Психологиялық тренинг: "Түстер әлемі"

Түстер әлемі

Мырзахметова Гулназ Анарбаевна

«Балапан» бөбекжайының әдіскер-психологі

Психологиялық тренинг.

Қатысушылар: ортаңғы тобы.

Мақсаты: Балаларды негізгі түстерді топтастыруға үйрету: қызыл, сары, көк, жасыл. Балалардың түсті қабылдау және түс туралы түсініктерін жетілдіру. Көру арқылы есте сақтау және қиял, ойлау қабілеттерін дамыту.

Шаттық шеңбері:

Ауадан қуат алайық

Алақанға салайық,

Күннен алған жылуды

Жүрегімізге салайық.

Жүректегі жылуды,

Бір-бірімізге сыйлайық

І.Ойын. »Пойыз»

ІІ. «Есте сақта және боя».

Мақсаты: Балалардың түс туралы түсініктерін жетілдіру және көру арқылы есте сақтау қаблеттерін анықтау. Балалар үлестірмедегі алмаларды суретте көргендей етіп бояйды.

ІІІ. Ойын. «Атомдар және молекулалар».

Мақсаты: Қысымды түсіру, топты бріктіру. Осы ойын арқылы балалардың өзара қарым-қатынасын бақылауға және көңіл-күйлерін көтеруге болады.

Балалар бөлмеде еркін қозғалады (билеуге де болады).

Психолог: Сендердің әрқайсыларың атомсыңдар. Жалғыз жүріп іштерің пысып кетті, сондықтан екіден, содан кейін үштен бірігіңдер.

IV. «Көбелектер әлемі»

Мақсаты: Баланы тыныштандыру үшін және қиялын дамыту. Балалар кілемшеге шалқасынан жатып, аяқ-қолдарын еркін созады. Көздерін жұмып, жаздың шуақты күнінде шалғында жүргендей елестетеді. Дәл қазір сендердің көз алдырыңда ғажайып көбелек гүлден-гүлге ұшып жүр. Оның қанаттарының қимыл-қолғалысына қараңдаршы! Ол қанаттарын жеңіл әрі әдемі етіп қозғалтады. Енді әрқайссыларыңыз осы көбелектің ғажайып үлкен әрі керемет қанаттарын өздеріңе қиялдап көріндерші! Сендердің қанаттарың баяу төмен жоғары қалықтап жатқанын сезініңдер. Алдарыңнан көздің жауын алатын әсем де керемет жайқалып тұрған гүлдер кездесті. Гүлдердің түсі әртүрлі. Қызыл, сары, көк, ақ. Өздеріңе ұнаған түсті гүлге барып қоныңдар. Иісі неткен керемет. Оның жұпар иісімен демалыңдар. Енді тобымызға қайтатын уақыт болды. Көзімізді жаймен ашамыз.

• Көз алдымызға көбелек елестеді ме? Сендер қандай түсті гүлді тандадыңдар? Олай болса өздеріңе ұнайтын гүлге көбелектеріңді қондыра қойыңдар.

Қызыл – қуаннышты көңіл күй. Ал қызыл – ұнамды көңіл күй. Сары – жағымды көңіл күй. Күлгін- алаңдатушы көңіл күй. Қара – күш-қуаттың төмендеуі. Ақ – анықталмаған көңіл күй. Көк – суық көңіл-күй.

V. «Шарларға баулар байла»

Мақсаты: Балаларды негізгі түстерді топтастыруға үйрету: қызыл, сары, көк, жасыл. Балалардың түсті қабылдау және түс туралы түсініктерерін жетілдіру.

VI. Қорытынды: «Тілек шоғы»