Қазақ тілі мерекесі

«Қазақшаң қалай,балақай?»

( «Рябинушка» ересек орыс тобында)

Мақсаты: өзге ұлт өкілдерінің балалары мемлекеттік тілді құрметтеуге,қазақ тілде сөйлеуге үйрету.

1 жүргізуші: армысыздар,құрметті қонақтар! 22 қыркүйек –Тілдер күні мерекесіне қош келдіңіздер!

2 жүргізуші: Қош келдіңіздер,ата-аналар,тәрбиешілер мен балалар! Сіздерді тілдер күні мерекесімен шын жүректен құттықтаймыз!

1 жүргізуші: Ана тілім- балашағым,өркенім

Ана тілім – болашағым,ертеңім

Шат-шадымнан күлмесем ем.

Жер бетінде сайраңдап,

Қазақ болып жүрмес ем.

2 жүргізуші: Ана тілім менің

Әлдилеген әнім.

Ана тілім- демім,

Ана тілім- жаным.

Жанымнан да қымбат

Ана тілім маған.

1 жүргізуші:Біздің сайысымызды ашық деп жариялауға рұқсат етіңіз.

( әнұран ойналады)

2 жүргізуші: Сайысқа қатысатын балаларды ортаға шақырайық.

1.Жерентаева Сабина

2.Әжигали Әли

3.Боярова Вика

4.Нагаец Настя

5.Беркина Аэлина

6.Губаш Хасан

7.Ординян Армине

8.Шалтыков Амир

9.Якубаев Малик

Әділқазылар мүшелері:

Меңгеруші К.А.Бахтиярова,әдіскерлер Т.И.Сараева,Г.Т.Сартаева

1 жүргізуші:Біздің сайысымыз 4 турдан тұрады:1 кезең- Таныстыру,

2 кезең- Тақпақты мәнерлеп жатқа айту.3 кезең- Сұрақтарға жауап беру,4 кезең- Суреттегі сөздерді қазақша айту.

1.Таныстыру.Балалар өз туралы баяндап береді.

2.Мәнерлеп айту.

Сабина

Тақпақ айтам-жаттап ал,

Көкейіңе сақтап ал!

Туған тілім- айбарым,

Одан ыстық жоқ маған.

Туған жердің төсінде,

Гүлдей жайнап өсемін.

Ата- анамды қуіантып,

Биіктерге жетемін.

Әли

Туған жерде толамыз,

Ертең жігіт боламыз

Отан –ортақ үйіміз

Көңілді ән мен күйіміз.

Вика

Ана тілім –ұраным,

Ана тілім-құралым,

Ана тілім болмаса

Мықты болмас тұрағым.

Настя

Ана тілін біліп қой

Еркіндігің,теңдігің

Ана тілін біліп қой

Мақтанашың, теңдігің

Ана тілің –арың бұл

Ұятың боп тұр бетте

Өзге тілдің бәрін біл

Өз тіліңді құрметте.

Аэлина

Мейірі мол балаға

Барлық,барлық анаға.

Басымызды иеміз,

Бабамыздың тілі деп.

Даламыздың үні деп,

Ана тілін,

Ана тілін,

Ана тілін сүйеміз.

Армине

Отан-сенің ата-анаң,

Отан- досың,бауырың ,

Отан – өлкең, астанаң ,

Отан –аудан,ауылың.

Отан- тарих, Отан- тіл,

Жасаған елің , ер халқың.

Отан- өлең , Отан- жыр,

Көтерген көкке ел даңқың...

Малик

Отан-атам,Отан-әкем,

Осы сөзім қате ме екен?

Қате болса,неге біздер

Дейміз оны атамекен?

Отан-әжем,Отан-анам,

Құшақ жайған қатар маған

Туған жер деп

Ол бекерге аталмаған

3 кезең.Сұрақтарға жауап беру.Балалар өзіне ұнаған ұяшықты таңдап,қойылған сұраққа қазақша жауап береді.

1) Біздің отанымыз қалай аталады? (Қазақстан)

2) Қазақстан Республикасының рәміздері ( ту,елтаңба,әнұран)

3)Біздің елбасымыз кім?

4) Біздің астанамыз қай қала? (Астана)

5)Қазақстан Республикасының мемлекеттік тілі (қазақ тілі)

6)Отбасы мүшелерін ата.( ата,әже,әке,ана т.б.)

7) Сен қай қалада тұрасың? (Ақсайда)

8) Сен неше жастасың? ( 5 жастамын)

4 кезең.Суреттегі сөздерді қазақша атап беру керек.Әр қатысушыға 5 сурет көрсетіледі.

1. Май,көктем,қол,терезе,қоян

2. Ит,піл,үй,орамжапырақ

3. Әже,ешкі,гүл,аяқ,күз

4. \сиыр,қыс,нан,мұрын,алма

5. Ата,мысық,алмұрт,есік,аю

6. Қыз,кірпі,доп,жаңбыр,ауыз

7. Ат,түлкі,әтеш,орындық,ағаш

8. Қуыршық,тіс,шошқа,жаз,жұмыртқа

5 кезең.Қорытындылау.Марапаттау.

-Қорытынды сөз әділқазылар мүшелеріне беріледі.