«ҚАРША ҚЫЗДЫ ҚҰТҚАРУ ОПЕРАЦИЯСЫ»

? ЖАҢА ЖЫЛДЫҚ КВЕСТ – СЦЕНАРИЙ

Ұзақтығы: 40–45 минут
Қатысушылар: Тәрбиеші, Аяз ата, Қарша қыз, Қарлы Боран (дыбыс/бейне), Ақшақарлар (балалардан), жануарлар рөлдері
Формат: 5 тапсырмалы квест + финал

? 1-БӨЛІМ. КІРІСПЕ

Залда әсем безендірілген шырша. Жұмсақ қар түсу эффектісі (видео немесе қағаз ұлпа). Балалар залға қол ұстасып, әуенмен кіреді.

Тәрбиеші: – Қош келдіңдер, балалар! Бүгін бізді ерекше Жаңа жыл мерекесі күтіп тұр. Бірақ… (тыңдайды) біртүрлі жел естіліп тұр ма?

Жел гуілі естіледі. Жарық жартылай өшіп, бұлыңғырланады.

Музыка: жел дыбысы + мистикалық қысқы әуен.

Қарлы Боранның дауысы (аудио):

– Ха-ха-ха! Сәлем, балалар! Мен – Қарлы Боранмын! Мен Қарша қызды алып кеттім! Оны қайтарғыларың келсе – менің тапсырмаларымды орындаңдар!
Ал егер орындай алмасаңдар… Жаңа жыл мерекесі болмайды! ХА-ХА-ХА!

Балалар таң қалады.

Тәрбиеші: У‑у‑у, қандай сұсты Боран өзі! Бірақ уайымдама, Қарлы Боран — біз тапсырмаларды орындаймыз, Қарша қызды да құтқарамыз, Жаңа жылды да сақтаймыз! Солай емеспе, Балалар

Балалар: Иәәәә!!!

Қане, Боран мырза, бірінші тапсырмаңызды беріңіз!
Қарша қызды қайтару үшін не істеуіміз керек?

– Балалар, біз Қарша қызды құтқаруымыз керек! Қарлы Боран бізге квест тапсырмаларын қалдырыпты. Сол тапсырмаларды орындасақ қана Боран бізге Қаршақызды босатады екен, ендеше тапсырмаларды барлығымыз бірге орындауға дайынбыз ба?

Балалар: Иә!

❄️ 2-БӨЛІМ. КВЕСТ ТАПСЫРМАСЫ 1

«Қарлы іздер»

Залға алдын ала қар іздері (қағаздан жасалған) шашылады.

Тәрбиеші: – Қараңдаршы балалар, Боран залда қарлы іздер қалдырыпты. Әр іздің астында суреттер бар екен.
Қыста қолданылатын заттарды тауып, себетке жинайық!

Балалар іздерді көтеріп, суреттерді табады:
Қысқы (шана, қолғап, пима) және жазғы (доп, шомылу шеңбері) суреттер аралас.
Себетке тек қысқы заттарды салу керек

Тәрбиеші: – Жарайсыңдар! Міне, бірінші құпия хат табылды!

Хат ішінде: «Келесі тапсырма – «Сүйікті әуендер әлемінде!»

? 3-БӨЛІМ. ТАПСЫРМА 2

«Сүйікті әуендер әлемінде!»

Тәрбиеші:

– Балалар, Қарлы Боранның сүйікті әнін бірге айтайық. Қарлы Боранның сүйікті әнін орындасақ Боранның мұзын ерітеді екен.

Ән: «Аппақ қар»

Содан кейін дауыс естіледі:

Қарлы Боран (аудио): – Жарайсыңдар, балалар, сендер менің сүйікті әнімді тауып орындадыңдар! Келесі тапсырма шырша жанында!

? 4-БӨЛІМ. ТАПСЫРМА 3

«Сиқырлы шырша» – Пазл құрастыру

Шыршада түрлі-түсті конверттер ілулі. Ішінде пазл бөліктері.

Тәрбиеші: – Қарлы Боран шыршаның бұтақтарына суреттерді жасырыпты. Пазлдарды құрастырып көрейік!

Балалар бөлек 2 топқа бөлініп пазл жинайды:
❄️ Қарша қыз суреті
❄️ Қыстағы орман

Пазл жиналғанда жаңа хат табылады:
«Ақшақардың жоғалған ойыншықтарын тауып көріңдер!»

? 5-БӨЛІМ. ТАПСЫРМА 4

«Жоғалған ойыншықтарды тап!»

Себет толы «қар» (мақта, доп) ішінде шырша ойыншықтары жасырылған.

Тәрбиеші: – Боран Ақшақардың ойыншықтарын қарға көмген екен,
қәне, ендеше оларды тауып, шыршамызды безендіріп жіберейік.

Балалар ойыншықтарды іздеп тауып → шыршаға іледі.

«Соңғы күрес – мұзды би алаңында!»

Сонымен бірге соңғы хат табылады:

? 6-БӨЛІМ. ТАПСЫРМА 5

«Мұзды билер алаңы»

Тәрбиеші: – Боранның мұз сиқырын бұзу үшін бізге көңілді қысқы би билеу керек екен! Ендеше, бізге көңілді санталар келіп қалыпты, ортаға шақырайық!

