Презентация: Практикалық сабақ

Сыныбы: 7

Күні: 27.11.17 ж

«Бекітілді»

Сабақтың тақырыбы:  Практикалық сабақ.

Сабақтың мақсаты:

Білімділік: Оқушыларға растрлық графикамен жұмыс істеуге үйрету, түстер мен құралдармен жұмыс жасауды қалыптастыру;

Дамытушылық: Оқушылардың пәнге деген қызығушылықтарын арттыру және графикалық бейнелеу жұмысы арқылы бейнелік ойлау қабілетін дамыту;

Тәрбиелік: Оқушыларды эстетикалық талғамын қалыптастыру, шығармашылық жұмысынан қорытынды ала білуге машықтандыру;

Сабақтың түрі: Практикалық сабақ

Сабақтың әдісі:  Қайталау сабақ.

Сабақтың көрнекілігі: ДК, слайдтар, Corel Draw X3 бағдарламасы

Сабақтың барысы:

І. Ұйымдастыру

Сәлемдесу, түгендеу, оқушылардың назарын сабаққа аудару .

ІІ.Үй тапсырмасын тексеру.

1. Векторлық кескін дегеніміз не?

2. Растрлық кескін деп нені айтамыз?

3. Фракталдық кескін деп нені айтамыз?

ІІІ. Практикалық жұмыс

Оқушыларға жұмбақтар қойылады, жауабын тапқан оқушы компьютерге суретін салып көрсетеді.

1. Қауаққа да ұқсаған,

Алмұртқа да ұқсаған.

Аузы бар, тілі бар

Білер көріп, ұстаған.
/Қоңырау/.

2. Қабат – қабат қаттама,
   Ақылың болса аттама.
   /Кітап/.

3. Қиналып көтеріп, 
   Өзінен ауырды.
   Жорғалап кетеді,
   Жүкшідей кәдімгі.
   /Құмырсқа/.

4. Шіркіннің өзіне обал-ақ

Жүреді аяқта домалап

(доп)

5. Үрлесең жеп-жеңіл,

Елпілдеп кетеді.

Ұшырсаң, көк-теңбіл,

Бұлтқа да жетеді

(шар)

6. Бейбітшілік құсы деп

Атайды оны барша жұрт.

(көгершін)

7. Ағайынды бәрі:

Шықса-көк,

Түссе сары.

(Жапырақ)

8. Үш көзді батыр,

Жолды аңдып жатыр.

(Бағдаршам)

9. Қыста киімін тастайды,

     Көктемде киіне бастайды.

(Ағаш)

9. Аспанда алып доп,

Жарқырайды жарық боп.

(Күн)

ІV. Cергіту сәті.

А. Еңсеповтың «Мереке»күйін тыңдау арқылы жаттығулар жасау. Көз жаттығуларын жасау.

V. Сабақты бекіту

1. Растрлық кескіндердің артықшылығы неде?

2. Растрлық кескіндердің кемшіліктерін ата

3. Сorel Draw бағдарламасында салу құралдарында қалай орнатамыз ?

4. Түстер палитрасында қанша түстер бар?

VІ. Үйге тапсырма: Растрлық графика. Растрлық графиканы өңдеу бойынша программа интерфейсі. Растрлық бейнелердің параметрлері. Растрлық бейнелермен жалпы жұмыс жасау тәсілдері. Түстер. Салу құралдары

VІІ. Оқушыларды бағалау.

VІІІ. Қорытынды