Квест ойын: "Іздеген жетер мұратқа"

Зияткерлік күні. «Іздеген жетер мұратқа»

КВЕСТ – ағылшын тілінен аударғанда ( іздеу, табу деген мағынаны білдіреді). Ойын барасында бірнеше міндеттер шешіледі. Баланың ойлау, танымдық, шығармашылық қабілеттерін, бірлесе әрекет ету іс-қимылдарын, тілдерді үйренуге деген қызығушылығы,ұйымшылдыққа, тапсырмалардың шешімін оңай және жылдам шешуге,топта жұмыс жасауға, өзіндік пікір қалыптастыруға жетелеуге. Сонымен қатар, ойын барысында әртүрлі әдіс-тәсілдерді, тапсырмаларды қолдануға болады. КВЕСТ ойынының ұйымдастыруда алдына белгіленген бір нақты мақсат қойылады, яғни (кейіпкерді құтқару, қазына табу, картамен жұмыс т.б.) Көмекшінің көмегіне жүгінуге болады.

Мақсаты: Елбасымыздың «Болашаққа бағдар: рухани жаңғыру» ұлттық идеясын бүлдіршіндердің санасына сіңіру, патриоттық сананы ынталандыратын ұлттық құндылықтарды жаңғырту, болашаққа деген сенімін, ой- өрісін дамыту.

Көрнекіліктер:  магниттік тақта, иллюстрациялық материал: оюдың бөліктері, тағамдар суреті, асықтар.

Тәрбиеші: Сәлеметсіңдер ме, балалар!

Бүгін бізде ерекше мереке. Қонағымызды қарсы алайық!

(Музыка әуенімен Алдар көсе кіреді. бір шеңбер жасап, орнына тұрады).

Алдар көсе:

Ой, мен сендерге байқаусызда келіп қалдым ба?

Тәрбиеші: Иә, Алдар көсе қош келдің!

Алдар көсе:  Мен Көктем мерекесіне қонаққа шақырып еді, асығып жүріп мен бір  затымды жоғалтып алдым, және де аты есімнен шығып кетті, соны іздеп жүріп қайда кіріп кеттім өзі.

Балалар жауабы:  Сіз балабақшаға келдіңіз.

Тәрбиеші: Балалар, олай болса Алдар көсеге көмек берейік!

Алдар көсе: А, жарады сендер маған көмек беретін болдыңдар, қандай тамаша болды. Балалар мына бір қағазды тауып алып едім, бірақ оқи алмаймын.

Тәрбиеші: Кәне беріңізші көрейік. Құрметті Алдар көсе сіздің затыңызды табу үшін мына тапсырмаларды орындау керексіз. Ол тапсырмаларды бәйшешек гүлінің астынан табасыздар. Сол тапсырмаларды дұрыс орындап шықсаңыз затыңыз табылады. Әр тапсырма дұрыс орындалып отырса, сізге телефоныңызға хабарлама келіп отырады. Сәлеммен Көктем ханшайымы!

Алдар көсе: Балалар ол тапсырмаларды орындай аламыз ба? Орындай алмасақ менің затым табылмайды және де мерекеге бара алмайтын сияқтымын.

Тәрбиеші: Қалай балалар тапсырманы орындауға дайынсыңдар ма?

Балалар жауабы: Иә, дайынбыз.

1 –тапсырма: Сұрақ - жауап

Алдар көсе: Жарайсыңдар, 1 тапсырманы дұрыс орындадыңдар  маған хабарлама келді.

Келесі тапсырмамыз: «Көңілді іздер» ойыны.

Тәрбиеші: Жақсы. Келесі тапсырманы орындау үшін тік жүріп, ағаштардың қасынан өтіп, оңға бұрыласыңдар. Түрлі- түсті іздерді көресіңдер. Іздермен жүріп өту үшін, тапсырманы орындау керек. Ою құрастыру.

2 – тапсырма: Ою бөліктерін құрастыру.

Алдар көсе: Тамаша, 2 тапсырманы да  дұрыс орындадыңдар,  маған  тағы хабарлама келді.

Келесі тапсырмамыз: «Үй жануарлары» ойыны.

Тәрбиеші: 3 тапсырманы оқып көрейік. Бізге асықтар (5 дана) берілген. Ол асықтар нөмірленген. Әр нөмірдің өз тапсырмасы бар. 

3- тапсырма: Ұлттық тағамдарды ата.

Алдар көсе: Керемет,  жарайсыңдар, 3 тапсырманы дұрыс орындадыңдар  әдеттегідей маған хабарлама келді.

Тәрбиеші: Соңғы 4 тапсырманы оқып көрейік. Мында жұмбақ берілген. Ол жұмбақтың  жауабын табу керек.

Жұмбақ шешу:

Ұзын мойны, Екі ішек, 

Қатар-қатар тепкішек.

Басып көрсең бір-бірлеп,

Үн шығады күмбірлеп!

(домбыра)

Алдар көсе: Жарады балалар есіме түсті қандай затымды жоғалтып алғанымды. Мен домбырасыз жүре алмаймын домбыра менің көмекшім, сырласым. Көп рахмет! (домбыра жайылған дастархан басында)

Тәрбиеші:Ал, енді балалар бүгінгі мереке құрметіне Алдар көсемен қара жорға биін билеп жіберейік.

Би: «Қара жорға»