Би: «Көңілді санталар»

Музыка біткенде жарық жарқ етіп жанады.

? 7-БӨЛІМ. ҚАРША ҚЫЗДЫҢ ПАЙДА БОЛУЫ

Әуен естіліп, залға Қарша қыз кіріп келеді.

Қарша қыз: – Қымбатты балалар! Сендер мені Қарлы Бораннан құтқарып алдыңдар! Рахмет сендерге! Сендер өте батыл, ұйымшыл әрі мейірімді екенсіңдер, балалар! Қандай әдемі болып кеткенсіңдер, Жаңа жыл мерекесімен барлықтарыңызды құттықтаймын!

Біз Аяз ата екеуіміз бір-бірімізден адасып қалдық, Қарлы Боран сендерге келе жатқан жолда, Аяз атаның сыйлықтарын тығып қойыпты. Ал Аяз ата адасып, біздің балабақшаны таппай жүрген сияқты, біздің шыршамыз да жанбапты ғой, егер шырша жанбаса, Аяз ата бізді тауып келе алмайды. Сондықтан шыршаны жағатын қандай амал бар сендерде балалар?

Тәрбиеші: Қарлы Боран әлі де ашулы сияқты, бірақ біз оның барлық тапсырмаларын орындап едік, неге әлі де ашулы екен. Шыршаны жағу үшін біздің балалар шыршаға арнап керемет ән салып береді!

Қане балалар, олай болса ортаға шеңбер жасап, «Шырша жыры» әнін орындап берейік

Ән: «Шырша жыры»

Балалар әнді орындап біткенде бірден шырша жанады

Қарша қыз: Ой, балалар қараңдар біздің шырша сендердің әсем әндеріңді тыңдап оянып кетті, сендер сондай ақылды да өнерлі екенсіңдер! Аяз ата сендерге сыйлығын беруге асығып келе жатқаны да содан екен ғой!

Балалар Аяз ата жақындап қалған сияқты, дауыс естіліп жатыр, қатты айғайлап Аяз атаны шақырайықшы, бізді естіп қалар.

Барлығы: Аяз ата, Аяз ата!

Музыка қосылып, сахнаға Аяз ата келеді

Аяз ата: – Ой, балалар-ай! Боранда жолымды таппай адасып кетіппін. Бірақ сендердің күлкілерің мен әндеріңнің арқасында дұрыс жолға түстім!

Ақшақар: – Қош келдіңіз, Аяз ата! Балалар да біз де сізді көптен күттік.

Аяз ата: – Ооо, қандай көңілді балалар! Мен сендерді мақтан етемін.
Жаңа жылдарың құтты болсын!

Жүргізуші: Аяз ата біздің мерекемізге қош келіпсіз! Біздің балалар бүгін сондай қиын тапсырмаларды орындап, Ақшақарды Қарлы Боранның құрсауынан босатып алды, және шыршамызды оятты, сізді де ұзақ күті, өнерлерін дайындап қойды. Олай болса сізге арнаған тақпақтарын қабыл алыңыз!

Аяз атаға арналған тақпақтар

Ақшақар: Аяз ата балалар бағанадан бері тапсырмалар орындап, мені құтқарып алды, олар шаршап жалыққан болар, сіздің қызықты бір ойыныңыз бар еді ғой, соны ойнатсақ қайтеді? Балалар ойын ойнағыларың келеме?

Балалар: Иәәә

Аяз ата: Әрине, ойнасақ ойнайық

«Қатып қал!» ойыны (музыкалық)

Ережесі: Музыка ойнағанда балалар билеп жүреді.
Музыка тоқтағанда Аяз ата: – «Қа-а-а-тып қалдық!»
Балалар мүсін сияқты қимылсыз тұрады.
Қимылдап қойған бала — көңілді тапсырма орындайды (өлең, қимыл, қыс туралы сөз).

Жүргізуші: Аяз ата ойыныңыз қандай қызықты, біз бұл ойынды топта тағы да балалармен ойнайтын боламыз, иә балалар, енді біз мерекемізді әрмен қарай әнмен жалғастырайық. Әсем әнге кезек берейік

Ән: «Келді міне, Жаңа жыл!» әні

Жүргізуші: – Ал енді, құрметті қонақтар! Біздің кішкентай өнерпаздарымыз сіздерге әсем би дайындап қойды. Кәнеки, күлімдеп ортаға шығайық!

Би: «Жаңа жыл ғажайыбы»

? 8-БӨЛІМ. СЫЙЛЫҚ ТАРАТУ

Аяз ата әр балаға сыйлық береді, жылы сөздер айтады.

Аяз ата: – Жаңа жыл бәрімізге бақыт, қуаныш әкелсін!
Келесі жылы тағы кездескенше!

№99 Бүлдіршін балабақшасы

Жаңа жылға арналған мерекелік іс-шара

Тақырыбы:

«ҚАРША ҚЫЗДЫ ҚҰТҚАРУ ОПЕРАЦИЯСЫ»

ЖАҢА ЖЫЛДЫҚ КВЕСТ – СЦЕНАРИЙ

Ересек «Адалдық» тобы

Музыка жетекшісі: Жусипбекова М.

Тәрбиешілер:________________

Астана 2025 жыл