«Қарттарым –асыл қазынам» атты «Сыр-сұхбат» кешіМақсаты: Оқушы бойына халқымыздың асыл қасиеттерін сіңіру, үлкенді сыйлау, өз ата – бабасын ұмытпай сақтау үшін және салт – дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу. Асыл әже әнімен кешіміздің қонақтары Жаңылдық әжей мен Бахытгуль әжені қарсы аламыз! Жүргізуші: Хош келіпсіз ақ жаулықты аналар, Ақыл кенін арқалаған аталар. Алдарыңда жауқазындай құлпырған, Біз алаңсыз балғын шақты балалар Армысыз ауылымның асылдары Жайнасын көңілдердің жасыл бағы Сіздер үшін ән мен күй, өлең мен би Сіздер үшін мереке шашулары Қымбатты ақылдың кенін арқалаған айбынды аталар! Ақ жаулықты аналар! Шынайы да ізгі сезімдерді, білімнің алтын діңгегін сыйлаушы ұстаздар қауымы! Барлықтарыңызды қазан айының алғашқы мерекелері қарттар, ұстаздар мерекесі тоғысқан күнімен құттықтаймыз. Аппақ шашың күн сайын қылаңдаған, Зейнет емес бейнеттен арылмаған. Тәңірімдей табынып өтем мәңгі, Қариялар өзіңді ел сыйлаған. Ел мүддесін бәрінен биік қоятын, өзінен кейінгі ізіне ерген інілеріне ізеттігін аямайтын, ізінен ерген ұрпағына ұлылығын ұялатып, бір қауымға бас-көз бола білген ауыл қарттарының орны ерекше, олай болса әр халықтың бойында ықылым заманнан бері қалыптасып оны өзгелерден даралап тұратын, тек өзіне ғана тән қасиеттері болады. Біздің халқымыздың сондай ерекшеліктерінің бірі – үлкенді сыйлау, оның сөзіне құлақ асу. Қазақ қарты жасына лайық ауызы дуалы, сөзі берекелі, ісі тыңғылықты ойы терең ақылы телегей теңіз болып келеді. Міне осындай теңеуге лайық қарияларды жылына бір рет келетін 1 қазан Қарттар күнімен құттықтай отырып, «Сыр-сұхбат» атты кешімізге хош келдіңіздер. Кешімізді бастамас бұрын барлығымыз интер белсенді тақтаға назар аударамыз.(бейнебаян көрсетіледі ). Жүргізуші: Дүниеге келер бір рет Құрыштан құйған құдірет Балалар, ол кім? Әрине қарттарымыз. Олай болса бүгінгі кешіміздің қонақтарына балаларымыздың сұрақтары бар екен соны тыңдасақ! Өн бойың тұнған ақыл, ұлағат Ешкімге жасамайтын қиянат Жайлап қана ақылменен түзейсің Болып қалса ұғына алмай бір сағат Ауылымыздың қарт зейнеткер әжейі Жаңылдық апайға сөз береміз. Жадыраймын жадырайын, Көңілденіп күлемін. Жанар ма деп талабым, Ата ақылын тыңдаймын. Ән: «Анажаным» орындайтын 7- сынып қызыдары.Жүргізуші: Халқымыздың тәлім – тәрбиесі ананың ақ сүтімен, әже өнегесімен, аталар ақылымен берісіп, өзіндік қасиетімізді қалыптастыру көзделген. Әлемде теберінділер ақылды үні Әжесіз жан туған жоқ жер бетінде Ұғып ал бөбектерім сендер мұны Ата - әже мерекелеріңіз құтты болсын Жанұяңызға тек қана шаттық толсын Немерелеріңіздің өнерін тамашалап Жүздеріңізге көтеріңкі көңіл толсынАдамдар арасындағы қарым – қатынаста адамгершілік, әдеп, инабат үрдістерінің қаншалықты кең жайылып, терең тамырлануы, ең алдымен олардың жекелеген отбасында өркен жаюына яғни баланың ата – анасын жан – жүрек қалауымен, саналы түрде