Әл-Фараби атындағы Қазақ Ұлттық Университетінің

Филология ғылымдарының докторы, профессор

Авакова Раушангүл Амирдинқызы

Түркітану және тіл теориясы кафедрасының

PhD доцент м.а. Утемгалиева Насихат Адайхановна

«Түркітану» мамандығының 1 курс докторанты

Біләлова Дәмелі Жайтөреқызы

Қара шаңырақ ҚазҰУ - мәдениет пен руханияттың тоғысқан мекені

Ғылым мен философияның жарық жұлдызы, ұлы ойшыл

Әл -Фараби есімімен аталған білім ордасы- асыл ұстаздар, алтын шәкірттер өмірінің маңызды бөлігіне айналған киелі шаңырақ. Тек қана білімнің емес, мәдениет пен руханияттың алтын бесігі іспеттес алып ғимараттарына кірген сәттен-ақ, ерекше бір шабыт сезінесің, болашаққа жол сілтейтін жарық бар, сол жарықтың шуағын сезінесің.

Әл-Фараби атындағы Қазақ ұлттық университеті – Қазақстандағы ең беделді білім ордаларының бірі. Оның ішінде Филология факультеті – ұлттық руханият пен мәдениетімізді дәріптеуші, ғылым мен білімді үйлестіре отырып, сапалы мамандар даярлайтын жетекші орталық.

Факультетте қазақ және әлемдік филологияның барлық салалары қамтылған. Қазақ тілі мен әдебиеті, шет тілдер филологиясы, аударма ісі және лингвистика салалары бойынша білім алушылар терең теориялық және практикалық біліммен сусындайды. Қазіргі заманғы лингвистика, әдебиеттану, мәтінтану және мәдениетаралық коммуникация бағыттарындағы ғылыми зерттеулер арқылы факультет ұлттық және әлемдік ғылымға зор үлес қосып келеді. Ал түркітану мен түркі филологиясы мамандықтары – бұл тек ғылым емес, рухани миссия. Ұлы даланың үнін тыңдау, түркі халықтарының бай мұрасын әлемге таныту – ең аяулы мақсаттардың бірі.

Факультетте еліміздің және шетелдің жетекші филолог-ғалымдары дәріс оқиды. Сонымен қатар, университеттің кітапханасы мен зерттеу орталықтары білім алушылардың ізденісіне қажетті барлық мүмкіндіктерді ұсынады. Бұл – болашақ филологтарға ғылым жолында жаңа биіктерді бағындыруға үлкен мүмкіндік береді.

Әл-Фараби атындағы ҚазҰУ – білім мен рухтың үйлесімі, армандардың жүзеге асатын мекені!