Президент кунине арналған ертеңгілік ортаңғы топтарға

Мақсаты: Елбасының өмір жолынан үлгі ала отырып, Отанын, халқын сүюге, ержүректілікке, азаматыққа, патриоттық сезімге тәрбиелеу. Шәкірт жүрегінде елбасына деген сүйіспеншілік сезімін ояту, құрметтеу.

1 – жүргізуші: - Құрметті қонақтар, балалар! Бүгін 1 – ЖЕЛТОҚСАН Қазақстан Республикасының Тұңғыш Президенті күні, бүкіл халықтық мереке. Өздеріңізді осы айтулы күнмен

2 – жүргізуші бірге: ҚҰТТЫҚТАЙМЫЗ!

1 – жүргізуші:

Қазақстан – егеменді ел, тәуелсіз ел,

Болашаққа нық басып, буынған бел.

Көкке өрлеген, байрақты желбіретіп

Қуаныш пен шаттыққа қадам басты ел.

2 – жүргізуші:

Шартарапта шаттығындай азат күн

Ғасыр сүйіп тұрғандайын ғажап күн

Көк байрағы, Елтаңбасы, бірлігі

Шалқи берсін Әнұраны қазақтың.

(Қазақстан Республикасының мемлекеттік әнұраны орындалады).

1 – жүргізуші:

Көк байрақты туым бар,

Рухы биік елім бар.

Ырыс пен арды ойлаған

Ел басқарған ерім бар.

Егеменді Отанымның

Қасиетті қазағымның

Елбасы кім, айтыңдар?

Балалар: - Біздің елбасымыз, президентіміз – Нұрсұлтан Әбішұлы Назарбаев.

• Елбасымыз қандай адам?

Дияр: Ұлағатты әке.

Ислам: Ұлтжанды азамат.

Айлұн: Мейірімді ата.

Таир: Өнер иесі.

Аяна: Жазушы.

Ерасыл: Ақын.

Набихамза: Қазақстанның тұңғыш президенті.

Санжар: Әнұранның авторы.

Алем: Көреген саясаткер.

Қ.Ислам: «Ғасыр адамы».

Әмір: Осы атамызға қарап маған бір ой келді: «Менде өскенде осы кісідей үлкен азамат болсам» деген.

2 – жүргізуші: - Дұрыс айтасыңдар, балалар,елбасымыз өзінің ерен еңбегімен, кемеңгерлігінің арқасында елімізді әлем танитын елге айналдырды. Балалар, біз қай елде өмір сүріп отырмыз?

Балалар: - Қазақстан Республикасында.

1 – жүргізуші: «Қазақстан» сөзін естігенде сендерге қандай ойлар келеді?

Арсен: Тілі бар.

Айлин: Халқы бар.

Жанель: Жері бар.

Айерке: Мәдениеті бар.

Айзере: Қазақстан – тәуелсіз мемлекет.

Аяна: Салты бар.

Ибраһим: Қазақ ұлты бар.

С.Жәнібек:

Қазақстан дейтін менің бар елім

Алып жатыр жарты дүние әлемін

Бұл даланы анам жаспен суарған

Бұл даланы алғаш көріп қуанғам

Бұл далада өскен жанда жоқ арман.

2 – жүргізуші:

Елімнің атын айтсам – Қазақстан

Жерімнің атын айтсам – Қазақстан.

Қойнауы қазынаға толы мекен

Байлығым атын айтсам – Қазақстан.

Ән: «Астанамыз-астана».

1 – жүргізуші: - Н.Назарбаев президент болғалы аз уақыт ішінде қаншама жетістіктерге қолымыз жетті. БҰҰ-на мүше болдық, республикамыз әлемдегі бәсекеге қабілетті 50 елдің қатарына енді, ана тілімізге мемлекеттік мәртебе берілді, мемлекеттік Рәміздеріміз белгіленіп, Ата заңымыз қабылданды.

Балалар бүгінгі мерекеге арнап, жаттаған тақпақтарын айтып берсін.

