Пән: Дүниетану

Ұзақ мерзімді жоспар бөлімі: Бізді қоршаған орта

Мектебі: М-С.Бабажанов атындағы жоббм

Сабақ тақырыбы

Қала мен ауыл

Оқу мақсаттары (оқу бағдарламасына сілтеме)

1.1.3.1 өз мекенжайын атау және елді мекенінің географиялық орналасқан жерін сипаттау

1.1.3.2 өзі тұратын елді мекеннің басты көшесің, ғимараттарын және көрнекі жерлерін сипаттау.

Сабақ мақсаттары

Барлық оқушылар: қала және ауыл тіршілігімен танысy;

Оқушылардың басым бөлігі: өз туған өлкесін сипаттауды үйренy

Кейбір оқушылар: жергілікті жердегі көрікті орындармен танысу.

Тірек сөздер:

көшпенді ел – кочевник – nomadic people; көлік – транспорт – transport; қала – город – city;

ауыл – село (деревня) – village;

Ресурстар:

Мультимедиапроектор, компьютер, флипчарт, қала және ауыл суреттері, қала және ауыл туралы таныстырылым, «қала», «ауыл», «қала тұрғыны», «ауыл тұрғыны» сөздері жазылған үлестірме парақшалар, Орал қаласындағы кеме шығаратын зауыттың фотосуреті, оқушылар тұратын ауылдағы немесе қаладағы орталық көшенің фотосуреттері.

Алдыңғы меңгерілген білім

Оқушылардың көкжиек және оның тұстары туралы, жергілікті белгілерге қарап көкжиек тұстарын анықтау туралы білімі бар.

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

Шаттық шеңбері. «Арайлап атсын әр таңым» Оқушылар бір-біріне жымиып қарап, жақсы көңіл күй сыйлайды.

Қуан, шаттан!

Қуан, шаттан!

Қуанатын күн бүгін.

Қайырлы таң, Қайырлы күн!

Күліп шықты күн бүгін!

Слайдтар

Сабақ ортасы

Сабақты «Ауыл немесе қала» тапсырмасын орындаудан бастаймын. Бұл тапсырманы топта орындайды. Оқушыларға қала мен ауыл фотосуреттерін араластырып, таратамын. Әр суретте не бейнеленгенін анықтауы тиіс. Әр топ фотосуреттерді ауыл және қала деп екі топқа бөлемін. Оқушыларға мынадай сұрақтар қойамын:

-«Қала мен ауылды қалай анықтадыңдар?»

-«Қала мен ауылдың қандай ұқсастығы бар?»

Қала туралы әңгімеле. Оқушыларға оқулықтағы 1-суретке мұқият қарауға тапсырма беріңіз. Сұрақтарға жауап берсін. Содан кейін 1-мәтінді өз бетімен оқуға беріңіз.

Ауыл туралы әңгімеле. Оқулықтағы сұрақтарды қолдана отырып, суреттер бойынша әңгіме өткіземін. Қосымша мынадай сұрақтар қойамын:

-«Кімдерді қалалық деп атайды?»

-«Ауыл тұрғындары немен айналысады?»

-«Сенің қайда тұрғың келеді?

- Неліктен?»

Оқушылардың жауаптарын қала және ауыл туралы ақпаратпен толықтырамын. Оқушыларға мәтінді оқуға беремін. Қабілеті жоғары оқушыларға қала мен ауыл арасындағы байланысты анықтауға тапсырма беремін. Олар күнделікті өмірден мысалдар келтіреді. Оқушылардың назарын қалада театрлар, фабрикалар, зауыттар, ойын-сауық орталықтары бар екеніне аударамын. Оқушылардан Қазақстанның қандай қалаларына барғысы келетінін сұраймын. Мәдениет орындарында тәртіп және тазалық сақтау, жолдардағы қауіпсіздік туралы әңгіме өткіземін. Қажетті көшелерді іздеудің қазіргі заманғы тәсілдері – жергілікті жер сұлбасы, навигатор және т.б. туралы әңгімелеп беремін. Интерактивті тақтадан спутниктік байланыс көмегімен өз туған өлкесін, өзі барғысы келген жерлерді қалай анықтауға болатынын көрсетемін.

Сен білесің бе? Оқушыларға Орал қаласындағы кеме зауытының фотосуреттерін көрсетемін. Суретке қатысты бір-бір сұрақ ойлап тауып, параққа жазуды ұсынамын. Олардың жұмыстарын тексеремін. Қызықты сұрақтарды дауыстап оқуын сұраймын. Айдардың мәтінін оқытамын. Оны деректі материалдан алынған ақпаратпен толықтырамвн.

Орындап көр. Оқушыларды екі топқа бөлемін. Бірінші топ қала туралы, ал екінші топ ауыл туралы жарнама дайындайды. Оқушыларға жарнама жанрының ерекшеліктерін естеріне саламын. Оқушылар өз жарнамалық жобаларында қаладағы, ауылдағы көрікті жерлерге басты назар аударсын. Қажетті сөздерді таңдауға көмектесемін. Туған өлкесіне деген патриоттық сезмді дамыту мақсатында оқушылар туған қаласын, ауылын гүлдендіру үшін не істеу керектігі туралы әңгімелеп береді. Оқушыларға оқулық мәтінін оқуға беремін.

«Ойлан, тап!» ойынын өткіземін. Бірінші оқушы ойынды бастап, көршінің құлағына ауылдағы бір үй жануарының атауын сыбырлап айтады. Келесі оқушы бұл жануарды сипаттайды, оқушылар оны табуы қажет. Кім жауабын тапса, сол ойынды жаңадан бастайды.

Қала мен ауыл фото суреттері

Интерактивті тақта

Сабақтың соңы

Сүйікті істер теңізі –қорытынды.

• Сабақта нені үйрендіңдер?

• Қандай мәлімет қызықты болды?

Оқушылар өздері қалаған аралды таңдауға мүмкіндік беру.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Жұптардың өзара сөйлесулерін бақылап, тыңдап жүру барысында сұрақ қоюға қиналатын оқушыларға дербес қолдау көрсету.

Оқушылар бір-бірінің сүйікті заттары туралы өз сөздерімен айтқанын , өз жетістіктеріне оң көзбен қарай алатындарын бақылау арқылы бағалау. Бағалау үшін сөйлемдерді аяқтауды ұсыну: «Мен ұнатамын», «Мен ұнатпаймын»

Көзге арналған жаттығу