ардақтап инабат тағылымымен үлкендерге деген қарым – қатынастарында оны мүлтіксіз жүзеге асырылуына байланысты. Қарттарды құрметтейтін олардың алдындағы перзенттік парызын үлкен ынтамен орындамайтын әдептілік кішіпейілділік сергек сезімталдық көрсетпейтін бұл қасиеттер қанына сіңіп, жүрегіне ұяламаған ұрпақтан не опа, не қайыр? Адамның өмірінің мәні мен сұлулығы, адамның келешегіне сенімділігі – баланың ата – анасын ардақ тұтып өзінің перзенттік қарызын бір сәтке де есінен шығармауында. Өз отбасынан жылу таппаған қаншама қарттарымыз қарттар үйлерінде өмірлерін жалғастыруда. Қарттар үйі – жасы ұлғайып, қараусыз қалған қарттарымызды қамқорлыққа алатын, әлеуметтік қорғау нысандарының бірі болып табылады және ол мемлекеттік мекеме. Қартаю – биологиялық процесс, белгілі бір жасқа жеткеннен кейін организмнің мүмкіншіліктерінің үдемелі төмендеуі. Қай жерде де ата – анаға қызмет көрсетуге тиістілігіңді ұмыту әсте жарамайды. Қарт адамдардың үйретуге де, ақыл айтуға да моральдік құқы бар. Бұл моральдік құқыны құрметтей білу керек. Кім де кімнің үйінде қартайып отырған әке – шешесі немесе атасы мен әжесі секілді қымбатты «қонағы» болса, ол үйіне олардан артық құдайдың құрметті өкілі келеді деп ойламасын, егер үйдің иесі оларға дұрыс қарап, қамқорлық жасаса қартайған ата – анасы оның отбасының құты болып табылады. Қарт кісіні құт – береке деп танысақ ол ұрпақ көрегендігі. Ұрпағы құрметтеген ата – ана әр кезде де бақытты. Ән «Мама» орындайтын 7-сынып оқушылары!Қызығын бейбіт өмір көре берсін Қарттарым сіздерге Алла саулық берсін Денсаулық ауыз-бірлік бола берсін Тап-таза абыройлы болғаныңды Қазіргі ел билеген жастар көрсін - деп тілек тілеп бүгінгі кешімізді аяқтаймыз. Зейін қойып тыңдағандарыңызға көп – көп рахмет. Енді сіздерден осы оқушыларымызға бата берулеріңізді сұраймыз.
Қ.Кемеңгеров атындағы ЖОББ мектебі
1-қазан Қарттар күніне арналған «Қарттарым – асыл қазынам» атты «Сыр -сұхбат» кеші
Сынып: 7Сынып жетекші: З.К.Абжанова
Қ.Кемеңгеров атындағы жалпы орта білім беру мектебі «Қарттарым –асыл қазынам» атты «Сыр-сұхбат» кешініңТалдауы29.09 күні «Сыр -сұхбат» кеші өткізілді. Мақсаты: Оқушы бойына халқымыздың асыл қасиеттерін сіңіру, үлкенді сыйлау, өз ата – бабасын ұмытпай сақтау үшін және салт – дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.
«Асыл әже» әнімен кешіміздің қонақтарды қарсы алдық! Кешімізге Жаңылдық әжей мен Бақыт әжеміз қатысты. Сынып сағатымыз «Анажаным» әнімен ашылды. Жаңылдық әжей мен Бақыт әжемізге арналған бейнебаян көрсетілді. Оқушылар әжейлерге әртүрлі сұрақтар қойып сұхбаттасты. Оқушыларға әжейлер ән шырқап, бастарынан өткен қызықты оқиғаларын әңгімелеп берді. Кешімізді «Мама» әнімен аяқтадық. Әжейлер ақ баталарын беріп, көтеріңкі көңіл күймен тарқасты.
Сынып жетекші: З.К.Абжанова
ҚР Білім және Ғылым министірлігінің стандартымен жасалған
10 Ақпан 2018
487
0 рет жүктелген
