Психологиялық білім - кәсіби кемелдікке бастар жол

Білім беру жүйесінің дамуы тек сапалы білім берумен ғана емес, сонымен қатар білім алушылардың психологиялық әл-ауқатын қамтамасыз етумен, олардың тұлғалық ерекшеліктерін түсінумен және әлеуетін ашуға жағдай жасаумен тығыз байланысты. Қазіргі қоғамда адамның психологиялық саулығы, эмоциялық тұрақтылығы, қарым-қатынас мәдениеті мен өзін-өзі дамыту қабілеті ерекше маңызға ие. Осы тұрғыдан алғанда, психолог мамандарды даярлау - қоғамның әлеуметтік және рухани дамуына ықпал ететін маңызды бағыттардың бірі. Психологтың кәсіби білімі, адамгершілік ұстанымы, жауапкершілігі мен адамға деген құрметі оның қызметінің негізгі өлшемдерін құрайды. Сондықтан психология саласы бойынша мамандар даярлайтын жоғары оқу орындарының міндеті теориялық білім берумен шектелмей, ғылыми ойлауды, практикалық дағдыларды және кәсіби этиканы қатар дамытуға бағытталуы қажет.