"Қазақ тілі-елдігімнің ертеңі" өлең

Қазақ тілі-елдігімнің ертеңі

Қазақ тілі – ұлы далам үн қатқан,

Көк түріктен бүгінге дейін жалғасқан.

Тұлпар мініп, ту ұстаған баһадүр,

Тілмен ғана ел болғанын аңдасқан.

Сан ғасырлық тарихымды сөйлеткен,

Сақ пен ғұнның рухынан сыр шерткен.

Алтын Орда, Алаш жолы – бәрі де,

Тіл арқылы жауларымен серттескен!

Тіл – шежірем, тілім – менің тағдырым,

Тілім – ұлтым, өткенім мен таң нұрым.

Жан алысып, жан беріскен заманда,

Тіл арқылы шаққан екен бар мұңын!

Қан кешкенде қайсар халық тілімен,

Таңба түсіп, тозған емес түбінен.

Тәуелсіздік таңыменен оянып,

Биіктеді мәртебесі бүгінде.

Қазақ тілі – қасиетім, кием де,

Тілім менің- асқар рухым, ием де!

Елтаңбадай жүрегімде жарқырап,

Жасай берсін ғасырлардың төрінде!

Ұрпағы бар тілін ту ғып көтерген,

Мәңгілікке қазақ болып өтер ем!

Бабалардың аманаты – осы тіл,

Аманатты өмір бойы көтерем!

Авторы: Жадыра Елемесқызы