Қазақ тілі бірліктің бастауы

Қазақ тілі бірліктің бастауы

Қазақ тілі - Қазақстан Республикасының мемлекеттік тілі болып саналады. Қазақ тілі - әлемдегі тілдердің ішіндегі ең бай, келбетті тілдердің бірі. Қазақ тілі қазақ халқының ана тілі. Мен де өз үлесімді біліміммен қоссам деймін.Біздің өмір сүріп жатқан ортамыз орыс тілді болғандықтан қазақша сөйлеу қиын болып тұр.Өкінішке орай, соңғы кезде көптеген қазақ жастары өз ана тілін бұрмалап сөйлеуді әдетке айналдырған. Ата-ананы қадірлеу қалай керек болса, өз ана тілімізді қадірлеуді, қастерлеуді, аялауды қолға алайық. Төл тілінде сөйлеуден безу - ана сүтін беріп өсірген анаңды ұмытумен бірдей.Қазақ тілін үйрену үшін қазір барлық жағдайлар жасалған.Түрлі курстардан оқи отырып, әр түрлі әдіс –тәсілдермен жаттығулардың көмегімен тез үйренуге болады.

Қазақ тілі - тәуелсіздіктің айғағы. Тілсіз- тәуелсіздік, егемендіксіз- тіл болмас еді. Тіл - тәуелсіздіктің қуатты тірегі, бірлік пен ынтымақтың жығылмас туы. Қазақ елі тәуелсіз мемлекет болып құрылғанына да біршама уақыт болды. Мемлекеттік тілі - қазақ тілі деп жарияланды. Бұл тұста Елбасымыз - Нұрсұлтан Әбішұлы Назарбаев «Қазақтың болашағы - қазақ тілінде», - деп алдымызға айқын жол ашып берді. Бізге тек осы ұстанымды жүзеге асыруға бар күш-жігерді аямай, еңбек ету ғана қалды. Тәуелсіз Қазақстанның болашағы - біз, яғни, қазақ жастары. Демек, біздің міндетіміз - қазақ тілінің мәртебесін асыру болмақ.