«Қазақ ұлттық нақыштағы боямақтар»

(Мақала авторы: Байтерекова Шолпан Искаковна)

Боямақ (раскраски) – бұл балаларға да ересектерге де арналған қызықты уақыт өткізу, ой-сананың және шығармашылық қабілетті дамыту түрінің бірі. Боямақ арқылы адамның түстік ерекшелік пен үйлесімділік қабілетке және логикалық қабілетке де жол ашылады. Қазіргі таңда боямақтың түрлері өте көп. Орыс және басқа да шетел ертегілеріне, кез келген сұранысқа байланысты бейнелер ғаламтордан алуға болады. Ал өзіміздің қазақ ұлттық нақыштағы боямақтар кемде-кем. Өсіп келе жатқан жас ұлпаққа ұлттық тәлім-тәрбие беру, елімізге рухани ой-сананы қалыптастыру мақсатында «Қазақ ұлттық нақыштағы боямақтардың» пайдасы көп деп ойлаймын. «Қазақ ұлттық нақыштағы боямақтар» атты шығармашылық тақырыбын негізге ала отырып, ұлттық нақышта түрлі суреттерін зерттей келе, әртүрлі тақырыптарға арнап боямақ суреттерін салып орындаудамын.

Алғашқы тақырыбым «Қазақ халқының ұлттық ыдыс-аяқтары».

Ертеден келе жатқан қазақ шеберлерінің қолөнер бұйымдарының бірі ыдыс-ақтардың өзіндік ерекшеліктері бар. Қазақтың ұлттық ыдыс-ақтары өте көп және жасалу материалдары да әр түрлі. Ағаштан, қыштан, жылқы мен ешкі терісінен, алтын мен күмістен, болат пен шойын сияқты түрлі металдардан ыдыстарды денсаулыққа зиянсыз материалдардан жасаған. Шеберлер әр түрлі материалдардан жасалған ыдыстарды әр түрлі пішінде (формада) жасайды, ою-өрнектермен көркем безендіреді. Осындай керемет ою-өрнекті ыдыстарымызды өсіп келе жатқан жас ұрпақтарға меңгертудің бірден-бір жолы ол – қазақтың ұлттық нақыштағы боямақтары. Балалар боямақтарды бояу арқылы ұлттық ыдыстарды біліп тани бастайды.