Қара бүлдірген

Қара бүлдіргеннің тұқымдар арқылы көбею жолдары:

Қара бүлдірген алғашқы жемісін қыс маусымынан кейін береді. Көктемде еккен бүлдіргеннен келесі жылы мол өнім алуға болады. Ол-көпжылдық, жер таңдағыш дақыл, жарықты жақсы көреді. Оны егетін жер жазық, тегіс немесе сәл еңкіш, айналасы қысқы қарды көп ұстайтындай бұталармен, ағашпен т.б. қоршалған болуы тиіс. Қара бүлдірген үшін балшықты жер қолайлы. Жер қыртысы сазды , топырақты болса, оған шымтезек сепкен дұрыс. Қара бүлдірген сортаңы аз жерде жақсы өседі. Егер жер қыртысының қышқылы төмен болса, оған әк енгізу қажет. Әкті қара бүлдірген екпестен 1-2 жыл бұрын енгізген жөн. Бір жерде 5 жылдан артық екпеу керек. Учаскені әзірлегенді оның алдыңғы дақылын ескеру қажет. Алғы дақылдардың көкөніс, отамалы дақылдар болуы мүмкін. Қара бүлдіргенді асқабақтан кейін егуге болмайды, өйткені оның зиянды жәндіктері бүлдіргенді де зақымдайды. Қара бүлдіргенді күзде отырғызғанда учаскені алдын-ала өңдеп алу қажет. Ал дән отырғызған кезде әр шаршы метр жерге 3-4кг көң енгізу керек. Қара бүлдіргенді қылқан-тікенегі мен тұқымы арқылы көбейтеді. Отырғызу үшін ең қолайлы мерзім-ерте көктем (сәуірдің аяғы) не ерте күз (1-15 қыркүйекке дейін). Еккен соң 10-12 күннен кейін өсу барысын тексеріп, көктемей қалғандарының орнына басқасын отырғызу керек. 3-4 аптадан соң тамырын қиып алмай қатар аралықтарын қопсытады.Отырғызылған өсімдікті қара түсті полиэтилен пленкасымен жауып қойса, ол арамшөптің өспеуіне және ылғалдың сақталуына әсер етеді . Алғашқы 1-2 жылда қара бүлдіргенді тыңайтпаса да болады. Ал үшінші жылғы көктемде әр жүйек жерге 2-3 кг көң не әр шаршы метр жерге 50 г жеміс-жидек қоспасы енгізіледі. 4-жылы 1-2 рет (көктемде және жеміс салғанда) азотпен үстеп қоректендіреді ; 5- жылы жеміс-жидек қоспасын енгізеді. Жер қыртысы қорекке тапшы болса, тыңайтқыштың мөлшерін 20-25 г көбейтуге болады. Бүлдірген гүлденген кезде оны үсіктен сақтау үшін пленкамен т.б. жауып қою керек . Өсу кезінде 5-6 рет қопсытып, арам шөбін отайды. Жемісін жинап алғаннан кейін жапырақтарын шауып бір жерге үйеді де, зиянкестерін таратпау үшін өртеп жібереді.