Мектеп:

Педагогтің Т.А.Ә.(болған жағдайда)

Күні:

Сынып: 3

Қатысушылар

Қатыспағандар саны

Сабақ тақырыбы:

«Қарттарым аман- сау жүрсін»

Құндылығы:

Үлкенге құрмет, кішіге ізет.

Құзыреттілігі:

Инновациялық ойлау

Сабақтың мақсаты:

 Қариялық — даналық пен өмір тәжірибесінің қайнар көзі екендігін ұғындыру

Апталық дәйексөз

«Ел- жұртымның бақыты аталатын,

Сөнбесін мәңгі сенің, Отан атың!»

Сабақтың кезеңі/ уақыт

Педагогтің әрекеті

Оқушының әрекеті

Ресурстар

Сабақтың басы

Сабақтың ортасы

Сергіту сәті

Сабақтың соңы

Қауіпсіздік сабағы

Кері байланыс

Сәлемдесу. Шаттық шеңбері.

-  Ал, балалар, бүгінгі сабағымызды бастамас бұрын барлығымыз  шаттық шеңберін құрайық.

Қуанамын мен де,

Қуанасың сен де.

Қуанайық достарым

Арайлап атқан күнге!

«Хабарлама» әдісі.

Мұғалім қарттар күні қашан, не мақсатта белгіленгендігі туралы мәлімет береді.

Халықаралық Қарттар күні 1990 жылы 14 желтоқсанда БҰҰ Бас Ассамблеясымен жарияланған.

Қарттар күнін атап өтудің мақсаты – қарттардың проблемаларына қоғамның назарын аудару; қоғамның демографиялық қартаю проблемасы, қарт адамдардың жеке және әлеуметтік қажеттіліктері, олардың қоғамның дамуына қосқан үлесі, қарт адамдарға деген қарым-қатынасты өзгерту мәселелерінен халықтың хабардарлығын арттыру, қарт адамдардың тәуелсіздігін қамтамасыз ету, қоғам өміріне қатысуын, қажетті күтім, олардың ішкі әлеуеті мен абыройын қорғау үшін жағдайлар жасау.

«Ой қозғау» айдарымен

Жұмбақ шешу:
Айтары мол ғұлама,
Көп жасаған бұл адам.
Әкесі ол әкеңнің,
Білер оны сұраған,
Ол кім?    (Ата)

Аймалайды «Күнім»деп,
Мейірімді жүзі күлім деп.
«Тәтті-ақ» дейді немере,
Бал шырындай үнің деп.
Ол кім?    (әже)

«Ата-әжем мақтанышым» айдарымен

Балалар Қазыналы қарияларымыз туралы сыр шертеді

Ата- ардақты тұлға. Иә, «Әкеден ұл тусайшы, ата жолын қусайшы» деп халық ұрпаққа атаның мұрасын жалғастыруды уағыздайды. Ата ұрпағының қайырымды, мейірімді, ақылды, іскер болуын тілеп, сол үшін қамқорлық іс-әрекеттерін басы жерге жеткенше дамыта береді, өнеге көрсетеді, өсиет айтады.

Әже- ақ сүт берген аналардың анасы. Әже әрқашан да балалық бал дәреннің басы қасында болып, асыраушы, аялаушы, тәрбиелеуші басты кісі. Өмір өрнектеріне, тіршілікке көбірек араласқан ана перзентін көбінесе әженің қарауында қалдырады. «Жан жүрегім, жарығым» деп әже немересін, шөбересін жүрегіне теңейді. Жан жүрегін салып нәрестені, бүлдіршін жасөспірімді тәрбиелейді.

Әлем жаңалықтары.

Мұғалімнің тың жаңалықтарын тыңдайды.

"Өзі кәрі, жаны жас". Терең мағыналы сөздердің түбіне үңіліп көрелік.

- Неге олай дейді? Бұл нені білдіреді? Қарт адамдар жан дүниесімен қартаймайды, тәнімен қартаяды. Кейде тек физикалық әлсіздіктен олар қалағанын жасай алмайды. Ал сіз бұл туралы естідіңіз бе қарт адамдарға, олардың жылдарына қарамастан, әдеттен тыс әрекеттерді кім жасайды? Ондай адамдар бар, тіпті олар да болды "Гиннестің рекордтар кітабы":

1. Әлемдегі ең қарт оқушы. Кимани Нганга Маруге, кениялық, бастауыш мектепті алғаш рет 2004 жылы 85 жасында бастаған. Африкалықтың білім алуына реформа көмектесті, нәтижесінде елде тегін бастауыш білім пайда болды.

