Қарым-қатынас үйлесімділігі

Батыс Қазақстан Облысы, Теректі ауданы,

Подстепный №1 ЖОББМ -нің

педагог - психологы

Охасова Галия Гинаятовна.

«Қарым- қатынас үйлесімділігі»

Сабақтың тақырыбы: «Қарым- қатынас үйлесімділігі »

Мақсаты: Оқушыларға айналасындағы адамдармен, қоршаған орта, өзін - өзі қалыптастыру барысында талдау жасауда сүйенетін психологиялық жағынан мәлімет беру.

Дамытушылық мақсаты: Ұйымшылдыққа, достық сезім қалыптастыруға үйрету.

Сабақтың түрі: Тренинг элементтері бар сабақ.

Сабақтың әдісі: Топпен тренинг, сұрақ - жауап, талқылаулар.

Қолданылатын көрнекіліктер мен құрал жабдықтар: Сабақтың тақырыбы, нақыл сөздер, тренинг ережесі, маркер, ақ парақ.

Сабақ барысы:

Сәлеметсіздерме құрметті оқушыларым!

Әрбір адам өмірге келген қонақ. Өмір өте мәнді, мағыналы, мазмұнды өтуі үшін қамшының сабындай қысқа өмірде адамдардың бір - бірімен сыйластықта болғанына не жетсін?! Адамның өмірі адаммен, бірінсіз бірінің күні жоқ. Адамдар арасындағы қарым - қатынас жақсы болса, көрер күндері де қызықты болады.

Адамдар арасындағы қарым - қатынас, шын мәнінде өте нәзік дүние. Өйткені қылт етсе сынып кетуі мүмкін көпір болады. Әркімнің қабағына қарауда оңайға соқпайды.

Олай болса бүгінгі тренингіміз қарым - қатынас жасай білу - үлкен өнер екенін кеңінен ұғынуға мүмкіндік береді.

1. Ал, енді барлығымыз алдымыздағы ақ қағазға көңіл - күймізді түсіріп көрейік. Адам мен табиғат ұқсас, егіз бірде шайдай ашылады, бірде жауындатады, бірде түнереді, т. б. Табиғат құбылыстарымен байланыстыра отырып , қағаз бетіне түсірейік.

2. Адамдармен қарым - қатынас жасау шеберлігі адамның ішкі мәдениетіне, біліміне, тәрбиесіне байланысты болады десек артық емес. Сондықтан, қарым - қатынасқа түсу үшін орнымыздан тұрып, шеңбер жасайық. Қолдарымызды ұстап атымыздың бас әрпін сын есіммен тіркестіріп айтамыз. Мысалы: Жылы жүзді Жайна, батыл Болат т.б.

3. Кейде отбасында жүрген ортамызда, көпшілік орындарда түсініспеушілік, кикілжің неден шығатын, кикілжің, ерегес жағдайлармен бетпе - бет кездесіп қаламыз. Кикілжіңнің неден шығатынын, оны болдырмау, одан шығу жолдары бар ма, соны қарастырсақ. Ортаға үш топ, әр топта үш адамнан болуы керек. Тапсырма 2 - 3 мин ішінде топ мүшелері жағдаят бойынша рөлдік ойынмен көрсетуі керек.

Жағдаяттар:

А) Мұғалім мен оқушы арасындағы келіспеушілік.

В) Ата - анамен бала арасындағы түсініспеушілік және одан шығудың қандай жолы бар?

С) Достар арасындағы кикілжіңнің шешілу жолдарын көрсет.

Тренингке қатысушыларға ортақ сұрақтар қою:

1. Кімдермен жиі кикілжіңге келесіз?

2. Кикілжіңнің шығу себебі ?

3. Қай топ кикілжіңнің шешілу жолын дұрыс көрсетті деп ойлайсыңдар? Өзің қалай шешер едің?

4. Адамдармен қарым - қатынаста бет - әлпет, қас қабақ, дауыс маңызды қызмет атқарады.

Қонаққа тамақ бермес бұрын қабағыңды бер - деген даналық осы қағидаға негізделеді. Қонақжай, кеңпейіл халқымыз әр кез осы жайды ұстанған.

Ортаға 7 адам шығып, берілген тапсырмаға сай әртүрлі көңіл - күйді белгілейді.

Тапсырмалар:

1. Ойланып тұрған адамның бет- әлпет кескіні.

2. Ренжіп тұрған адамның бет- жүзі.

3. Қайғылы адамның бет жүзі.

4. Ашулы адамның бет- әлпеті.

5. Таңданған кейіп көрсету

6. Өкініп тұрған адамның бет- әлпеті.

7. Қуанып тұрған адамның бет- әлпетін бейнеле.

Адамның ары таза, көңілі ақ, ниеті түзу болса, ол еш уақытта жамандық ойламайды. Бұл ізгілікті қарым- қатынастың бірден - бір жолы.

Талдау:

1. Саған қарым -қатынасқа түскен ұнай ма?

2. Сен қарым- қатынасқа тез түсе аласың ба?

3. Қарым- қастынасқа түскенде қандай қиындықтарды сезінесің?

4. Қарым- қатынасты үйрену қажет деп ойлайсың ба?

5. Сыныптастарыңмен қарым -қатынасың қандай деңгейде?

6. Қарым -қатынастың адам өміріндегі маңызы неде деп ойлайсың?

7. Достарың көп пе?

Сабаққа қатысқан оқушылар тренинг барысында өздерінің алған әсерлері туралы айтады. Енді оқушылар жана тренингіміздің басында көңіл - күйімізді бейнелеген ақ парақты қайта қолымызға алып, осы тренингтен кейінгі көңіл күйімізді бейнелейік, яғни тренингтен кейін көңіл - күйіміз өзгерсе суретімізге өзгерту енгіземіз, егер қаламасаңдар өзгерту енгізбеуге болады.

Бекіту:

1. Балалар бүгінгі сабақтан қандай әсер алдыңдар?

2. Қарым- қатынасты адамның қандай әрекеттерінен көруге болады?

3. Не нәрсе ең қызықты болды?

4. Рөлдерді сомдау қиынға соқты ма? т.б.

Қорытынды:

Сонымен, тренингімізді ұлы Абай атамыздың Адам өміріндегі ең тамаша нәрсе- оның басқа адамдармен қарым - қатынасы деген сөзімен аяқтай отырып, тренингімізге қатысып ойларыңызды білдіргеніңізге рахмет айтамыз.

Сау болыңыздар!