Түсінік хат Қазақ халқы – ғасырлар бойы өзіндік мәдениеті, тарихы, дүниетанымы мен талғамы қалыптасқан бай рухани мұрасы бар ұлт. Сол рухани мұраның ең маңызды саласының бірі – халық музыкасы. Халықтың басынан өткен тарихи оқиғалары, өмірлік тәжірибесі, қуанышы мен мұңы, тұрмыс-тіршілігі, ұлттық болмысы ең әуелі ән-күй арқылы санада сақталып, ұрпақтан ұрпаққа тараған. Сондықтан да қазақ музыкасы – тек өнер туындысы ғана емес, ол – ұлт тарихи жадының, дүниетанымының, эстетикалық мәдениетінің тұтас көрінісі. Қазіргі білім беру жүйесінің басты мақсаты – оқушыны жан-жақты дамытылған, ұлттық құндылықтарды қадірлей білетін, шығармашылықпен ойлайтын тұлға ретінде қалыптастыру. Сол талап тұрғысынан қарағанда, музыкалық білімнің орны ерекше. Әсіресе, қазақ халық музыкасын оқытудың тәрбиелік және танымдық маңызы зор. 5-сынып оқушылары – ұлттық өнерді қабылдауға, әуендік есту қабілетін дамытуға, шығармашылық қиялын қалыптастыруға өте бейім кезеңдегі жас буын. Оларға халық музыкасының байлығын тан