Қауіпсіз интернет

«Қауіпсіз интернет» республикалық ақпараттық кампаниясының аясында атқарылған шаралар туралы толық есеп

Қарасай аудандық білім бөлімінің, Қазақстан Республикасы Білім және ғылым министрлігінің ағымдағы жылдың 23 сәуір- 10 мамыр аралығында «Қауіпсіз интернет» республикалық ақпараттық кампаниясын өткізу туралы тапсырмасына сәйкес Қайнар ауылындағы орта мектепте «Қауіпсіз интернет» атты апталық өз деңгейінде өтті.

Апталық жұмысына ата- аналар мен оқушылар белсенді түрде қатысты. Апталықтың негізгі мақсаты: кәмелетке толмағандардың, педагогтар мен ата- аналардың назарына агрессивті Интернет мазмұнының әсерінен болатын проблемаларды түсіну деңгейін арттыруға бағытталған ақпаратты жеткізу, Интернет ресурстарды қолдану мәдениетін, кәмелетке толмағандардың Интернетке кіру белсендігі бақылауға қатысты Интернет қызметтерде ересек қолданушылардың жауапкершілігін жоғарылату.

2018 жылдың 23 сәуірінде мектебімізде «Интернет желісі деген не ?» тақырыбында жалпымектептік лездеме болып өтті. Лездемені өткізген информатика пәнінің мұғалімі Амантай Әйгерім Амантайқызы және педагог- ұйымдастырушы Балапанова Шынар. Әйгерім Амантайқызы интернеттің пайдасы мен зиянына кең тоқталып өтті.

23 сәуір мен 8 мамыр арасында бейнелеу пәнінің мұғалімі Андирова Жанбота «Қауіпсіз интернет» тақырыбында фотоконкурс өткізді. Фотоконкурсқа 5- 11 сынып оқушылары қатысты. Конкурсқа оқушылар белсенділікпен қатысып, 9 «б» сыныбынан Миргиястинов Искандер жеңіске жетті.

23 сәуірден бастап 2-11 сынып жетекшілері «Интернет және біз», "Интернеттің пайдасы мен зияны", «Мен және интернет», "Заң және интернет" тақырыбында сынып сағаттарын өтті.

27 сәуір күні информатика пәнінің мұғалімі Амантай Әйгерім білім алушылар арасында Интернетке қолайлы тәртіп модельдері туралы бейнероликтердің көрсетілімін ұйымдастырды.

28 сәуір аралығында «Интернетке балалардың қауіпсіздігін қалай қамтамасыз етеміз» атты семинар ұйымдастырылды. Бұл семинарда мұғалімдер білім алушылардың интернетте отыру ережелерін, зиянды сайттарға кірудің алдын алу туралы өз ойларымен бөлісті.

4 мамыр күні кітапхана меңгерушісі Сагембаева Ж. «Интернет орнына кітап» атты біркүндік акция өткізді.

Мектебіміздің психологі Жапарова Жадра психологиялық тренингтер ұйымдастырды. Оқушылар бұл ішшарада еш қымсынбастан өз ойларын толық әрі, нақты, дәлелдер келтіре отыра пікір алмасты.