Педагогтің тегі, аты, әкесінің аты

Аскарова Молдир Сламовна

Күні:

24. 01. 2024 ж

Сынып: 2 «а»

Бастауыш сынып

Іс-шараның тақырыбы

«Қалдықтарды табысқа айналдырайық»

Формасы

Ашық тәрбие сағаты

Іс-шараның мақсаты

Балаларды қоршаған ортамен таныстыру арқылы қоқыс және қалдықтар туралы білім беру. Олардың пайдасы немесе зияны туралы түсіндіру. Табиғатты қорғап, қоқыспен ластамауға үйрету.

Құндылығы

Ұлттық мүдде, талап

Іс-шараның кезеңі/ уақыт

Педагогтің әрекеті

Басы

Ұйымдастыру кезеңі

Амандасу. Психологиялық ахуал

Күннің көзі ашылып,

Көкке шуақ шашылсын.

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал, қанекей, бәріміз

-Табиғат деген не, оған не жатады?

- Дұрыс айтасыңдар, табиғат ол бізді қоршаған орта. Біз және бізді қоршап жатқан заттардың барлығы ол табиғатқа жатады! Адам, жануар, құс және орман, өзен, көл, тау, жер яғни бұның барлығы табиғаттың бөлшегі! Табиғат- біздің ортақ үйіміз!

Ортасы

Балалардың табиғатқа арнаған тақпақтары.

1-ші оқушы. Айсана

Табиғатым — аманатым

Табиғатым, тіршілігім, ырысым,
Сенсіз менің тарылады тынысым.
Биік — биік тауларыңа қарасам,
Алшаң басып, түзеледі жүрісім.

Сенсің менің тазалығым, тұнығым,
Сенсіз менің үзіледі үмітім,
Сен бар жерде жыр тұнады көңілге,
Сен бар кезде құлшынамын өмірге.

2-ші оқушы. Нұрберген

Ей, ағасы, іні менен бауырлар,
Мен айтатын сөздеріме құлақ сал,
Табиғат пен адам егіз емес пе,
Өкінерсің кетсе егер келмеске.

3-ші оқушы. А. Раяна

Сеніміңді ақ жүрекпен ақтаймын,
Туған жерім, топырағын баптаймын.
Сеніміне ата — баба дақ салмай,
Табиғатты таза етіп, әлемімді сақтаймын.

4-ші оқушы. Альмира

Табиғат - жаны нәзік жаратқаннан,
Жауапсыздық келтіреді оған нұқсан.
Адамдар немқұрайлық танытпаса,
Байлығын төгіп берер асып - тасқан.

5-ші оқушы. Нұрай

Жаса, жайна уланбасын жер әлем,
Бастамашыл ағаларым көреген.
Туған жерім, табиғаты деп бүгін,
Мен інің — ем жолдарыңды демеген.

6-шы оқушы. Қайсар

О, адамзат аялашы, қорғашы,
Өзің туып, өзің өскен ортаны.
Келе жатыр талай сәби өмірге,
Ең болмаса соның жайын ойлашы.

- Балалар табиғатты ластауға бола ма?

- Түрлі қоқыстарды төгуге бола ма?

- Қоқыс деген не?

Ол қайдан пайда болады?

-Көрнекілік суреттер бойынша жұмыс.

-Қоқысқа не жатады?
Тамақ қалдықтары, қағаз, жейтін шоколадтың қабығы, сок яғни шырынның бөтелкесі бұның барлығы балалар- қоқыс яғни қалдық.

Балалардың еңбекке байланысты тақпақтары.

1 – ші оқушы. Еңбекқордың жұлдызы жанар күнде
Табысына қосылар табыс күнде.
Еңбегінің зейнетін ғана көріп,
Шалқып-тасып жүрер ол бұл өмірде.
2 - ші оқушы. "Адамды адам еткен -еңбек" дейді,
Данагөйдің бұл сөзіне кім сенбейді?!
Шын мәнінде , зер салып түсінгенге,
Еңбек қана адамды алға жетелейді.
Ән. Мұрат Дәулет «Еңбек»

Көптеген қоқыс қалдықтарын қайта өңдеуден өткізіп, пайдаға жаратуға болады екен!

Енді оларды қалай өңдеуге болатынын яғни қалдық заттарға екінші өмір сыйлауға болатынын өзіміз тәжірбие жасап көрейікші! Ол үшін бізге пластик бөтелкесі және суши таяқшасы мен полиэтилендік пакеті, ыстық желім, қағаз, жұмыртқа қорапшасы керек болады. Осылардың барлығынан тұрмысқа күнделікті жарататын дүние жасап шығарамыз.

Қыздар биі: Қуыршақ барби

Соңы

«Қоқысты сұрыптау» ойыны, тәжірибе Қажетті құралдар: арнайы қоқыс жәшіктері, әртүрлі қоқыс қалдықтары Шарты: Біз қоқыстарды сұрыптап тастауымыз қажет! Яғни бөтелке, қағаздарды, консерві қалбырларын, салафан пакеттері мен пластиктерді өздерінің арнайы қоқыс жәшігіне салуымыз қажет! Мысалы, міне тұрған бөтелкелер жәшігіне – бөтелкелерді, ал пластик жәшігіне –пластиктерді сұрыптап тастаймыз! -Ал ойын ойнайық кім қоқысты сұрыптай алады екен? -Жарайсыңдар, балалар! Әрдайым осылай қоқыстарды бөлек жинап, қоқыс жәшігіне тастауды ұмытпаңдар! Табиғатты таза ұстап, қорғауымыз қажет балалар!

Көрнекілікті таныстыру.

Хор: Болайықшы осындай

- Балалар бүгін біз не туралы әңгімелестік? -Қоқысқа не жатады? -Қоқысты қайда тастаймыз? -Бүгінгі оқу қызметі ұнады ма? -Жарайсыңдар, осы қоршаған ортаны таза ұстап, қоқыстарды жинап жүрейік! Қорытынды:

Жарамсыз джинсыдан қолдорба. Полиэтилен пакетінің зиянды екенін түсіндіріп, жарамсыз джинсы шалбардан қолдорбаны пайдалануға болатынын көрсету.