«Қайырымды жануар» тренингі

«Қайырымды жануар» тренингі

Тобы: Ортаңғы топ

Тақырыбы: «Айдаһар», «Қайырымды жануар» тренинг

Мақсаты: Көпшілікпен ойынның ережесін ұстана ойнауға үйретіп, қарым-қатынасты нығайту, жүректің дұрыс соғуына арналған психологиялық жаттығу. Балалардың жағымсыз сезімдерден арылтып, жақсылыққыа үйрету.

Жұмыстың барысы: 1. «Айдаһар» тренингі

Барысы: ойыншылар бір қатарға бір-бірінің иығынан ұстап тұрады. Бірінші ойыншы айдаһардың «басы», ал соңындағылары «құрығы». Басы құйрыққа дейін жетіп, оны ұстауы керек.Ойынның шарты бойынша айдаһардың денесі бөлініп кетпеуі қажет. «Бас» «құйрықты» ұстаған сәтте, ол құйрыққа айналады. Бүкіл ойыншы екі рөльде ойнап болмайынша ойын жалғасады.

2. «Қайырымды жануар» тренингі

Барысы: Қатысушылар дөңгелене шеңбер жасап, қолдарынұстасып тұрады. Жүргізуші жай ырғақты дауысымен: «Біз-бәріміз бірге, үлкен қайырымды жануармыз. Кән, тыңдап көрейікші, ол қалай тыныс алады екен?» барлығы бірге өзінің және көршісінің тыныс алуын тыңдап көреді. Ал енді бәріміз бірге тыныс алып көрейікші.

Тыныс аламыз- бәріміз бір қадам алға, дем шығарамыз-бәріміз бір қадам артқа

Тыныс аламыз-екі қадам алға, дем шығарамыз-бәріміз екі қадам артқа (2-3 рет қайталаймыз)

«Жануар тек қана бұлай дем алып қоймай, оның үлкен қайырымды жүрегі де, осылай нақты соғады. Соғады-бір қадам алға, соғады-бір қадам артқа т.с.с біз бәріміз осы жануардың тынысы мен жүрегінің соғуын өзімізге аламыз»

3. Релаксация. Музыканың сүйемелдеуімен қимылды жаттығулар орындату.

4. Қорытынды: Бүгінгі сабақта өткізілген тренингтен алған әсерлерін сұрау. Сабақ барысында жақсы қатысып отырған балаларға мақтау ретінде қызыл жұлдызша, орташа қатысып отырған балаға сары жұлдызша ұсыну.