Психологиялық тренинг: "Көңілі көтеріңкі ұстаздың, еңбегі де жемісті!"

Жаңаөзен қызмет көрсету және жаңа технологиялар колледжінде 2020/2021 оқу жылында жас мамандарға «Көңілі көтеріңкі ұстаздың,еңбегі де жемісті.» атты психологиялық тренинг өткізілді. Тренингті өткізудегі мақсатымыз: Ұстаз тұлғасын, қоғамдағы алатын орнын айқындау. Жас мамандардың педагогикалық шеберлігін, біліктілігін арттыру, тәжірибе алмасу.

Танысу жаттығуы. Көңілді музыка ойнатылып, жаттығуға қатысушылар шеңбер бойынша тұрады. Әрбір қатысушы өзінің есіміне сын есім қосып және бойындағы бір қасиетін айтып шықты.

Топқа бөліну: Әрбір қатысушыға жануарлардың аты жазылған қағаздар таратылу арқылы топқа бөлінді.Қағаздағы жануарларды ым ишарамен көрсетіп жұбын табады.Барлық қатысушы осылай қайталады.

«Сыйқырлы шарлар» жаттығуы

Қатысушыларға түрлі – түсті үрленген шарлар берілді.Шарлардың ішінде тапсырмалар бар. Сол тапсырмаларды орындап шықты.

1. Таппайтын тағат, тығулы сағат (жүрек)

2. Төрт аяқты шалғы, орып өтер малды (қасқыр) деген сияқты сұрақтар қойылды.

Топтық жұмыс:Топқа бөлінген қатысушылар берілген тапсырманы топ болып сахналық қойылым ұйымдастырады. Әрі қарай әр топ жалғастыра береді.

1. Сергіту сәті

Тілек ағашы. (бейнеленген ағашқа тілек жазып жапсыру ). Тілек ағашының суреті салынған плакатқа әрбір қатысушы жапсырма қағазға өздерінің тілегін жазып, ағашқа жапсырады.

Психолог: тренингтен алған әсерлерімен бөлісуді сұрайды. Әрбір қатысушы тренингтен алған әсерімен бөліседі.

Жаңаөзен қызмет көрсету және

жаңа технологиялар колледжі.

Педагог- психологы: Г.У.Исаева