Психологиялық тренинг

Тақырыбы: «Эмоциялар патшалығы»

Кіммен өткізіледі: «Айдария» мектепалды тобының тәрбиеленушілері

Мақсаты: Тәрбиеленушілердің зейінін тұрақтандырып,қабылдау,есте сақтау,ойлау қабілеттерін дамыта отырып,эмоциялық көңіл-күйді белсендіру. Көрнекілік: смайликтердің суреттері, қыстырғыштар, шар.

Барысы:

- Сәлеметсіздерме балалар! Мен сендермен ерекше амандасқым келеді, ол үшін сендер шеңберге тұруларын керек, мен сендерге әр түрлі смайликтерді көрсетемін, сендер смайликке қарап, сол смайликтегі эмоцияны қайталауларын тиіс. «Ерекше амандасу» ( смайликтерді көрсету арқылы)

Тамаша балалар біз барлық смайликтерді қайталадық, смайликтерде не бейнеленген екен: әр түрлі эмоциялар. Дұрыс айтасыңдар эмоция-бұл дегеніміз біздің қоршаған ортамен, яғни біздің достармен, ата-анамен қарым-қатынас негізінде пайда болатын көңіл күй.

-Қазір сендердің көңіл-күйлерін қандай?

-Олай болса мен сендерді «Эмоциялар патшалығы» атты тренингке шақырамын.

Әр түрлі дыбыстар, адым, айғай, жылау.

Балалар маған сендердің көмектерін қажет! Мені мына биік мұнарадан шығарыңдаршы!(Күлкі эмоциясының дауысы, аудио)

-Бұл кімнің дауысы екен, қане бірге біліп көрейікші!

Баяғы бір заманда Күлкі, Реніш және Ыза атты апалы-сіңілі эмоциялары болыпты. Бұл эмоциялар бір-бірлерінен ерекшеленетін қасиеттері болған. Күлкі эмоциясы әрқашанда айналасына күлкі сыйлап, үлкен сарайға күннің шуағы сияқты жарқырап жүретін, ал Реніш болса әрбір адамға ренішін білдіріп, олардың жасаған іс-әрекеттері оның көңіліне тиетінін айтып отырады екен, эмоциялардың кенже сіңілісі Ыза болатын, Ыза әрқашанда белгілі бір істің анық қанығына бармай ашу-ызасын көрсететін, тіпті бұл ашу-ызамен қате іс-әрекеттерді де жасайтын.

Бір күні «Эмоциялар патшалығына» мыстан кемпір келеді. Ең бірінші мыстан кемпірдің көзіне Күлкі эмоциясы түседі. Мыстан кемпір Күлкі эмоциясын алдап, өз қақпанына түсіреді де биік мұңараға Күлкі эмоциясын қамайды. Күндер өтеді, айлар өтеді сарайда тек қана толған реніш пен ыза. Бұған шыдамаған «Эмоциялар патшалығының» адамдары Күлкі эмоциясын іздеуді бастайды. Бірақ қолдарынан түк келмейді, себебі мыстан кемпір әр түрлі кедергілерді қойып қойған. Бұл кедергілерден тек қана «Айдария» тобының тәрбиеленушілері өте алады. Бізге сендердің көмектерін керек. (аудио қосылады)

І. Дидактикалық ойын «Эмоцияны тап»

Барысы: балаларға әр түрлі суреттер мен қыстырғыштар беріледі, балалар суретте не бейнеленгенін айтып, эмоция түрін қыстырғышпен көрсетуі тиіс.

ІІ. «Сәйкестендір»

Барысы: балаларға түрлі-түсті қарындаштар мен әр түрлі эмоциялары бар сурет беріледі, балалар сол суреттегі эмоцияларды сәйкестендіруі тиіс.

ІІІ. «Эмоцияларды кедергіден өткіз»

Барысы: Үстелде кедергілер тұрады, балалардың қолдарына күлкі эмоциясы бар жіп пен шар беріледі, сол жіппен балалар бірде бір кедергіні жібермей эмоцияны өткізуі тиіс.

ІV. «Эмоционалды нейрогимнастика»

Әрбір баланың саусағына түрлі түсті қағаз бен оған сәйкес шеңберлер беріледі. Балалар бірдей түстегі шеңберлерді бір-біріне қосады.

Тамаша балалар, ал енді әр түрлі көңіл-күйлерді қайталап көрейік, ол үшін ортада тұрған орындықтарға жайғасыңдар, орындықтарына мұқият қараңдар, қазір сендер сол көңіл-күйлерді қайталайсыңдар. Бұл ойынның аты «Смайликтерге қарап, көңіл-күйді қайталау» деп аталады.

V. Ойын барысы: Музыка қосылады, музыка ойнап жатқанда балалар шеңбер бойымен билеп жүреді, музыка тоқтағанда сол орындықта тұрған смайликтің көңіл-күйін қайталайды.

Қорытынды: -Балалар біз барлық кедергіден өттік, біздің Күлкі эмоциясы биік мұнарадан шықты. Қазір бізге келе жатыр екен.

-Сәлеметсіңдерме балалар! Мен Күлкі эмоциясымын! Менің сендерге әзірлеген сыйлығым бар! Мен ендігі «Эмоциялар патшалығына» қайтайын.