Қазақ тілі мен әдебиеті "Сөз таптары"

Онлайн сабақ жоспары

Пәні: қазақ тілі мен әдебиеті   Сынып: 2

Бөлім: 6-бөлім: «Салт-дәстүр және ауыз әдебиеті»

Сөздік қор: байғазы, көрімдік, сыйлық

Оқу мақсаттары:

2.1.1.1 мәтін мазмұны бойынша қойылған сұрақтарға жауап беру

2.4.2.3 көптік жалғауларын дұрыс қолдану

Сабақ мақсаты:

Сұрақтар қою және жауап беру

Сөздегі көптік жалғауларын ажырату

Сабақ барысы:  

Стартер. 2 минут

Балалар, ребусты дұрыс шеше алсаң, сен бүгінгі тақырыбымыз не туралы екенін өзің анықтай аласың.

Қанекей, кім тапқыр! Ойлан.

Сен білесің бе? 1 минут

Байғазы – қазақ дәстүрінде үлкеннің балаға беретін сыйлығы. Байғазыны көбінесе жаңа киім кигенде, жаңа зат алғанда ағалары немесе жеңгелерінен, жақын туыстарынан сұрайды.
Үлкендер Байғазы (ақша,малдың төлі-лақ, қозы, тай, бұзау) берумен бірге құтты болсын айтып ізгі тілек білдіреді.

Байғазы сөзін жазып алу.

Мәтін оқу. «Байғазы» 4 минут

Cұрақ қойып талдау

Сен қалай ойлайсың, әжесі балаларға не үшін ақша берді?

Мәтінде қандай салт – дәстүр туралы айтылған?

Байғазыны қашан береді?

Топтық жұмыс

5 минут

1. Мәтін мазмұны бойынша екі сұрақ құрастыр.

2. Сыныптасыңның қойған сұрақтарына жауап бер

Дескриптор:

• Мәтін мазмұны бойынша бір сұрақ құрастырады;

• Мәтін мазмұны бойынша екінші сұрақ құрастырады;

• Сыныптасының қойған сұрағына жауап береді;

Мадақтау арқылы бағалау

Тапсырма 1. 1 минут

Көптік жалғауы жалғанған сөздерді тап.

-Ау, әжесі, мына батырлар жаңа киім киіп келіпті ғой, байғазы бересің бе?-деді атасы.

-Ал, балалар, киімдерің тоза берсін, өмірлерің ұзақ болсын!-деп екеуіне екі қағаз ақша берді.

Сәйкестендіру 2 минут

Төменде берілген сөздердің көптік жалғауларын жалғап жаз. Қосымша жалғауды белгіле

Мадақтау

2 минут

Ойын «Қайтала» Мәтін оқу. Сөйлем құрамында байғазы, сыйлық, көрімдік, салт-дәстүр» сөздерін естігенде оқушылар үш рет айқайлап айтады.

Мысалы: Дастан атасынан байғазы сұрады. (байғазы, байғазы, байғазы)

Атасы Дастанға көрімдік берді. (көрімдік, көрімдік, көрімдік)

Қазақ ұлтында осындай дәстүр бар. (дәстүр, дәстүр, дәстүр)

1 минут

Қалыптастырушы бағалау

Кері байланыс

1 минут