Қазақ тілі пәнінен Қиял-ғажайыптар әлемі тақырыбына ҚМЖ 4-тоқсан

Бөлім:

10-бөлім: Ғылыми фантастика

Педагогтің тегі, аты, әкесінің аты :

Даулетиярова Айман Биржановна

Күні:

Сынып: 7

Қатысушылар саны:

Қатыспағандар саны:

Сабақтың тақырыбы:

Қиял-ғажайыптар әлемі

Оқу бағдарламасына сәйкес оқыту мақсаттары:

7.1.5.1 проблемалық сұрақтарға тыңдалған мәтіннен деректер келтіре отырып, дәлелді жауап беру, өз жауабын өзгенің жауабымен салыстыру, талқылау;

7. 4. 5. 1 сөйлем соңында және сөйлем ішінде қойылатын тыныс белгілерін (даралаушы және ерекшелеуші) дұрыс қолдану

Сабақтың мақсаты

Проблемалық сұрақтарға тыңдалған мәтіннен деректер келтіре отырып, дәлелді жауап беріп, өз жауабын өзгенің жауабымен салыстырып, талқылай алады. Сөйлем соңында және сөйлем ішінде қойылатын тыныс белгілерін дұрыс қолдана алады.

Құндылықтарға баулу

Құндылық: еңбекқорлық және кәсіби біліктілік

-өз уақытын тиімді жоспарлай білу және кез келген қызметтің нәтижелеріне қол жеткізу үшін күш салу;

Құндылық: әділдік және жауапкершілік

-оқу тапсырмасын орындауда табандылық таныту;

Құндылық: жасампаздық және жаңашылдық

-тапсырмаларға шығармашылықпен қарай білу, өзшешімдері мен идеяларын ұсына білу;

Сабақтың барысы

Сабақтың кезеңі//

уақыты

Педагогтің әрекеті

Оқушының әрекеті

Бағалау

Ресурстар

Сабақтың басталуы

5 минут

Сабақтың ортасы

10 минут

5 минут

10 минут

10 минут

Сабақтың соңы

5 минут

Оқушылармен амандасу, қатысуын түгендеу.

Сабақтың тақырыбы мен оқу мақсатымен таныстыру;

Ойтүрткі

1-тапсырма

«Құпия хат» әдісі арқылы сұрақтарға жауап береді.

1.Қиял дегеніміз не?

2.Қиял-ғажайып әңгімелер дегенді қалай түсінесіңдер?

3.Қандай қиял-ғажайып туралы қандай кино, шығармаларды білесіңдер?

4.Қиял-ғажайып шығармалар сендерге ұнай ма?

5. Сендер қиялдай аласыңдар ма?

1-тапсырма

Суретті пайдаланып, қиял-ғажайыптар әлемі туралы әңгіме құрап айтыңдар.

Тілдік бағдар.

Сөйлем ішіне қойылатын тыныс белгілер.

«Пунктуация» деген термин латын punctum -«нүкте» деген сөзінен алынған.

Сөйлем соңына қойылатын н.кте, сұрау белгісі, леп леп белгісі, көп нүкте даралаушы қызмет атқарады.

Сөйлем ішіне қойылатын үтір, қос нүкте, жақша, тырнақша, сызықша ерекшелеуші қызмет атқарады. Құрмалас сөйлемнің жігіне қойылатын үтір, қос нүкте, нүктелі үтір, үтірлі сызықша ойдың аражігін ажырату қызметін атқарады.

Жазуда тыныс белгілері үш ұстанымға сүйенеді:

Грамматикалық ұстаным

Мағыналық ұстаным

Интонациялық ұстаным

• 2-тапсырма

• 1.Мәтінді мұқият тыңдаңдар.

• Тыңдалым мәтіні

• Қиял – адам іс-әрекетінің қандай түріне болмасын қажетті үдеріс. Қиял әлеміне баулу – адамзаттың бәріне тән психологиялық үрдіс. Мәселен, жазушы өзінің шығармасына таңдайтын кейіпкерлерінің бейнесін өз қиялында жасайды, суретші салайын деген суретін ойша көз алдына келтіреді, яғни, қиялдайды, ал оқытушы сабаққа дайындалған кезде, оқушыларды қалай тыңдайтынын, олардан қалай, нені сұрайтынын, олардың қалай жауап беретіндерін елестетеді. Тәрбие жұмысын жүргізе отырып, педагог ойша белгілі бір психикалық қасиеттері бар адам бейнесін жасайды және соны оқушысынан көргісі келеді.

