шаттық шеңбері

( асық арқылы бөлу)

Сабақтың ортасы

8 минут

Өткен сабақты пысықтау.

1.«Сұрақты қағып ал» әдісі. Допты лақтыру әдісі арқылы өткен сабағымызды еске түсіріп қайталап алайық. Мен сендерге допты лақтырып сұрақ қоямын сендер сұраққа жауап беріп отырасыңдар. Олай болса ойынымызды бастайық.

І топ

Дыбыс дегеніміз не?

Дыбыстар нешеге бөлінеді ?

Қандай болып бөлінеді ?

Дауысты дыбыстар қалай айтылады?

ІІ топ

Дауыссыз дыбыстар қалай айтылады?

Әріп дегеніміз не?

-Дауысты дыбыстарды қандай текшемен белгілейміз?

-дауыссыз дыбыстарды қандай текшемен белгілейміз?

Өткен сабаққа шолу.
- Өткен сабақта біз қандай дыбыс, қандай әріппен таныс болдық?
- С дыбысы қандай дыбыс?

І топ
1 - тапсырма: Ойын: «Кім тапқыр?» Құрамында С дыбысы бар суреттерді табу.

ІІ топ

«Екінші буыным қайда?» ойыны арқылы сөздердің екінші буынын табу

Доп лақтыру

Қызығушылық

ты ояту

Ал енді балалар мен сендерге кішкене әңгіме айтып берейін.

Далада құмырсқа келе жатып қоңызды көріп қалады.

- Сәлем қоңыз
- ж - ж - ж Сәлем құмырсқа
- Қайдан келесің?
- ж - ж - ж - Егістен. Балаларыма тамақ әкелемін.

- жарайсың қоңыз 
- Балалар, қоңыз қандай дыбыс шығарады? Бірге айтамыз. - Ж - ж - ж

1. Ж дыбысын дыбыстату.
Ж - дауыссыз дыбыс. Оны көк текшемен белгілейміз.

Ертегі айту, суретпен жұмыс

Мағынаны тану

2. Кеспе әріптен Ж- ның бас әрпі мен кіші әрпін көрсету. Тақтаға ілу.

Балалар қараңдаршы ж дыбысының таңбасы неге ұқсайды?

Көбелекке кәдімгі,

Қарасаңыз анықтап.

Жаны бар ж ұшып жүр,

Жапырақша қалықтап. Көбелектің суретін көрсету.

3. Ж дыбысына қатысты суреттермен таныстыру.
Ж дыбысы сөздің көбіне басы мен ортасында кездеседі, ал қазақ тілінің байырғы лаж, мұқтаж сөздерінде сөз соңында кездеседі. Ж дыбысы-дауыссыз дыбыс.

І топ
4. « Сөз ойла, көп ойла ! » ойыны балалар ж дыбысы кездесетін сөздерді айтады

Мысалы: жұлдыз, жапырақ, жаңғақ т.б

ІІ топ сөздерден сөйлем құрайды

Сергіту сәті

а) Әже, жолбарыс, морж сөздеріне дыбыстық талдау жасатып, ондағы ж дыбысының орнын ажыратқызу.

ә) « Тез, әрі сауатты оқиық!» тапсырмасы бойынша оқулықтағы буындарды, сөздерді құратып оқыту.Жекелей оқу, барлығы хормен қайталап оқиды.

б) жазу жұмысы.
— Ж әрпінің баспа түрімен таныстыру.
— Ж әрпінің элементтерін жазып көрсету.
— Ж әрпін ауада жазу.
— үлгі бойынша ж дыбысының кіші және бас әрпін бастырып жазу.

в) торкөздегі ж дыбысының орнына қарай сөз ойлап табу. (жай, жаға, жалау)

г) Сергіту сәті: 2 рет

Тербеледі ағаштар,

Жел еседі алдымнан.

Кіп- кішкентай ағаштар,

Үп- үлкен боп өседі.

Қоюланып қара бұлт,

Жаңбыр жауды себелеп.

Жапырақты жамылып,

Бұға қалды көбелек

Оқулық, дәптерлер.

Сергіту сәтіне арналған жинақ

Ой толғаныс

1. «Кір жаятын жіп» әдісі арқылы

ІІ топ көп суреттің арасынан Ж дыбысы бар суреттерді тауып жіпке тізеді

І топ «Сөйлем құра» тапсырмасы бойынша жіпке тізілген суреттегі атауларға қарап сөйлем құрастыру.

Мысалы: Жолбарыс жабайы жануар. Жүзім тәтті жеміс. Жаңғақтың сырты қатты. Жиһаз жұмсақ.

3. «Ұйқасын тап! » ойыны. Мен екі топқа екі түрлі жұмбақ жасырам топтар сол жұмбаққа ұйқас сөздерді табады.

І топқа 
— Іші тоған шәрбат,                               
Дәмі қандай әйбат,                                
Үзесің бірден жүзін,                            
Оның аты- …( жүзім )  

ІІ топқа

• Сырты қандай қатты,

• Дәні сондай тәтті.

• Шағып қара таңдап,

• Оның аты- .... (жаңғақ)   

Әртүрлі суреттер

Аяқталуы

«Алма жинау» дидактикалық ойыны арқылы сабағымызды қорытындылаймыз. – Мына алма ағашында алмалар пісіп тұр екен. Әр алманың артында сендерге арналған тапсырмалар бар екен. Біз сол тапсырмаларды орындап себетке алмаларымызды жинайық.

Себет,алмалар суреті

Бағалау

- Балалар, сендер бүгін өте жақсы жұмыс жасадыңдар, жарайсыңдар.
- Балалар, сендер – Қазақстан Республикасының кішкентай азаматтарысыңдар. Келешекте біздің еліміздің белгілі жұлдыздары болыңдар, сондықтан мен сендерге мынадай жұлдызша сыйлаймын. Алда бізде қандай мереке келе жатыр балалар. Қазақстан – тәуелсіз мемлекет. Тәуелсіздікке биыл 25 жыл болады.
Он алтыншы желтоқсан -
Тәуелсіздік алған күн.
Мерекені ел тоқсан,
Атамменен барған күн.
Он алтыншы желтоқсан -
Тәуелсіздік алған күн.
Ерекше болып мәңгілік,
Ел жанында қалған күн

Сабақтың соңы

Рефлексия

Кеменің суреті

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Пәнаралық байланыс

Денсаулық және қауіпсіздік техникасының сақталуы
АКТ
Құндылықтармен байланыс (тәрбие)

Қолдау көрсету.

Қабілеті жоғары оқушылар айтылған сөздер мен сөйлемдердің көпшілігін дұрыс қайталай алады.

Оқушылар өздері жасаған бет-бейнелеріне қарап бір-біріне көңіл- күйлерін айтады. (қуанышты, көңілді, көңілсіз, ашулы)

Өнер, ана тілі сабағы

Оқушыларды бір-біріне деген құрмет көрсетуіне тәрбиелеу.