Ақылжан:

Аман болсын Нұрсұлтандай атамыз,

Халқымызға пана болған данамыз,

Әрқашанда мақтан етіп жүретін

Жазық маңдай кең пейілді данамыз.

Алижан:

Елбасымыз саған мәңгі разымыз

Үлкен-кіші, ағайындар бәріміз.

«Ұлтым, елім» деп қайғырған ұлы жан

Сіз біздердің піріміз де әніміз.

Е.Томирис:

Кең байтақ қой Қазақстан картасы

Астанамен айшықталған ортасы

Бүгін бізге таңдай қағар күллі әлем

Бұның бәрі елбасының арқасы.

Әсел:

Гүлдене бер отаным

Көтерген тудың нұр ағам

Көбейткен достық қатарын

Нұр аға біздің ұлы адам

Айша:

Ауыр күнді артымызға тастауы

Қиын сәтте қиындықтан қашпауы

Тілім,дінім,ұлтым қайта көгерген

Елбасымыз нұрағаңның бастауы.

Анель:

Туды ұстап тура жолға түсіріп

Жас Отанның өмірінде түсініп

«Елім, жерім» деп ұрандап тайсалмай

Жасады-ау елі үшін көп тірлік.

Нурай:

Ел тынысы тереңінен танып тең,

Шарапаты бар адамға дарып тең.

Елбасының есімі бұл тарихта,

Қалар анық өшпес алтын әріппен

Айназ:

Бар әлемге шын танылдық міне,біз

Елін сүйген Елбасы деп білеміз.

Тең аталып Қазақстан Нұрсұлтан

Нұрсұлтан Қазақстан тұр егіз.

2 – жүргізуші:

Қазақстан сан ғасырлық тарихы бар

Қазақстан – бұл азат ел, танысаңдар.

Көк байрағы, елтаңба,әнұраны

Қазақ елі егемен сан ұлысы бар.

Қыздарымыз бен ұлдарымыздың орындауында «Қазақ» биі.

Ән: Тәуелсіздік әніміз

1 – жүргізуші: Назарларыңызды біраз теледидарға аударсақ. (Елбасы туралы слайд көрсету).

Осы 20 жылдан астам уақыт ішінде қазақ халқы үшін, таңқалатын түрлі сәулет өнері тұрғызылды. Мәселен, соның бірі – Астана қаласы. Астана десек, көз алдымызға Елбасымыз Н.Назарбаев елестейді емес пе?!

Балалардың тақпақтарын қабыл алыңыздар.

Т.Інкәр:

Астана – қазағымның бас қаласы

Арқада бой көтерген жас қаласы

Көшірген Астананы орталыққа

Елбасы Нұрсұлтанның бастамасы.

Айым:

Жаса, жайна ару қалам – Астанам

Қазақ болып туғаныма мақтанам

Өнеріне өркендеген өнерім

Сүйсінемін, қызғанамын, шаттанам.

Кәусар:

Болашағым Қазақстанның алдағы

Орындалсын қазағымның арманы

Елбасы Нұрсұлтан Назарбаев

Халқымыздың сеніп алған таңдауы

Айгерім:

Ел Ордамыз бой көтерді бүгінде

Бастауында Нұр ағадай басшының

Бой көтерген зәулім үйлер керіліп

Астанам тұр анандайдан көрініп,

Бәйтерегім – елдігімнің нышаны

Тұрғандай-ақ бақ пен нұрдай төгіліп.

Аль-карим:

Шаңыраңтың шаттығы

Асқақтап тұр мұны

Елтаңбасы елімнің

Елдің тыныш тірлігі.

2 – жүргізуші:

Келесі кезекті «Жаса,Қазақстан» әніне берсек. Орындайтындар Айзере, Ш.Амина, Алихан, Абулазиз.

1 – жүргізуші:

Батыр болған бабаларым

Ел бастаған бабаларым

Байтақ жерге жау тигізбес

Жігіттері қазақтың,- дегендей, келесі кезекті «Жігіттер» биіне берейік.