• Көркем шығарманы оқығанда не болмаса мазмұнын айтқанда, оқушы шығармадағы оқиғаны ойша елестетеді. Кейде оқушының сабақты түсінбеуінің себебі, мұғалімнің айтқаны мен оқулықтағы ақпаратты ойша елестете алмағанынан болады. Мектеп оқушысының шығарма жазу кезінде қиялдың рөлі зор. Біріншіден, қиял – оқушының дамуына әсер ететін бірден-бір күш. Екіншіден, қиялдың арқасында кейіпкердің тамаша образы жасалады, адам соған ұқсауға тырысады. Сондықтан да көптеген жастар мен жасөспірімдер сүйікті кітап кейіпкерлеріндей болғылары келеді.

2. Проблемалық сұрақтарға тыңдалған мәтіннен деректер келтіре отырып, дәлелді жауап беріңдер. Өз жауаптарыңды өзгенің жауабымен салыстырып, талқылаңдар.

• 1) Қиял дегенді қалай түсінесің?

• 2) Қиял әлеміне баулудың адам баласына әкелер ықпалы қалай деп ойлайсың?

• 3) Оқушының кейде сабақты түсінбеуінің себебі неде?

• 4) Шығарма жазу кезінде неліктен қиялдың ықпалы зор деп санайды?

• 10-тапсырма (оқулықтан)

• Көп нүктенің орнына тиісті тыныс белгісін қойып, сөйлемдерді жазыңдар. Тыныс белгілерінің қандай ұстанымға негізделіп қойылып тұрғанын айтыңдар.

ЕББҚ тапсырма

Берілген сөйлемдерді көшіріп, сөйлем соңына қойылатын тыныс белгілерді ата.

Ертеңіне ертемен тұрып Төстік:

– Егеуімді берші, әке! Мына жақта киік жүр екен, садағымның ұшын шығарайын деп едім, – дейді. Ерназар сасыңқырап қалып, кісесін қараған болып: – Қап, әттеген-ай, түнеугүні Сорқұдықтың басында бір талдың түбіне ат шалдырып едім, егеуің сонда түсіп қалған екен ғой, – дейді...

Үйге: 7-тапсырма

Рефлексия

«Құпия хат» әдісі

Суретті пайдаланып, қиял-ғажайыптар әлемі туралы әңгіме құрап айтады.

• Мәтінді мұқият тыңдайды. Проблемалық сұрақтарға тыңдалған мәтіннен деректер келтіре отырып, дәлелді жауап береді. Өз жауабын өзгенің жауабымен салыстырып, талқылайды.

10-тапсырма

 Мерген келіп есік алдына отырайын деп еді, бір нәрсе келіп көтеріп тастады, отырғызбай, етегінен тартқандай болып, төрдің алдына шығарды. Мергеннің есі кетіп отырды. Бір мезгілде самауыр өзі келіп, дастарқан өзі жайылып, неше түрлі жемістер салынып, шай құйылды екі шыныға. Бір шыныны мерген ішті, бір шыны өзі құйылып, ішіліп тұрды. Мұнан соң бір күміс шараменен қымыз келді, ожауы алтын. Өзі сапырылып, алтын аяққа құйылып тұрды. Мерген ішті, бір мезгілде мерген: «Тойдым!», – деді, қымыз көтеріліп кетті де, бір табақ қазы-қарта келді. 

Талқылау кезінде оқушылардың айтылған пікірлері мен көзқарастары ауызша

мадақтау арқылы бағаланып, сабақтың келесі кезеңінде белсенді қатысуына ынталандырады

Жарайсың!

Керемет шешім!
Ойлы шешім!

Мұндай ойлы пікірлерді ешқашан естімеппін!

Жетон арқылы бағалау

Дескриптор

Білім алушы

-мәтін бойынша сұрақтарға жауап береді – 2 балл;

- мәтіндегі көтерілген мәселені өмірмен байланыстыра

ды – 2 балл;

- өз көзқарасын дәлелдеу үшін қорытынды шығарады – 2 балл..

Дескриптор

Білім алушы

-тыныс белгілерін қяды – 2 балл,

- тыныс белгілерінің қандай ұстанымға негізделгенін түсіндіреді – 2 балл.

7-сынып

«Атамұра» баспасы

2024 жыл

Қалыптас

тырушы бағалауға арналған

тапсырма

лар жинағы

7-сынып

ОҚЫТУДАҒЫ ЖАҢА ӘДІС-ТӘСІЛДЕР ҚОРЖЫНЫНАН ЕСБОСЫН НАҒИША ҚОЖАҚ

ҚЫЗЫ

Оқулық

7-сынып

«Атамұра» баспасы

2024 жыл