"Қариялар өсиетімен қайта жаңғыру"

Қарттардың өсиетімен қайта жаңғыру...

Елбасы Н.Ә. Назарбаевтың « Болашаққа бағдар: рухани жаңғыру» мақаласы 2017-2018 оқу жылындағы тәрбие жұмысының басты ерекшелігі болды. Бұл мақала қоғамды рухани жаңғыртудың басымдықты идеаларын оқушылар арасында кеңінен насихаттау.

Н.Назарбаевтың мақаласын негізге ала отырып 4 «Б» сыныбының сынып жетекшісі Нураханова Айжанның ұйымдастыруымен «Қарттарым аcыл қазынам» атты ашық тәрбие сағаты өтті. "Қарты бар үй, қазыналы үй" деп бекер айтылмаса керек. Үйдің берекесі мен мерекесі, есігіміздің ажарын кіргізіп тұратын үйдің үлкендері  бастаған әр қадамымызға  дұрыс жол сілтеп, ата-бабамыздан қалған нақыл сөздермен сусындатып отырады.
Оқу жылы басталысымен барлық оқу орындарында ұстаздар және қарттар мерекесі аталып өтіледі. Басқа мерекелермен салыстырғанда бұл мерекелердің маңыздылығы күштірек. Кешегі ұстаз, бүгін қарт ардагер ұстазға айналды. Екі атаулы мерекені ұштастыра өткен тәрбие сағатына, мектебіміздің ардагер ұстаздары мен ақыл айтар қариялары шақырылды. Оқушылар өз ыстық лебіздері мен арнайы дайындаған слайд, бейнероликтермен әрленген өз сыйларын ұсынды. Шара өте жоғары деңгейде өтті. Шара қонақтары сөз сөйлеп, өз еңбек жолындағы қызықты да қиын сәттері жайында баяндап өтті. Шара соңында қазақ тілі мен қазақ әдебиеті пәнінің мұғалімі болған ардагер ұстаз Қидасов Жолдас балаларға бата берді. Бұл шарадан оқушылардың алары көп екені сөзсіз. Тәрбие сағатында мектеп тарихы жолындағы қария ұстаздардың еңбектері айтылып, қайта жаңғырғандай болды. Бұрынғыны жаңғыртып отыратын қарияларымыз аман болсын!

Бақтыбайқызы Зерлеш

Бейнеу ауданы

Қарақұм орта мектебінің биология пәні мұғалімі

Астында фото бар