Қайталау сабағы

Бекітілді: Калиниченко Л. С.

Пәні: Математика

Күні: 24.05.2016

Сыныбы: 1 «Ә» сынып

Сабақтың тақырыбы: Қайталау сабағы

Сабақтың мақсаты:

Білімділігі: Оқушылардың осы күнге дейін алған білімдерін тиянақтап, қайталау;

Дамытушылығы: Оқушылардың ойлау, есте сақтау қабілеттеріне және сөйлеуге дағдыландыру;

Тәрбиелігі: Оқушылар бойына адамгершілік қасиетін енгізу.

Сабақтың көрнекілігі: геометриялық фигуралар

Сабақтың түрі: саяхат сабақ

Сабақтың әдісі: түсіндіру, сұрақ-жауап, ойын, әңгімелеу

Сабақтың барысы:

I. Ұйымдастыру бөлімі: Оқушылардың назарын сабаққа аудару. Мұғалім:

Бір, екі, үш
Сынып іші тып-тыныш
Жалқаулықты тастаймыз
Сабақты біз бастаймыз.

II. Жаңа сабақ:

Мақта қыз бен мысық ертегісі. Мақта қыз бен мысық екеуі дос болып жүреді. Мақта қыз үйін жинап жүріп, бір мейіз тауып алады да, мысықты шақырады. Мысық келмейді. Қыз: Келмесең келме–деп,мейізді өзі жеп қояды. Жеп болған соң мысық келіп: — Неге шақырдың? — деп сұрайды. Мақта қыз айтпайды. Сонан соң мысық: — Ендеше қатығыңды төгем-дейді. Мақта қыз: — Мен құйрығыңды кесіп аламын - дейді. Мысық қатықты төгеді. Мақта қыз мысықтың құйрығың кесіп алады. — Мақта қыз құйрығымды берші-дейді. Қатығымды қайтарған соң, құйрығыңды беремін дейді. Енді мысық бізден көмек сұрап тұр.

Мысыққа құйрығын қайта алуға көмектесеміз бе? Ол үшін біз тапсырмаларды орындауға көмектесейік. Сәт сапар, достар!

Сиырдың тапсырмасы:

Сан құрамын ата ?

Ағаштың тапсырмасы:

Бұтақта 10 торғай отыр еді. 6 торғай қшып кетті. Нешеуі қалды?

Үстелде 6 кітап және одан екеуі артық дәптер жатыр. Дәптер нешеу?

Анар математика сабағында 1 бестік, әдебиеттен 2 бестік, музыкадан 1 бестік бағасын алды. Барлығы неше баға алды?

Қыздардың тапсырмасы:

Теңдеуді шеш:

а+2=4 а+3=5 6-а=3

а -1=4 7-а=3 а-4=1

Дүкеншінің тапсырмасы:

Ауызша есептеу

5+4-1+2-6 =4

10-4+3-2+1=8

Тауықтың тапсырмасы.

Геометриялық фигураларды ата:

Тышқанның тапсырмасы:

Бір қазақ қалаға бара жатыр еді,жолда үш танысы қарсы шықты. Қанша адам қалаға барды?

Бір кг темір ауыр ма, әлде бір кг мақта ауыр ма?

1 жұмыртқа 5 минут піссе, 4 жұмыртқа неше минут піседі?

Шыңғыста 7 теңге, Батырханда 3 теңге. Барлығы қанша?

7 кесе болды. Екеуі сынып калды? Неше кесе қалды?

Бұтада 4 қарға және сонша торғай отыр. Барлығы қанша?

Бірінші сөреде 2 кітап, екінші сөреде 5 кітап артық тұр. Екінші сөреде неше кітап бар?

Сыныпта 10 бала. 3 бала шығып кетті, 2 бала кірді. Сыныпта неше бала қалды?

III. Қорытынды:

• Бүгінгі сабақ ұнады ма?

• Бүгінгі сабақтан не үйрендіңдер?

• Не түсініксіз болды?