Қазақ тілінен қосымша жаттығу тапсырмалары. 4 сынып.

Салауатты өмір салты.

1.Мәтінді түсініп оқып, кестені толтыр.

Д енсаулық адам өміріндегі ең асыл дүние. Оны сақтап, күту әр адамның өзіне байланысты. Әрқашанда адамдар салауатты өмір салтын қалыптастыру керек. Салауатты өмір салтына дене шынықтыру, спорт, табиғатта серуен, таза ауада жүру жатады. Ол үшін әрқайсымыз дене тәрбиесімен айналысамыз, дұрыс тамақтанамыз, жат әрекеттерден аулақ боламыз.

Етістік	Зат есім	Сын есім	Есімдік

2. Сөз тіркестеріндегі көп нүктенің орнына тиісті сөз таптарын қойып жаз.

Адам өміріндегі ең қымбат дүние ... . ...адамдар салауатты өмір салтын қалыптастыру керек. ... – зор байлық. Денсаулық жақсы болу үшін спортпен .... . Тазалық пен санитария шараларын ...

3.Берілген тірек сөздер бойынша шағын мәтін жаз.

Дұрыс тамақтану, салауатты өмір салты, қалыптастыру, дене тәрбиесі, тазалық шараларын сақтау, жақсы болу үшін, денсаулық.

4. Бұрыс жазылған сөйлемдерді дұрыс сөйлемдерге айналдыр.

Таза жаттығу пайдалы денсаулыққа ауада өте. Денсаулық – ең сыйы табиғаттың қымбат. Жақсартады айналысу денсаулықты спорпен. Үшін зиянды аулақ салауатты қалыптастыру өмір әрекеттерден боламыз салтын.

5. Жоғары көрсетілген сөз таптарының сұрақтарын пайдалана отырып, сұраулы сөйлемдер құрастыр.

6. Денсаулық туралы қорытынды жаса.

Қандай аргументтердің көмегімен өз жауабын негіздейсің?

Аргументтер---------------------------------------------------

2 сабақ

Денсаулық – табылмас байлық.

«Дені саудың – жаны сау» дейді қазақ мақалы. Денсаулықты сатып ала алмайсың. Оны тек өзіңнің тынымсыз еңбегің арқылы ғана табасың. Тек табанды еңбек арқасында қайратты боласың, ұзақ жасайсың, сарқылмас денсаулықтың қызығын көресің. Ауру, шаршау дегенді атымен білмеймін. Суға шомылғанды жақсы көремін. Билегенді өте ұнатамын.

1. Мәтіннің негізгі мазмұны бойынша бірнеше сұрақ құрастыр.

2. Сөздерге тиісті қосымшаны жалға.

Сіз денсаулықты сатып ала алмай ды

Мұрат еңбек арқасында қайратты бола мыз

Сен ауру дегенді білмей сыз

Біз билегенді ұната сің

3. Төмендегі сөйлемдердің дұрыс-бұрысын тексер.

Дені сау адам ұзақ жасайды. Денсаулықты сатып алуға болмайды. Ауру адамның денсаулығы қайратты. Салауатты өмір сүрген адамның денсаулығы өте нашар. Денсаулық – зор байлық емес.

4. . «Кім жылдам?» ойыны. Бір оқушы мәтіннен етістікті тауып айтады, ал екінші оқушы сол сөзден етістіктің шағын жасайды, ал үшінші оқушы сол сөзден сөйлем құрайды.

5. Мақал- мәтелдерден есімдіктерді тап.

Өзі тазаға бәрі таза. Дені сауға бәрі сау. Ешкім екі рет жас болмас. Біреуді төсек жазады, біреу жатқаннан азады. Өзіне жаны ашымағанның өзгеге жаны ашымайды. Әр күннің өз таңы бар, әр таңның өз қамы бар.

6 . Егер менің денім сау болсын десем, не істеуім керек? Сұрағына жауап бере отырып, пайымдау мәтінін құрастыр. Өзіңнің жазғаның мен досың жазған мәтінді салыстыр. Олардың ұқсастығы мен өзгешелігін ажырат.