Қазақ тілі "Сөйлем мүшелерінің байланысы" 3 сынып

Жалпы мақсаттар

1.Сөйлем мүшелерінің байланысын түсіндіру, іс жүзінде меңгерту.

2.Оқушылардың ойлау қабілеттерін, сөздік қорлары молайту,

мәнерлеп сөйлеуге, көркем жазуға дағдыландыру.

3.Үлкендерді сыйлауға, өз тілін құрметтеуге тәрбиелеу.

Сабақтың түрі: қайталау сабағы

Әдісі: сұрақ-жауап, талдау, өзіндік.

Көрнекілігі: кесте, суреттер, сызбалар.

Сілтеме

Қазақ тілі оқулығының әдістемесі

Мұғалімнің іс-әрекеті

Оқушының іс-әрекеті

Ынтымақтастық атмосферасы

Біз балдырған баламыз,

Құстай қанат қағамыз.

Дүниені аралап,

Оқып, білім аламыз.

Мұғаліммен бірге бүгінгі сабаққа сәттілік тілейді.

Мақсат қою

Тақырыбы мен мақсатын хабарлау.

Үй тапсырмасын сұрау

-Дәптерлерін аралап тексеру.

«Ыстық орындық» әдісі арқылы өткен сабақтар бойынша сұрақтарға жауап беру;

Оқушылар талдайды, сұрақтар қояды.

Қызығушылықты ояту

«Кім жылдам?» ойыны.

Сызба арқылы сөйлем құрастыру; сөздерге сұрақтар қою.

Сабаққа қызығушылықтары оянады.

Мағынаны тану

Дәптермен жұмыс. Күн ретін жазу.

Тақтаға сөйлем ілінеді: - Біз кеше достарымызбен театрға бардық.

Тапсырма: тұрлаулы және тұрлаусыз мүшелерін тауып, сөйлем мүшелерінің байланысын сызбамен көрсетіңдер. ( өз бетінше жұмыс)

Оқулықпен жұмыс.

1-жаттығу: Өлеңді мәнерлеп оқы. Сөйлем мүшелеріне талдау.

2-жаттығу: Сөйлемдерді көшіріп жаз. Сөйлем мүшелерінің байланысын сызбамен көрсет.

3-жаттығу: Көп нүктенің орнына тиісті сөздерді қойып, көшіріп жаз. Сол сөздердің қай сөзбен байланысатынын айт.

5-жаттығу: Көшіріп жазу. Сұрақтар қою

Сергіту сәті

Қоян шықты далаға

Жан-жағына қарады

Отырды, тұрды, секірді,

Орнына келіп отырды.

Оқушылар сергіп алады.

Ой толғаныс

Оқушылар отырған орындары бойынша 4 адамнан шағын топтар құрады.

«Дөңгелек үстел» стратегиясы.

Әр топқа тек қана бастауыш пен баяндауыштан тұратын сөйлемдер беріледі. Осы сөйлемдерге әр оқушы бір сөзден қосады. Қосылған сөздердің бір-бірімен байланысты болуын қадағалау керек. Сосын жұмыс топтары өздері құраған сөйлемдерді оқиды, талдайды.

1-топ: Балалар келеді.

2-топ: Құстар ұшады.

3-топ: Әжем келді.

4-топ: Айжан орындады.

5-топ: Арман ойнады.

Үй тапсырмасы

4-жаттығу, 87-бетте

Күнделіктеріне жазады

Бағалау

Бағалау парақшаларын толтырады.