2. 2013 жылдың 23 мамырында Непал уақытымен 9.05-те 80 жастағы жапондық Юичиро Миура Эверестке көтерілді (8848) және бүгінгі күні ең биік Эверест шыңын бағындырушы.

3. Дорис Локнесс. Әлемдегі ең қарт ұшқыш! Бұл қарт әйел өзінің 100 жылдығын Калифорния аспанында тікұшақпен атап өтті! Бұл осы жаста өзі ұшатын, тіпті оған ресми рұқсаты бар жалғыз әйел ұшқыш!

«Жырымды сіздерге арнаймын» айдарымен

Менің әжем, ақ әжем.
Ұл мен қыздың бағы әжем.
Ертегі айтып бер десем,
Айтып береді тағы әжем.

Менің әжем, гүл әжем,
Алтын әжем, нұр әжем.
Анам үшін, мен үшін,
Нағыз әжем, тіл әжем.

Ата-бабаң ардақты,
Жамандыққа бармапты.
Ардақ тұтып үлкенді,
Ата жолын жалғапты.

Сергіту сәті.

Орнымыздан тұрамыз

Қолымызды белге қоямыз.

Бұрыламыз оңға бір,

Бұрыламыз солға бір

1,2,3-бойға жинап күш

Жағдаяттан шығу. Жеке жұмыс.

Жағдаятқа байланысты сұрақ қойылады. Оқушылар өз мүмкіндіктеріне қарай сол жағдайдан дұрыс жол тауып шығуға тырысады.

-Көшеде қыдырып келе жатыр едің. Алдыңнан бір қария кездесті. Көзінде мұң- қайғы байқалады. Сенімен сөйлескісі келіп әңгімеге тартты. Баласының қарамай, қарттар үйіне апаратынын сырттай естігенін айтып, мұңын шақты. Сен қалай жұбатар едің? Баласының пікірі туралы не айтар едің?

-Жалғыз тұратын жалғыз көршің бар. Үнемі сенен көмек сұрайды. Отын- су тасуға, дүкенге баруға, кейде үйін жинауға шақырады. Сенің әрекетің қандай? Ашуланбай көмек бере аласың ба?

Оқушылардың ата-әжелері туралы эсселеріне уақыт берелік

Қорытынды:

«Бабаларым, рахмет сендерге!
Балаларым болмасын деп бос кеуде,
Қобызыңмен қосып ән мен тіл бердің,
Өмірге мен мылқау болып енгенде
Бабаларым, рахмет сендерге!»,- деп Мұқағали Мақатаев атамыз айтқандай міне, балалар, біз өзіміздің ата-әжелеріміз алдында қарыздармыз. Ол қарызымызды тек жақсы тәрбие арқылы, адамгершілігі мол, мейірімді болу арқылы ғана, оларды көрген жерде құрметтеп сыйлау арқылы ғана қайтара аламыз.
Қарттарымызды ардақтап өтейік! Оларды сыйлаңдар, қадірлеңдер!

Қауіпсіздік уақыты

«Бейтаныс адамдардың қулығы»

Мұғалім балалардың өмір қауіпсіздігін қорғау мақсатында кездейсоқ кездескен бейтаныс адаммен қалай сөйлесу керектігін туралы түсіндіріп, бағыт- бағдар береді

Білім алушылар мұғаліммен сәлемдеседі, бірге шеңбер құрып, өлең шумақтарын қайталайды

Оқушылар мұғалімнің түсіндіргенін мұхият тыңдайды.

Қойылған сұрақтарға ойланып, жауап береді.

Оқушылар Қазыналы қарияларымыз туралы ішкі сезімдерін сөзбен айтып жеткереді.

Оқушылар қарт адамдар жайлы қызықты мағлұматты тыңдайды.

Геннистер кітабына енген қызықты мағлұматтарды естиді

Өздерінің сүйікті ата әжелері туралы өлең шумақтарын мәнерлеп оқып береді.

Оқушылар қосылып айта отырып, қимыл қозғалыс жасайды.

Жағдаятқа байланысты қойылған сұрақтарға оқушылар мүмкіндігінше оң шешім айтуға тырысады.

Ата әжелері туралы жақсы сөздер айтады.

Өмір қауіпсіздігін сақтау мақсатында кездейсоқ кездескен бейтаныс адамдармен қалай сөйлесу керектігін түсіндіреді.

Өзі көрген, куә болған нәрселер туралы пікір білдіреді.

Кері байланыс жасайды.