"Қанқыз" ашық оқу іс-әрекеті

«Ақбота» кіші тобы

Қоршаған ортамен таныстыру
Тақырыбы: "Қанқыз"
Мақсаты : Балаларды қанқызбен таныстыру. Жәндіктердің тіршілігіне қызығушылығын тудыру. Оларға қамқорлықпен қарап, қорғауға тәрбиелеу.

Шаттық шеңбері

Күнім күлім қағады,

Шуағын маған шашады!

Қуан, қуан, алтын күн!

Қуан, қуан, жер-көгім!

Жәндіктерді атап, қанқызбен таныстыру. /видеоролик /

Таңғажайып сәт

Қанқыз ұшып келді, қараңыздаршы қандай әдемі өзі!

Балалар қанқызбен амандасады.

Қанқыз - қызыл түсті, алты аяғы,үстінде жеті нүктесі бар кішкентай жәндік.

Көзі нашар көреді .Мұртшаларымен сезеді. Ол кішкентай болса да ол ештеңеден қорықпайды. Неліктен?

- Егер де оны  қолыңа алып, басып қалсаң, олар сап-сары жағымсыз иісі бар уын шығарады.  Сол себепті оған құстар тиіспейді. Тіпті қызыл түсті нүктелі зат көрсе болғаны олар жоламауға тырысады. Торғайлар жемейді.Міне, қанқыз осылайша қорғанады екен.

Қорғанудың тағы бір түрі, оларды ұстап алсаң, ол өлген сияқты болып қатып қалады да, қауіп төнгенін  байқаған уақытта қайтадан өзінің ісімен айналыса береді.

- Қанқыз немен қоректенеді?

- Олар алма битін, өсімдік бітесі, жапырақ бүргесі, өрмекші, кене т.б. ұсақ жәндіктерді жейді. Демек, қанқызының пайдасы үлкен зор. Себебі: олар өсімдік зиянкестерін жесе, өсімдіктерді дәрілеудің қажеттігі болмайды.

- Олар қандай жерлерде қыстайды?

Қанқыз алғашқы суық түскеннен бастап таулы, орманды жерлерге ұшып кетеді де, тастардың, ағаштардың т.б. қуыстарына тығылып көктем шыққанша жатады. Көктем шыққанда өздерінің үйреншікті жеріне ұшып келеді.

Дидактикалық ойын: «Жәндіктер»

Тыныс алу жаттығулары

Қанқыз,   қанқыз                 

Аспанға ұш! 

Дидактикалық ойын: «Көлеңкесін тап»           

Шығармашылық жұмыс:

1-топ Балаларға қанқыздың суреті салынған  қағазбен ермексаз  беріледі. Балалар саусақтарымен қара түсті ермексазды алып, алдымен шымшу, жұмсарту әдісі арқылы қанқыздың арқасындағы қара дөңгелектерге ермексазды жағады.

 2-топ Грек жаңғағы мен ермексазды пайдаланып, қанқызын құрастырады.

Қанқызы гүлдерді,жапырақты жақсы көреді.Ендеше оларды гүлдерге қондырайық.

Жарайсыңдар, балалар сендердің жасаған жұмыстарыңыз өте әдемі болып шықты. Қанқыз сендерге көп-көп рахметін білдіріп жатыр.

Бүгінгі оқу іс-әрекетіміз қанқызға ұнаған екен.