“Асау-Барақ” атындағы орта мектеп

“БАУЫРСАҚ”

ЕРТЕГІСІНЕН ҚОЙЫЛЫМ

2 “б” СЫНЫП ОҚУШЫЛАРЫ

Пән: Қазақ тілі

Пән мұғалімі: Мамереженова А.Н.

2026 жыл

Ж үргізуші: Құрметті қонақтар, ұстаздар және оқушылар!

Сіздерге бүгін 2 “б” сынып оқушылары дайындаған “Бауырсақ” ертегісінен қойылым көрулеріңізді шақырамыз.Бүгінгі қойылымда рөльдерді сомдаушы әртистермен сіздерді таныстырайын.

Жүргізуші: Рахим Аяулым

Бауырсақ: Жанатқызы Медина

Қоян: Мұстафина Айлин

Қасқыр: Бекмурат Дильмухан

Аю: Келешек Санжар

Түлкі:Қайсар Інжу

Жүргізуші:

Ерте, ерте -ертеде бір ата мен әже өмір сүріпті. Ата әжеге маған бауырсақ пісіріп берші - депті. Әже бауырсақ пісіріп, суытуға қойыпты. Бауырсақ отырып, отырып, домалап кетіпті.Домалап келе жатып аңдарды көреді.

Қазір ертегіні тамашалайық.

Музыка әуені ойнайды.

Бауырсақ жол бойымен домалап,өлең айтып келе жатып, қарсы алдынан ұзын құлақ Қоян шыға келеді.

Музыка: Қоян секіріп, жүріп келіп Бауырсаққа:

– Бауырсақ, бауырсақ, мен сені жеймін, - депті.

Бауырсақ оған былай дейді:
– Жей көрме мені, Қояным, ән айтып берем, тыңдағын, - дейді.
– Жарайды, ендеше, айта ғой, - дейді Қоян.

Менің атым – Бауырсақ,
Қызарып пістім – көңлім шат.
Қамбаның түбін қырнаған,
Елеуішпен елеген.
Қаймақпенен илеген,
Күйдірмей майға пісірген.
Атайдан да құтылдым,
Әжейден де сытылдым,
Қоян сенен құтылу,
Қиын емес – бұл маған!

Осылай деп, Бауырсақ домалады, аңқау Қоян аңырып тұрып қалды.

Бауырсақ зыр домалап жөнеледі, зыр домалап Бауырсақ келе жатса, алдынан сұр Қасқыр кездеседі.

М узыка: Қасқыр жан-жағына қарап, жүгіріп келіп Бауырсаққа

– Бауырсақ, бауырсақ, мен сені жеймін, - дейді Қасқыр.

– Сұр Қасқыр, мені жемеші, ән салып берем, тыңдашы, - деп Бауырсақ әндете жөнеледі.

Менің атым – Бауырсақ,
Қызарып пістім – көңлім шат.
Қамбаның түбін қырнаған,
Елеуішпен елеген.
Қаймақпенен илеген,
Күйдірмей майға пісірген.
Атайдан да құтылдым,
Әжейден де сытылдым,
Қояннан да құтылдым,
Қасқыр сенен сытылу,
Қиын емес – бұл маған!

Бауырсақ ары қарай домалады, аңырып Сұры қасқыр жолда қалды .

Домалап Бауырсақ тағы жөнеледі, алдынан Аю сонда кез келеді.

Музыка: Аю аяғын ман-ман басып,ақырып келіп Бауырсаққа

 – Бауырсақ, бауырсақ, мен сені жеймін, - депті Аю.

– Жей көрме, Аю атайым, тыңдашы саған айтайын, - деп Бауырсақ әнін бастайды:

Менің атым – Бауырсақ,
Қызарып пістім – көңлім шат.
Қамбаның түбін қырнаған,
Елеуішпен елеген.
Қаймақпенен илеген,
Күйдірмей майға пісірген.
Атайдан да құтылдым,
Әжейден де сытылдым,
Қояннан да құтылдым,
Қасқырдан да құтылдым,
Аю сенен сытылу,
Қиын емес – бұл маған!

Осылай деп, Бауырсақ домалады, аңырып Аю маймақ жолда қалды.

---------------------------------------------------------------------------

Бауырсақ домалаумен келе жатты, осылай талай-талай белден асты, домалап жол үстінде келе жатса, қу Түлкі жылмаң етіп келе қапты.

Музыка: Қу түлкі,құйрығын бұландатып, қуланып, ақырып келіп Бауырсаққа

– Бауырсақ, домалап қайда барасың, - депті сонда Түлкі.
– Жол жүріп кетіп барамын, - депті Бауырсақ.
– Бауырсақ, Бауырсақ, мен сені жеп қоям! - депті Түлкі,
– Жемеші, Түлкі, ән салып берем мен саған! – депті Бауырсақ.
Бауырсақ сонда:

Менің атым – Бауырсақ,
Қызарып пістім – көңлім шат.
Қамбаның түбін қырнаған,
Елеуішпен елеген.
Қаймақпенен илеген,
Күйдірмей майға пісірген.
Атайдан да құтылдым,
Әжейден де сытылдым,
Қояннан да құтылдым,
Қасқырдан да құтылдым,
Аюдан да сытылдым,
Түлкі сенен құтылу,
Қиын емес – бұл маған!

– Әнің жақсы-ақ, Бауырсақ, нашар еді бұл құлақ, тұмсығыма шығып ап, айтып берші қайталап, дауыстап бір қаттырақ, - депті сонда Қу Түлкі.
Мақтағанға мәз болды, тұмсығында Түлкінің, Бауырсақ солай ән салды.

Сонда Түлкі:
– Тамаша екен үнің де, тағы бір рет айтшы тыңдайын, отырып алып тілімде! – депті.

Бауырсақ Түлкінің ойын түсінбеді, ойланбастан тіліне секіреді, «Ап!», - дегенде Бауырсақ қу Түлкінің, Азуында әп сәтте күтірледі.

Жүргізуші:

Мақтаншақтық – жақсы емес ей, балалар, - деген оймен бітірдік ертегіні.