2 – жүргізуші:

Балалардың тақпақтарын қабыл алыңыздар.

Алима:

Бір басында кемеңгерлік, даналық,
Елін сүйген елі үшін жаралып.
Сол кісідей болса - болсын әр алып

Т.Жәнібек:

Гүлдене бер отаным

Көтерген тудың нұр ағам

Көбейткен достық қатарын

Нұр аға біздің ұлы адам

Д.Томирис:

Елбасшы Әбішұлы Нұрсұлтан

Ұлы міндетін атқарған

Халық үшін терін төккен

Елбасымен мақтанам

Азель:

Мой казахстан,живи и процветай

Ты колыбель великого народа,

Всю красоту и мудрость передай

И сохрани для будещего рода

Бекзат:

Жайдарлы жерім бар

Өрісті елім бар,

Ерлікке баулитын

Егемен елім бар

Нурасыл:

Туымызға көгілдір

Бір қарамай өтпейміз,

Сол көк тудың астында

Көгереміз көктейміз.

2 – жүргізуші:

Жаңбырменен жер көгереді

Батаменен ел көгереді,- дегендей, ақын Оразақын Асқардың Елбасына, халқына берген бас батасын Дияр айтып берсін.

Әмір:

Елбасымыз алысты көрсін

Ел жұртымыз табысты болсын

Қыздарымыз сұлу,

Ұлдарымыз намысты болсын.

Нарық қалтаны қақпайтын болсын

Теңгеміз теңдік сақтайтын болсын

Қазақстанның барлық азаматтары

Қазақша сөйлеп, алға аттайтын болсын. Аумин.

1 – жүргізуші:

Сен неткен, Отан анам ғажап едің

Әспеттеп көркем тілмен жазар едім

Болашақ ұрпағының бақыты үшін

Жайнай бер, ұлы Отан, қазақ елім! – дегендей «Казақстан» әнін қабыл алыңыздар.

2 – жүргізуші:

Біз бүгін ұлтымыздың кемеңгер данышпанына айналған білімді, ақылды, өзінің ұстанған саясаты бар Н.Назарбаев туралы бар білгенімізді ортаға салдық. Президент - біз үшін ұлы тұлға. Біз Елбасымен мақтана аламыз. Мақтай да аламыз. – Ендеше, балалар, Елбасымызға, қазақ еліне деген жылы лебіздерімізді тілек арқылы білдірсек.

• Егеменді еліміз тыныш болсын! Алижан

• Қазақстанымыз көркейе берсін! Ақылжан

• Елбасымыз аман болсын! Инкар

• Бар туысқан ынтымақ болсын! Азель

• Алтын күніміз биіктей берсін! Алима

• Көк туымыз желбірей берсін! Айым

• Елтаңбамыз жарқырай түссін! С.Жәнібек

• Астанам жас қалам, көркейе берсін!Айгерім

• Ана тілім өркендей берсін! Кәусар

• Алтын дәмді даламыз аман болсын!Айша

• Халқымыздың мәртебесі биіктей берсін!Айназ

• Әр таңымыз арайлап атсын! Нариман

• Ұлттар достығы нығая түссін! Нурай

• Барлық балалар бақытты болсын! Әсел

• Заманымыз тыныш болсын! Аль карим

• Шаңырағымыз биік болсын! Бекзат

1-жүргізуші: - Тілектерің қабыл болсын балалар!

2-жүргізуші: «Достық» биі.

1 – жүргізуші:

Бүгінгі ертеңгілігімізді Елбасының мынандай сөзімен аяқтағымыз келіп отыр: «Еліңнің ұлы болсаң, еліңе шын жаның ашыса, азаматтық намысын болса, қазақтың жалғыз ұлттық мемлекетінің көркеюі жолында жан теріңді сығып жүріп еңбек ет, елдің де, жердің де иесі екеніңді ұмытпа».