қағаздан раушан гүлін жасау

Қағаздан раушан гүлін жасау

Перизат Мамыралиевна Хансейтова

технология пәнінің мұғалімі

№72 жалпы орта мектеп

8 «Е» сынып

Сабақтың білімділік мақсаты: оқушыларға қағаздан раушан гүлін жасау жолдарын үйрете отырып, шеберлік шығармашылық деңгейі арқылы әсемдік пен сұлулықты бағалай білуге үйрету;

Дамытушылық мақсаты: балаларды өздігінен еңбек етуге дайындау.Еңбекке деген қызығушылығын арттыру;

Тәрбиелік мақсаты: жұмыстарын эстетикалық тұрғыдан ұқыпты орындауға, қазіргі заман талабына сай жан-жақтылыққа тәрбиелеу.

Әдісі: баяндау,түсіндіру, көрсету, сұрақ-жауап.

Материалдар мен құралдар: қайшы, түрлі-түсті қағаздар, желім

Пәнаралық байланыс: математика, дүниетану.

Сабақ барысы:

Ұйымдастыру кезеңі

Қыздар бүгін біздің сабаққа қонақтар келді. Қонақтармен амандасайық.

Шаттық шеңбері қыздар тілектерін білдіреді

Рақмет, қыздар орнымызға отырайық.

Ал, бүгін сендермен біз құмыраға салатын қағаздан раушан гүлін жасап үйренеміз

Жаңа сабақ.

Әр адамның өзінің сүйікті гүлі болады. Мерекелерде, туған күндерде, жақсылықта гүл сыйлау-үлкен құрметтің белгісі. Сондықтан бүгін сабағымыз осы әдемі гүлдердің бірі раушан гүлге арналады.

Раушан гүлдері 5000 жыл бұрын пайда болған. Оның 300-ге тарта түрі бар, 30000 мыңға жуық сорты бар, Қазақстанның «Қызыл кітабына» енгізілген. Раушан гүлі-АҚШ, Англия және Иранның ұлттық гүлі болып табылады. Әлемде ең бір көне раушан гүлі Германияда кездеседі. Раушан немесе Райхан гүлі- хош иісті, ең әдемі көрікті гүлдердің бірі. Ол гүлдердің патшасы. Римде бір күнді «Ракшан күні» деп ерекше қадірлеп тойлаған.

- Жұмысты бастамастан бұрын, нені есімізге түсіруіміз керек?

- Техникалық қауіпсіздік ережесін.

Техникалық қауіпсіздік ережесі

1.Қайшыны арнаулы қобдишада сақтау керек.

2.Қайшыны жолдасыңа үшкір үшымен берме.

3.Қайшыны ашық қалдыруға болмайды.

4.Жолдасың қайшымен жұмыс істеп жатқанда көңілін бөлуге болмайды.

5.Қайшының ұшын жоғары көтерме.

6.Қайшылар өткір болуы керек және жабық сақталғаны жөн.

7.Терма желімді электр көзіне қосқанда, сымын тексеріп шығу.

8.Саусақтар мен жұмыс барысында ұқыпты болу.

9.Жұмыс аяқталған кезде ток көзінен ажырату.

Жұмыстың жасалу реттілігі.

1. Кішкентай қалып үлгіні алып, қызыл түсті қағаздың бетіне 4күлтені қарындашпен сызып аламыз.

2. Түсірілген бейнені қайшы ережесін сақтай отырып, күлтені қиып аламыз.

3. Үлкен қалып үлгіні алып, қызыл түсті қағаздың бетіне 4 үлкен күлтені қарындашпен сызып, қайшы ережесін сақтай отырып, қиып аламыз.

4. Алдымыздағы таяқшаға кішкентай күлтені айналдыра желімдеп жабыстырамыз. Жабыстырып болған соң екінші күлтені астыңғы бөлігіне желім жағып, жартылай жабыстырамыз, осы әдіспен үшінші, төртінші күлтелерді жабыстырып шығамыз. Бұл біздің гүліміздің бірінші бөлігі.

Сергіту сәті

Ән: «Желсіз түнде, жарық-ай»

5.Екінші бөлігін дәл осы әдіспен күлтені жабыстырып шығамыз

Сабағын жасыл түспен айналдыра жабыстырып аламыз. Жабыстырып алған соң жапырағын кесіп, сабаққа жабыстырамыз.

М іне қыздар, бүгінгі сабақта раушан гүлін қағаздан жасауды үйрендік.

Сабақты бекіту

Ал қыздар, раушан гүлі туралы не білдік?

Және қандай сөздермен таныстық?

Қорытындылау

Бағалау