Жамбыл атындағы №120 орта мектебі

Психологиялық тренинг

«ҚАРЫМ – ҚАТЫНАС ЖАРАСТЫҒЫ»

Педагог-психолог Г.А.Туреханова

Қызылорда

«Қарым-қатынас жарастығы»

Психологиялық тренинг

Мақсаты: Қатысушылар арасындағы қарым-қатынасты нығайту, жағымсыз көңіл- күйден арылу, күш-қуат жинау, өзін еркін сезінуге көмектесу. Ұжым арасындағы байланысты нығайта отырып, эмоционалды жігер беру, бірін-бірі кеңірек танып білуге, көңіл күйлерін көтеру.

Қажетті құрал-жабдықтар: қағаз, стикер қағаз, музыкалық әуен. Ұйымдастыру кезеңі:

Тренер сөзі: Сәлеметсіздерме, қымбатты қонақтар! Бүгін сіздермен бір-бірімізбен арадағы қарым-қатынасты жақсарту, психологиялық көңіл- күйлеріңізді көтеру өз бойларыңыздағы шығармашылық қабілеттеріңізді бағалай білуге, өз-өзіңізге құрметпен қарауға, бір-бірімізбен сыйластық қарым-қатынаста болуға жиналып отырмыз.

Жұмыс жасау ережесі: Сіздерден өтінетінім жұмыс барысында шынайы болуларыңыз керек. Сіздердің көңілдеріңіз, сезімдеріңіз қаншалықты шынайы болса біздің жұмысымыз соншалықты нәтижелі болады. Топ ішінде өтірік айтуға болмайды, егер де шын талдауға дайын болмасаңыздар, онда еш нәрсе айтпаңыздар. Не айтсақ та осы топ ішінде қалу керек. Ол біздің жұмысымыздың этикалық негізінің бірі. Бір мұғалімнің мәселесін тренингке қатыспаған адамға айтып талдамаймыз. Онын барлығын тренинг барысында орындаймыз. Тренингке қатысушы әр адам тек өз атынан ғана сөйлейді. Мысалы «барлығы солай ойлайды» деген болмайды. Оның орнына «мен солай ойлаймын», «маған солай көрінеді» т.б. Бір- бірімізді сынамаймыз, өйткені осы өмірде бізді жеткілікті сынайды, бағалайды. Топ ішінде бір- бірімізді түсінуге тырысамыз.

«Менің визиткам»

1.Сіздің есіміңіз?

2.Сіздің жасыңыз?

3.Есіміңіздің мағынасы

Қатысушыларға өздерінің осы тренинг барысында қалай атауды қалар еді, өздерінің балалық шақтағы еркелетіп айтқан есімімен бе, әлде туған туысқандары қалай еркелетіп айтаты. Сол есімді визиткаға жазып, түйреуіш арқылы кеуделеріне бекітеді.

«Ипподром» жаттығуы

Қатысушылар шеңбер құрып тұрады. Нұсқаулық: Барлығымыз орнымыздан тұрып шеңбер құрайық. Ат жарысына келіп тұрмыз. Барлығымыз дайындалайық, 1- алақандарымызбен аяғымызды соғамыз, жылдамдатымыз. Барьер дегенде – оп-оп дейміз. Құмда алақанды үшбұрыштар бір-біріне біріге соғады. Су дегенде-еріндерін саусағымен қозғайды. Қыздар трибурасында –иии , ұлдар трибурасында- ооо. Финиш дегенде – ура.

Әріптестер! «Өз - өзіңді сыйлай біл, Жат жанынан түңілсін!» дегендей біз ең алдымен өзімізді сыйлатуымыз үшін өзіміздің кәсібіміздің майталман мықты маманы болып, өзімізді кез –келген ортада көрсете білуіміз қажет. Енді келесі кезекте слайдқа көңіл аударсақ.

«Өзін - өзі бағалау» жаттығу

А) Берілген жануарларды өздері рет-ретімен қояды.

Жылқы – отбасы

Сиыр – мансап

Шошқа – ақша

Жолбарыс- өз - өзін жақсы көру

Қой – махаббат

Ә) Ит - өзіңіз

Мысық – досыңызға адалдық

Атжалман – дұшпандық

Кофе – сүйгеніңізге махаббат

Б) Берілген түстерді рет-ретімен қояды

Қызыл – жан – жарыңыз

Ақ – анаңыз

Сары – туысқаныңыз

Жасыл – досыңыз

Қызғылт – бауырыңыз

«Кесені қоюды ұмытпа!»астарлы әңгімесі.

Сабақтың басында профессор аз мөлшерде су құйылған кесені көтерді.Ол осы кесені барлық студенттер оған назар аударғанша ұстады,содан кейін «Бұл кесенің салмағы қанша деп ойлайсыңдар?»деп сұрады.

«50 грамм!», «100 грамм!», «125 грамм!» - деп ұсынды студенттер.

«Мен өзім де білмеймін, - деп жалғастырды профессор, - ол сізге керек екенін білу үшін ғана салмақ. Бірақ мәселе басқа: кесені осылай бірнеше минут ұстасам не болады?»

«Ештеңе» деп жауап берді студенттер.

• Жақсы .Осы кесені бір сағат ұстасам не болады?-деп сұрады профессор.

• «Қолыңыз ауырады», - деп жауап берді студенттердің бірі.

• Сонымен.Күні бойы кесені осылай ұстасам не болады?

• «Сіздің қолыңыз тасқа айналады,сіз бұлшықеттеріңіздің қатты кернеуін сезінесіз, тіпті қолыңыз сал болып қалуы мүмкін және сізді

• ауруханаға жіберуге тура келеді»,-деді студент аудиторияның жалпы күлкісіне.

• Өте жақсы, -деп жалғастырды профессор сабырмен, - алайда ,осы уақыт ішінді кесенің салмағы өзгерді ме?

• «Жоқ» деп жауап берді.

• Сонда иық ауруы мен бұлшық еттің тартылуы қайдан пайда болды?

• Студенттер таң қалды, көңілдері қалды.

• Ауырсынудан құтылу үшін не істеуім керек?- деп сұрады профессор.

«Кесені қойыңыз», - деп жауап берді аудитория.

«Осылай, - деп айқайлады профессор, - өмірде дәл осындай проблемалар мен сәтсіздіктер болады.Егер сіз оларды бірнеше минут бойы басыңызда ұстасаңыз, жағымсыз жағдайға тап боласыздар. Егер сіз олар туралы көп ойласаңыз, сіз ауырсынуды бастайсыз.

Ал егер сіз бұл туралы ұзақ уақыт ойлай берсеңіз ,ол сіздің санаңызда қалып, басқа ештеңе істей алмайсың. Жағдайды ойластырып, қорытынды жасау маңызды,бірақ әр күннің соңында ұйықтар алдында бұл мәселелерді шешуге мүмкіндік беру одан да маңызды.Осылайша сіз күнделікті таңертең стрессіз, сергек оянып, жаңа өмірлік жағдайларды жеңуге дайын боласыз.

Өзіңізді «Әр күннің соңында кесені қоюға» үйрету маңызды.

Біз кездесуімізді осы жағымды нотада аяқтаймыз.

Бір –бірімізді қошеметтеп алайық!

Қорытынды

Жалпы адам баласы күнделікті өмірде бір-біріміздің көңіл-күйімізді түсірмей,бір-бірімізді ренжітпей жүруіміз керек.Бір-бірімізбен дұрыс қарым-қатынас жасай білу, баға жетпес байлық.

Видеоролик . «Табиғат тамашалары!»