«Қарттарыма бас иемін»

Ашылуы: литмонтаж ұлдардан құрылған

(Фанфар. Жүргізушілер ортада)

1-жүргізуші: Армысыз ауылымның асылдары,

Жайнасын көңілдердің жасыл бағы.

Сіздер үшін ән мен күй, өлең мен би,

Сіздер үшін мереке шашулары.

2-жүргізуші: Қош келдіңіз ақ жаулықты аналар,

Ақыл кенін арқалаған аталар.

Алдарыңда жауқазындай құлпырған,

Біз алаңсыз балғын шақты балалар.

1-жүргізуші: Ел мүддесін бәрінен биік қоятын, өзінен кейінгі ізіне ерген інілеріне ізеттігін аямайтын, ізінен ерген ұрпағына ұлылығын ұялатып, бір қауымға бас-көз бола білген ауыл қарттарының орны ерекше.

2-жүргізуші: Олай болса, әр халықтың бойында ықылам заманнан бері қалыптасып оны өзгелерден даралап тұратын, тек өзіне ғана тән қасиеттері болады. Біздің халқымыздың сондай ерешеліктерінің бірі – үлкенді сыйлау, оның сөзіне құлақ асу.

1-жүргізуші: Қазақ қарты жасына лайық ауызы дуалы, сөзі берекелі, ісі тыңғылықты, ойы терең, ақылы тілегей теңіз болып келеді. Міне, осындай теңеуге лайық қарияларды жылына бір рет келетін 1-қазан Қарттар күнімен құттықтаймыз!

2-жүргізуші: Олай болса, «Қарттарын қадірлеген ел ардақты» атты кешімізге қош келдіңіздер!

1-жүргізуші:

Бәрін білер ата салты, ғұрыптың

Жақындығын туған –туыс, іліктің

Тілейсіздер барша мынау ғаламда

Тұрса екен шуақ шашып, күліп күн –деп құттықтау сөзге кезек берейік.

2-жүргізуші:

Мерекелік құттықтау сөз ______________________ __________-- беріледі.

1-жүргізуші:

Өң бойың тұңған ақыл, ұлағат

Ешкімге жасамайтын қиянат

Жайлап қана ақылменен түзейсің

Болып қалса ұғына алмай бір сағат

2-жүргізуші:

Жадыраймын, жадырайын

Көңілденіп күлемін

Жанар ма деп талабым,

Әже ақылын тыдаймын –деп, ____ сынып оқушысы Есімханұлы Қалқаманның орындауында «Асыл әжем » әнін қабыл алыңыздар.

1 -жүргізуші: Той деп бүгін аппақ шашу шашады

Той деп бүгін әлем сырын ашады

Қарттар күні мейрамына арналған

Күйші жігіт өз өнерін шашады.

Сыныбымыздың өнерлі баласы Садық Алиханды Құрманғазы атамыздың күйімен ортаға шақырайық!

2-жүргізуші: Ата ардақты тұлға. «Әкеден ұл тусайшы, ата жолын қусайшы» деп халық ұрпаққа атаның мұрасын жалғастыруды уағыздайды. Ата ұрпағының қайырымды, мейірімді, ақылды, іскер болуын тілеп сол үшін қамқорлық іс-әрекеттерін жерге жеткенше дамыта береді, өнеге көрсетеді, өсиет айтады

Ән: «Әже, ата» Орындайтын 4 сынып оқушысы Дарынқызы Дария

1-жүргізуші: Үлкенді сыйлау, оларға құрмет көрсету – ата-бабадан келе жатырған салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Талай жасты тәрбиелеп, ізбасарларыңызды өсірдіңіздер

2-жүргізуші: Сіздерсіздер бүгінгі ұлықпандар,

Мың жасаған ұрпақпен ұлық жандар.

Қарттар тарих, қазына, ел қазығы,

Ей, адамзат, осыны ұмытпаңдар!

Келесі тамашалайтындарыңыз мектебіміздің өнерлі оқушысы Әмит Әлиманың «Жетіген» аспабындағы тамаша орындауын қабыл алыңыздар!

1-жүргізуші: Абырой амандығың арта берсін,

Бақ дәулет қызығымен қатар берсін.

Ұрпағың жақсы көрген жиі келіп,

Таусылмас дәм-тұзыңды тата берсін.

Би:____________________________________________

2-жүргізуші:

Қарттық деген –қасиетті ұғым бар,

Мені өзінің пейіліңмен жылындыр.

Балалардың болашағын аңсаған

Бойларыңда керемет бір жылу бар- демекші, ата-әжелерімізге сөз берсек ________________________________________________________________________________________________________________________________________________________________________________________________________________________________________________________________________________________________________________________________________________________

1-жүргізуші: Тыныштық елімізге бере берсін,

Молшылық жерімізге ене берсін.

Соғыстан ел жұртымыз аман болып,

Қызығын бейбіт өмір көре берсін.

2-жүргізуші:

Қарттарым сіздерге Алла саулық берсін

Денсаулық ауыз-бірлік бола берсін

Тап-таза абыройлы болғаныңды

Қазіргі ел билеген жастар көрсін, - деп тілек тілеп бүгінгі кешімізді аяқтаймыз. Зейін қойып тыңдағандарыңызға көп-көп рахмет.

1-жүргізуші: Бүгінгі «Қарттарыма бас иемін» атты кешіміз осымен аяқталды.

2-жүргізуші: Келіп тамашалағандарыңыз үшін көп-көп рақмет! Келесі кездескенше сау болыңыздар!