Махамбет Өтемісов атындағы Батыс Қазақстан университеті

Филология факультеті

“Қазақ филологиясы”кафедрасы

Рецензия

6-сыныпқа арналған қазақ тілі оқулығы

Орындаған : ҚТӘ-31 тобының студенті Маратова Раушан Серікқызы

Тексерген: п.ғ.д.,профессор Қыдыршаев Абат Сатыбайұлы

Орал,2022

Оқулық атауы: Қазақ тілі

Авторлары: Т.Н.Ермекова, Ж.К.Отарбекова, Г.Б.Тоқтыбаева

Оқыту тілі: Қазақ

Сыныбы:6

Баспа: Астана- “Арман-ПВ”, 2018

І.Нормативтік бағалау

Оқулық оқу бағдарламасына сәйкес.

ІІ. Оқулықтың мазмұндық жағы, жалпы құрылымы

Оқулық негізгі орта білім беру деңгейінің 6-сыныбына арналған “Қазақ тілі” пәнінен жаңартылған мазмұндағы үлгілік оқу бағдарламасы бойынша жазылған. Оқулықта оқушылардың, дүниетанымын кеңейтіп, алған білімдерін өмірде қолдана білуге машықтандыратын, сонымен бірге қосымша ізденісті, қазіргі ақпараттық технологияның кең мүмкіндіктерін пайдалануды, шығармашылықпен жұмыс жасауды қажет ететін тапсырмалар қамтылған.

ІІІ. Оқулық мәтіні, тақырыптарға бөлінуі

Оқулықта еліміздің көрікті жерлері, өзен-көлдері, елордасы туралы, қазақ халқының әдет-ғұрыптары мен салт-дәстүрлері, Наурыз мерекесі, ұлттық және отбасылық құндылықтар, тарихи тұлғалар, белгілі спорт жұлдыздары жайында, сондай-ақ әлемнің жеті кереметі, әлемдегі ірі кітапханалар, ғылым мен технология жетістіктері туралы қызықты деректермен таныса отырып, оқушының ой-өрістерінің дамуына, білімдерін кеңейтуге арналған тапсырмалар берілген. Сондай-ақ, әр сабақ сайын жаңа сөздермен, көнерген сөздермен, терминдермен, кәсіби сөздермен таныс болады. Осы тақырыптар аясында ауызекі, ресми-іскерлік диалог құруға, пікір, эссе, сұхбат, іс-қағаздарды жазуға, баяндама жасауға, көпшілік алдында сөйлеуге, сауатты жазуға дағдылануға мол мүмкіндік бар.

Термин сөздерге окулық соңында түсінік(глоссарий) берілген.

ІV. Өмірмен сәйкестілігі

Берілген тапсырмалар өмірде кездесетін мысалдар арқылы жеткізілген.Өмірмен сәйкестік бар.

V. Тапсырмалардың күрделілігі, жас ерекшеліктеріне сәйкестілігі

Қазақ тілі оқулығындағы берілген тапсырмалар оқушылардың жас ерекшеліктеріне сәйкес. Тапсырмалар тым күрделі емес. Жаттығулары орындауға оңай. Оқушылар еркін, өз беттерімен жұмыстана алады. 

Жақсы оқитын оқушылар үшін деңгейлік тапсырманы орындау қиындық келтірмейді. 15-20 минутта орындап тастауына болады. Сондықтан деңгейі жоғары, оқушыны ойландыратын күрделі тапсырмалар берілуі дұрыс деп есептеймін. 

VI.Мәтін тілі және стилі

Берілген тапсырмалардың мазмұны, мәтін стилі анық әрі бұл бағдарламаны меңгеріп отырған оқушылар үшін түсінікті. Оқушылар тапсырма мазмұнын оқи отырып, оны лезде орындауға кірісе алады. 

VII. Баспа қателерінің болуы

Оқулықта өрескел қателер жоқ.

VIII. Түптелуі

Оқулық мұқабасы жұмсақ. Түптелуі талапқа сай. Қағазы сапалы, жазу келесі беттен көрінбейді.

IX. Шрифт, безендірілуі

Шрифт өлшемдеріне оқушылар тарапынан ешқандай қарсы пікір болмаған.Талапқа сай, жолдар арасындағы арақашықтық сақталған.

X.Оқулық бойынша ұсыныстар:

 1. Берілген 6-сынып оқулығына деңгейлік тапсырмаларды көптеп енгізсе және ол оқушының шама-шарқына сай, алдағы уақытта пайдаға асатындай болса; 

 2. Еркін тақырыптар аясында жағдаяттар беріліп, өмірмен сабақтастығы одан әрі дамыса;