Тақырыбы: Қаржы әлеміне саяхат

Мақсаты: тәрбиеленушілердің қаржылық сауаттылығын қалыптастыру.

Алған білім мен дағдыларын практикада, күнделікті өмірде пайдалана білу

Көрнекілік: интербелсенді тақта, карточкалар, суреттер, қағаз жетондары

Барысы:

Бүгін біз қаржы әлеміне аялдамалар арқылы саяхат жасау үшін жиналып отырмыз.

Бұл бізге не үшін керек? Мақсаты айтылады.

Екі командаға бөлінеміз.Әр команда тапсырмалар орындап, аялдамадағы өз жұмысына жетон алады. Саяхаттың соңында біз жиналған жетондардың санын санап, жеңген команданы анықтаймыз. Ал енді саяхатымызды бастайық!

Ойын кезеңдері бойынша жұмыс:

І кезең “Сергіту”

Сұрақтарға командалар кезекпен жауап береді: Бір дұрыс жауап -100 теңге.

1.Тауарда міндетті түрде не болу керек? Бағасы

2.Бұл үлкен дүкенде киімнен бастап инеге дейін табылады. Қалай аталады? Супермаркет

3.Сатылатын нәрсенің бір атауы бар бұл әлемде. Тауар

4.Бұл сергек сатушы теледидарға да кіріп кетіп, компьютер болсын, не ұсақ-түйек ұсынып үлгереді жан-жаққа. Жарнама

5.Қаймақ, ірімшікі нан болсын түбіртегін соғып береді кассада.Кім? Кассир

6.Ақшаларын тұтас сақталып қалады Қай жарде? Банкіде

7.Ата-аналардың жалақысы, әже зейнетақысы, шәкіртақы ол не? Кіріс

8.Тамаққа, көлікке, киімге, жылу-жарыққа жұмсайтын ақша ? Шығын

9.Банктен қарызға алынған ақша? Кредит

10.Ақшаны сақтап, жинауға болатын мекеме? Банк

І аялдама “Банк”

Банк дегеніміз не?

Банк - ол ақшамен жұмыс жасайтын мекеме.

Банк ақшаны сақтауға қабылдап алады да, салушыларға беріп тұрады, қарызға ақша береді. Біз банкке әр түрлі қызметтерге төлемақы беру үшін ақша әкелеміз.

Қандай аппараттан біз жалақымызды ала аламыз? Банкоматтан.

Банкомат пен терминалдың айырмашылығы неде? Олар не үшін керек? Банкоматтан ақшаны аламыз , ал терминалға керісінше саламыз.

ІІ аялдама “Ақша”

Сұрақтарға жауап беру: “Кубизм” әдісі арқылы. Команда қатысушылары кубик тастап кезекпен ойнайды. Дұрыс жауап 100 тг

1. Жұмбақ: Кассада олармен тауарға төлейсің

Ал олар болмаса, ештеңе ала алмайсың. Ақша

2. Адамдар оны қалай пайдаланады? Тауарға төлейді.

3. Ақша қандай болады? Қағаз түрінде, купюра, монета түрінде

4. Монета деген не? Металдан жасалған ақшаның таңбасы

5. Біздің ақшамыздың атауы не? Теңге

6. Қазақстанда айналымға қашан енгізілді? 1993 жылы 15 қарашада

Карточкамен жұмыс . Екі командаға бірдей тапсырма, топпен жұмыс

Тапсырма

Ақша бірліктерін елімен сәйкестендіру. Дұрыс жауапқа 100 тг

ІІІ аялдама “Үнемшіл сатып алушы”

Қай елде тұрмасақ та, біз өз ақшамызды дұрыс жұмсауын білуіміз керек. Сол үшін бір дүкенге келдік деп ойлайық. Алдымызда тауардың көптеген түрі жатыр.

Тапсырма: Отбасыңызға бір айға қажет негізгі азық-түліктің түрін таңдап алыңыздар. Қай тауарды сатып алмауға болады, ал қайсыларын кейбір кезде ғана сатып алуға болады?

Кестені толтыру керек. Топпен жұмыс, пікірлерін айту. 1000 тг.

ІV аялдама “Қаржылық есептер”

1. Жазда 1 кг құлпынай 1200 тг болды. Айша бір жарым килограмм құлпынай сатып алды. Айшада бес мың тұтас ақшасы болды. Қанша ақша оған қайтарылды?

Есептің бағасы:1000 тг

2. Азамат банкке 50000 тг салды. Жылдық ставкасы - 10%. Бір жылдан соң Азаматта қанша ақша болады?

Бағасы: 2000тг

3. Базарда таңқұрайдың 1 кг 2500 тг тұрады. 2000 тг таңқұрайдың қанша толық стақанын сатып алуға болады? Егер 1 стақанға 200 грамм таңқұрай сыйса.

Бағасы: 3000 тг

V аялдама “Жұмбақ қаржы”

1. Тапсырма

Ақшаға бәрін сатып алуға болады ма? Әлемде бәрін сатып алуға мүмкін емес. Әлемде ешқандай ақшаға сатып ала алмайтын дүниелер бар. Сөйлемдерді аяқтау керек:

Әр сөйлемге - 100 тг

1. Ақшаға дәрі сатып алуға болады, бірақ ... сатып ала алмайсың.

2. Ақшаға сағат сатып аласың, бірақ ... сатып ала алмайсың.

3. Ақшаға кітап сатып алуға болады ,бірақ ... сатып ала алмайсың.

4. Ақшаға дене сақшысын сатып алуға болады, бірақ ... емес.

2. Тапсырма

Ойын тақырыбына қатысы бар жасырын тұрған сөздерді табу:

Әр сөзге 100 тг

Нетзейақы

Қыжала

Ғыншыдар

Ріскітер

Қорытынды. Жетондардағы ақшаның саның санап жеңіске жеткен команданы анықтау, марапаттау.