Сабақтың тақырыбы:

Қазақ халқының ою-өрнегін қию өнері. “Қошқармүйіз, сынықмүйіз жасау”

Сабақтың мақсаты:

Білімділік: Қазақ халқының ою - өрнек өнерінің шығу тарихына түсінік бере отырып, ою түрлерімен таныстыру.
дамытушылық: «Қазақ халқының ою - өрнегін» тақырыбында алынған теориялық білімін практика жүзінде іске асыру.
тәрбиелік: оқушылардың еңбекке деген қызығушылығын арттыру, ою - өрнек қию әдіс - тәсілдерін меңгерту. Техника қауіпсіздік ережелерін сақтауға дағдыландыру.

Сабақтың түрі: аралас сабақ

Сабақтың көрнекілігі: сәндік қолданбалы өнер, шығармашылық туралы альбом, ұлттық киім үлгілері, ою - өрнек тер, фото суреттер,

Сабақтың барысы:

I. Ұйымдастыру бөлімі

1. Сәлемдесу

2. Оқушыларды түгелдеу

II.Үй тапсырмасын сұрау

1.Ою түрлері қанша топқа бөлінеді?
2.Бөлінуіне байланысты түлерін топтастыр.
3. Ою-өрнектерді және қай жерлерде, қандай ұлттық бұйымдарда көрдіңдер?

III Жаңа сабақ

«Қошқармүйіз» -бұл қойдың бас бейнесіне ұқсатыла салынған өрнек . Қойдың төбесінен, екі жақа иіле, мүйіз бейнесіне келтіріп салынған. Қазақ ою-өрнегі қошқармүйіз түрінен бастау алып қазір дами келе үрделі өрнекке айналды. Мұндай өрнек текемет, сырмақ, басқұр, алаша, кілем, былғары, үйек, ағаш және зергерлік бұйымдардың барлық түлерінде кездеседі.

«Сынықмүйіз» -тік бұрыш жасап, морт сына ішке қарай иіле оындалатын өрнек. Сырт көрінісі малдың сынған мүйізіне ұқсайды.Сынық мүйіз өрнегі жануарлар әлемінен алынған өрнектерге жатады.Бұл өрнекті тігін бұйымдарына, киіз үй жабдығына және тықыр кілемді көркемдеуге қолданады.
Бүгінгі сабағымызда біз сендермен осы екі ою-өрнек түрін пайдалана отырып,композиция құрастырамыз.ол үшін біз практикалық жұмыс жасаймы

IV Практикалық жұмыс

«Сынықмүйіз» оюының жасалу реті

Практикалық жұмыста қауіпсіздік ережені қайталау

1.Қағазды керекті өлшемде қиып, дайындаймыз.

2.Дайын қағазға қақ ортасынан сызық жүргіземіз.

3.Сызық бойынша қағазды екіге бүктейміз.

4.Екіге бүктелген қағаздың ортасына белгі салып, сол белгі бойынша тағы да бүктейміз. Сонда қағаз төрт қабат болып шығады.

5.Төрт қабатқа бүктелген қағаздың бірінші бетіне өрнектің төрттен бір бөлігін саламыз, оны қайшымен қиямыз.

6. Қиып алған өрнекті ашамыз.

7.Өрнек жиегін тегістеп, түрлі –түсті қағазға желіммен жабыстырамыз.

8 .Өрнектің жиегіне жақтау жасаймыз.

V Сабақты қорыту
Сұрақ - жауап
1. Қазақ халқы ою - өрнекті қайдан үйренді?
2. Ою дегеніміз не?
3. Оюдың түрлерін ата?
4. Зооморфтық қандай ою түрін білесің?
VI Бағалау.
VII Үйге. тапсырма: «Қошқармүйіз» жасау.