Қарттарым-қазынам.

Мақсаты:Оқушы бойына халқымыздың асыл қадір-қасиеттерін сіңіру.

Міндеттері:

1. Өз ата-бабасын ұмытпай есте сақтап, құрмет тұтуға тәрбиелеу.

2. Аталы сөзден ғибрат алып өсуге тәрбиелеу. 

3. Үлкенді сыйлай білуге, инабаттылыққа, мейірімділікке тәрбиелеу.
Көрнекілігі: «Ата-балаға сыншы», «Аталы бала ақылды,әжелі бала еркетай», «Атаның сөзі-ақылдың көзі», «Отбасының қос шынары-ата мен әже», «Ақылды қария-ағып жатқан дария» деп жазылған нақыл сөздер.

Барысы: 
Кіріспе.
-Балалар ,сендерге жұмбақ жасырамын ,осы жұмбақты шешу арқылы тәрбие сағатымызды бастаймыз. 
Аймалайды «Күнім» деп 
Мейірімді жүзі күлімдеп, 

«Тәтті-ақ» дейді немере. 
«Бал-шырындай үнің» деп.

-Ол кім?

Әже деген сөзге кішкене мағлұмат беріп өтейін. 
Ақ сүт берген аналардың анасы-әже.Әже әрқашан да балалық бал дәуреннің басы –қасында болып,асыраушы,аялаушы,тәрбилеуші басты кісі.Өмір өрнектеріне,тіршілікке көбірек араласқан ана перзентін көбінесе әженің қарауында қалдырады. «Жан жүрегім,жарығым» деп әже немересін, шөбересін жүрегіне теңейді,жан-жүрегін салып нәрестені, бүлдіршінді, жасөспірімді тәрбиелейді.

1-оқушы:

Ананы біз сүйеміз, 
Сөзін ойға түйеміз. 
Әжені де ардақтап 
Әдеппен бас иеміз.

 
2-оқушы:

Атам маған аманда 
Әдепті жан бол деген 
Ата сөзі санама 
Жасы үлкенге жан берер.

3-оқушы:

Қарттар жүрсін ортада
Өткенді көрген шежіре
Аман-сау болсын әрқашан
Сыйлаған бақыт біздерге,

 Ән. Асыл әжем.

4-оқушы:

Ұл-қызына ерген 
Немереңбіз,әже 
Немереңмен өрген 
Шөбереңбіз,әже 
Үйреткен сөз мәнін 
Тілімізсің,әже 
Жарқыраған дәйім 
Күнімізсің,әже

Шуағыңды сеуіп 
Жайна,анамыз-әже! 
Жұлдыздарың боп, 
Айналамыз,әже!

 
Ән «Асыл анам»

 
5-оқушы:

Жақсы көрем апамды 
Жүрем ылғи бірге еріп. 
Тауға мені апарды, 
Талай қайттық гүл теріп. 
Алтын апам ол менің, 
Мені жақсы көреді. 
Үйретеді өлеңін, 
Ертегі айтып береді.

 
6-оқушы:

Айтады ертек жан атам, 
Ақ сақалы жайылып. 
Құмарымды таратып, 
Жер мен көкті аралап 

7-оқушы:

Тосып тәтті дәмдерін, 
Мен ұйықтарда айтады 
Ертегісін, әндерін. 
Біздің үйде осындай 
Әжетайым бар менің.

 
Қазақ биі.

 
8-оқушы:

Күзде табиғат сарғаяды, 
Бірақ көктемде өркендей жарқаяды 
Адам қартайғанда ағарады, 
Ол өскен немерелерімен қайта өмірге қызығады.

 
9-оқушы:

Ауыл бар ма ақсақалсыз,анасыз 
Оның айтқан сөздеріне қанасыз 
Сөз берейік әжемізге төрдегі 
Тағылымнан зор ғибрат аласыз. 
Аман болсын басыңыз, 
Ағармасын шашыңыз 
Шөбере сүйіп әлі де 
Жүзге жетсін жасыңыз.

 
10-оқушы:

Қартаймай жүрсін қарттарым, 
Көгерсін кірсіз көңілдер 
Елемей тірлік ақпанын 
Жасара берсін өмір –жер.

 
11-оқушы:

Мені жақсы көреді 
Күнде күліп жүреді 
Көп ертегі біледі 
Маған айтып береді 
Өскенде міне ал енді 
Аралаймын әлемді 
Сыйлық әкеп әжеме 
Таңғалдырам бар елді.

 
Қорытындылау.

 
Қарттар күні мерекесі – ерекше мереке.Аяулы аталарымыз бен әжелерімізді сыйлау,құрметтеу,қорғау біздің және келешек ұрпақтың яғни сендердің бірінші парыздарың.Сапалы ұрпағы бар елдің қариясы бақытты,ақсақалды атасы бар елдің балалары бақытты емес пе! Көңіл қойып тыңдағандарыңызға көп-көп рахмет.