Қазақ тілі пәнінен "Мәтін" тақырыбы бойынша тест тапсырмалары 4 сынып

4сынып Қазақ тілі Мәтін

1-нұсқа

1. Тақырып дегеніміз не?

А) Мәтіндегі оқиға мен ойдың түйіні

В) Сөйлемдердің байланысуы

С) Тіркесіп келетін сөздер

D) Сөйлемдегі сөздердің байланысы

2. Мәтінге ат қою деген дегеніміз не?

А) ондағы негізгі ойды немесе тақырыпты қысқаша атау

В) өзара мағыналық байланыста айтылады

С) автордың айтайын деген басты пікірі

D) мәтіндегі негізгі ой мен тақырыптың мазмұны

3. Мәтіннің қай түріне жататынын анықта. Оның көз алдына бет ұшында қарашықтай меңі бар, талдырмаш қара торы қыз елестеді.

А) сипаттау мәтіні

В) пайымдау мәтіні

С) әңгімелеу мәтіні

D) хабарлау мәтіні

4. Сипаттау мәтінге қай сұрақ қойылады?

А) не үшін?

В) не істеді?

С) қандай?

D) қанша?

5. Мәтіннің бөліктерін көрсет.

А) негізгі, басы, қорытындысы

В) әңгімелеу, пайымдау, сипаттау

С) қорытындысы, соңы, басы

D) басы, негізгі бөлім, соңы

6. Мәтіннің түрлерін көрсет.

А) негізгі бөлімі, пайымдау

В) әңгімелеу, пайымдау, сипаттау

С) қорытындысы, соңы, басы

D) басы, негізгі, соңы

7. Мәтінге ат қой.

Бір күні Қожанасыр досына келсе, ол үйін тазалап жатыр екен. Қожа одан:

- Е, достым! Не істеп жатырсың? – деп сұрайды.

- Ә, Қожа екенсің ғой! Мынау ескірген киім, қағаз, кітап бәрін өртейін деп жатыр ем, - дейді досы.

- Қой, достым! Киім ескіргенімен, кітап ескірмейді. Кітаптың сырты ескіргенімен ішіндегі ақыл сөзі ескірмейді, - депті сонда Қожанасыр.

А) Қожанасырдың досы

В) Үй тазалау

С) Ескірген киім

D) Кітап ескірмейді

8. Мәтіндегі негізгі ой дегеніміз не?

А) Бірнеше сөйлемнен құрылып, бір мазмұнды беретін сөз тобы.

В) Мәтін тақырыбын қысқаша айту

С) Автордың айтайын деген басты пікірі.

D) Бәлкім, мені ұмытқан боларсың.

9. Әңгімелеу мәтіні деген не?

А) бір нәрсе жөнінде баяндайды, хабарлайды.

В) белгілі бір заттың, құбылыстың белгілерін көрсетеді, қандай екенін сипаттап суреттейді.

С) бір нәрсе туралы неліктен солай айтылғанын дәлелдейді

D) хабарлы сөйлем

10. Пайымдау мәтіні деген не?

А) белгілі бір заттың, құбылыстың белгілерін көрсетеді, қандай екенін сипаттап суреттейді.

В) бір нәрсе туралы неліктен солай айтылғанын дәлелдейді

С) бір нәрсе жөнінде баяндайды, хабарлайды.

D) хабарлы сөйлем

11. Сипаттау мәтіні деген не?

А) бір нәрсе туралы неліктен солай айтылғанын дәлелдейді

В) хабарлы сөйлем

С) бір нәрсе жөнінде баяндайды, хабарлайды.

D) белгілі бір заттың, құбылыстың белгілерін көрсетеді, қандай екенін сипаттап суреттейді.

12. Мәтін неше бөліктен тұрады?

А) 1

В) 2

С) 3

D) 4

13. Мәтін неше түрі болады?

А) 1

В) 2

С) 3

D) 4

14. Мәтіннің қай бөлігіне жатады?

«Біз жаңа мектепте оқимыз.Мектеп жаңа. ... »

А) басы

В) негізгі бөлімі

С) соңы

D) атауы

15. Мәтіннің қай түріне жататынын анықта.

Көкек

Көкек ұя салмайды. Балапан баспайды. Ол бір ғана жұмыртқа туады. Жұмыртқасын торғайдың ұясна тастап кетеді. Оны торғай басып шығарады.

А) мысал

В) пайымдау

С) әңгімелеу

D) сипаттау

16. Өлең шумағы мәтіннің қай түріне жатады?

Қарашы, күз келді, күз келді,

Сары алтын жауыпты іздерді.

Құс біткен керуен түзеді,

Көңілсіз неліктен күз енді? ( Нұрхан Жанаев)

А) хабарлы сөйлем

В) пайымдау

С) әңгімелеу

D) сипаттау

17. Қандай сұрақ қою арқылы әңгімелеу мәтін екенін ажыратуға болады?

А) Не істеді?

В) Қандай?

С) Неліктен?

D) Нешінші?

18. Қандай сұрақ қою арқылы пайымдау мәтін екенін ажыратуға болады?

А) Не істеді?

В) Қандай?

С) Неліктен?

D) Нешінші?

19. Мәтінде ... мағыналық жағынан байланысқан.

А) сөздер

В) сөйлемдер

С) дыбыстар

D) буындар

20. Мәтін деген не?

А) өзара мағыналық байланыста айтылатын екі не одан да көп сөйлемнен құралады.

В) заттың атын білдіретін сөздер

С) екі немесе одан да көп түбірден жасалған сөз

D) заттың іс- қимылын білдіреді

Қазақ тілі пәнінен сынақ бітті