психологиялық тренинг

Тренинг – сабақ тақырыбы: «Жетістікке жетудің қыры мен сыры»

Тренинг сабақтың мақсаты: ОЖСБ тапсырушы 4- сынып оқушыларына психологиялық қолдау көрсету

Бүгінгі таңда ОЖСБтапсырушының өз жетістіктеріне жетуі үшін, олардың психикалық күйзеліске тап болып, әртүрлі өзіне зиян әкелетін жаман қылықтардан аулақ болуына педагог-психолог тарапынан психологиялық қолдаулар көрсетіліп, ОЖСБ тапсыру кезеңінде әртүрлі аутодеструктивтік мінез-құлықтың алдын алу жолдары қарастырылып отыр. Сол себепті ОЖСБ тапсырушының өз бойындағы сенімсіздігін жойып, жағымсыз қылықтардан арылтып, олардың көңіл-күйін бағалай отырып, жетістікке жетудің бірнеше түрін қарастырып отырмын.

«Жетістікке жетудің алтын қағидалары»

1 Қағида Өміріңді дұрыс өрдің бе?

Адам өмірі де өріледі. Бірақ кейде адамдар сол өмір өрімін дұрыс өре алмай дал болады. Ал, өре алғандар жетістік тұғырынан көрініп жатады. Банканың ішіне әуелі үлкен тастарды толтырып, одан кейін үстіне ұсақ тастарды, оның үстіне құм және ең соңынан су құйсақ, осыншама заттардың барлығын сыйдыра алар ма едік. Егерт үлкен тастарды бірінші салмасақ, ол сыймай қалар еді. Сен де өз өміріңнің үлкен тастарын ең бірінші және қалғандарын рет-ретімен қоя алдың ба? Әлде құм мен суды бірінші толтырып, тастарың сыртта сыймай қалып жүрген жоқ па?

2 Қағида Мейіріміңді төктің бе?

Мейірім болмағанда бұл дүние астан-кестең болар еді-ау.қатыгез ұрыстар мен сұмпай соғыстар осы мейірімсіздіктің жемісі емес пе? Отбасында титімдей мейірімсіздіктің өзі кикілжіңдер туғызады. Ал мейірімсіз болып дүниеде жетістікке қол жеткізу мүмкін емес.

Бала –деген періште. Адамда сондай мейірім күлкісі болса ғой шіркін! Сонда жетістікке бір өзі емес, күллі адамзат жетер еді. Сенің жасаған жақсылығың, өзгенің дұрыс іс-әрекетіне себепкер болуы мүмкін.

3 Қағида Қолың ашық па?

Өмірде мұқтаждық көру-ең ауыр азап. Шын мәнінде, адамдардың барлығы мұқтаждық хәлінде. Ибрахим Бин Етхем деген әулие кісі бай адамның жомарттық танытып берген бір қобдиша алтынын алмай қойыпты, оны кері қайтарып тұрып, былай депті: Өзіңе осынша алтын керек пе?. Ол: «әрине , керек »,-депті. Сонда: «сен мұқтаж екенсің ғой, өзің ала ғой »,-деген екен.

4 Қағида Әр сәтіңді дұрыс пайдаландың ба?

Әйгілі суретші Доменишино сурет салуды бастағанда бірнеше апта бойы түк істемейді екен. Тапсырыс берушінің бірі бұл жағдайды біліп қойып, «Өнімсіз жұмыс істейсің, жәй әрекет етесің»,-деп ұрысқан екен. Сонда былай жауап қайтарыпты:

«Мен әр сәтімді бос өткізбеймін. Ал қазір суретті миымда салудамын». Ол бірнеше апта бойы беріоген тапсырысты миында қорытып, сызып, пішіп, оның үлгісін жасайды. Бар жігерімен өзін суретке беріп, өмірінің осы бір сәттерінде басқа еш нәрсеге көңіл аудармайды, тек суретпен ғана айналысады. Нәтижесінде аз ғана уақыт ішінде бүкіл жұрттың назарын өзіне аударған керемет туындыны өмірге әкеледі.

5қағида Кеңестің бе?

Бәрінен бұрын кеңес алатын адамды дұрыс таңдай біл. Қараңғыда жоғалған затыңды май шаммен іздеген қандай, электр жарығымен іздеген қандай. Кеңесетін адамды дұрыс таңдамағаның- жоғалғаныңды май шаммен іздегенің. Өйткені май шамнан алынатын жарық жеткіліксіз. Сен қараңғылық тұсыңды жап-жарық қылатын қуатты электр шамындай адамға мқұтажсың.

6 Қағида Кішірейдің бе?

Шәугім мен кесе мысалын білуші ме едің? Шәугімнің кейпі паң, өр көкірек, ал кесенің кейпі ұяң, кішіпейіл. Солай бола тұрғанмен шәугім кесенің алдында иіліп кішіреймей ме? Адамдар да шәугімді емес, кесенің маңдайынан сүймей ме? Ендеше, кесе сияқты басқалар өзіңе кішірейетіндей, сенің маңдайыңнан сүйетіндей кішіпейіл бол! Бос көкіректікпен жетістікке жете алмайсың. Ұлық болғың келсе, кішік бола біл.

7 Қағида Жаман әдетіңді тастадың ба?

Әдеттердің жақсысы да, жаманы да болады. Жетістікке жетем деушілер жақсысын өзіне дос, жаманын дұшпан етеді. Өйткені , жаман әдеттің маңына жоласаң, өз дұшпандарыңды өзің тәрбиелеген болып шығасың.

«Мәтін ішіндегі тест ойыны»

Мақсаты: ОЖСБ тапсырушының жұмысқа деген ынтасын және зейін қою қабілітін арттыру.

Нұсқаулық: Сіз мына нұсқауға бағына аласыз ба? Ендеше 3 минут ішінде мына тестті толтырып шығу керек.

1. Орындамас бұрын бәрін мұқият оқып шығу

2. Парақтың оң жақ жоғары бұрышына баспа әріппен өз атын жазу.

3. Атын қоршау.

4. Сол жақ жоғары бұрышқа 5 шағын шеңбер салу.

5. Әр шеңберге «Х» белгісін қою.

6. Парақтың жоғары жағына өз фамилиясын жазу.

7. Есімің жазылған оң жақ жоғары бұрыштың астына телефон өомірін жазу.

8. Жазған нөмірді барлығы еститіндей етіп дауыстап айту.

9. Осы нөмірді қоршау.

10. Әдеттегі дауыспен 10-нан 1-ге дейін кері санау.

11. «Мен біттім» деп дауыстау.

Талқылау: топ тапсырманыңи мағынасын түсінгенде бөлмеде күлкі таралады және тестті неге толтырғанын айтады барлық қатысушы жетекшінің қармағына түседі. Қатысушылар қабілеттілікті тексеруге арналған тапсырма деп жауапкершілікпен қабылдайды. Ойын соңында ешкім өзін алданып қалғандай сезінбейді, керісінше, демалуға мүмкіндік береді.

Педагог-психолог: Бекжігітова А