Қазақшаңыз қалай?

КЕЛІСІЛДІ Колледж әдіскері

___________ Ш.Б.Абишова

«_____»_____________2019 ж.

БЕКІТЕМІН

Директордың ОЖЖО

___________ Ш.Е.Жабыкбаева

«____»__________2019 ж.

Сабақтыңмақсаты

Білімділік:

Білім алушыларды қазақ тілінде ауызекі тілде еркін сөйлеуге үйрету; қазақша байланыстырып сөйлеу дағдыларын қалыптастыру; сұрақтарға тез, дұрыс жауап беруді меңгерту.

Дамытушылық:

Оқушылардың логикалық ойлау қабілеттерін,ауызша,жазбаша сөздік қорларын дамыту; монологты сөйлеу шеберліктерін жетілдіру.

Тәрбиелік:

Өзге ұлт өкілдерінің мемлекеттік тілге деген құштарлығын арттыру; отаншылыққа, ана тілімізді оқып үйренуге деген құрмет сезіміне тәрбиелеу.

БАРЫСЫ:

І. Ұйымдастыру кезеңі.

1. Сайысқа қатысушыларды шақыру.

2. Әділқазылар алқасын сайлау.

3. Сайыстың мақсатымен таныстыру.

ІІ. Сайыстың кезеңдері:

1. «Кел, танысайық».

2. «Ұлттық құндылықтар-рухани жаңғыру негізі».

3. «Кім көп сөз біледі».

4. «Туған жердің көрікті жерлері».

5. «Мәнерлеп оқу сайысы».

1 - жүргізуші:

• Қайырлы күн! Құрметті ұстаздар мен білім алушылар және бүгінгі сайысымыздың қонақтары! «Ұлы даланың жеті қыры: білімді ұрпақ кепілі» онкүндік аясында ұйымдастырылған «Қазақшаңыз қалай?» атты танымдық сайыс сабағымызға қош келдіңіздер!

Әрбір тілде сөйле әлемді таң қылып,
Қазақ тілін білмеу қандай заңдылық.
Өсер балаң, байтақ далаң тұрғанда,
Қазақ тілі жасау керек деген мәңгілік.

Тіл сайысын өткізудегі мақсатымыз - басқа ұлт өкілдерінің мемлекеттік тілге құрметпен қарауын, сонымен қатар, өзара ынтымақтастықта жұмыс жасай алуға үйрету. Қадір Мырза Әлі айтқандай, ұлы қазақ даласында 130-дан астам басқа ұлт өкілдері бір шаңырақтың астында татулықта, сыйластықта өмір сүріп жатқаны бәрімізге мәлім. Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезіну қажет. Осындай мақсатпен өткізгелі отырған өзге ұлт өкілдері арасындағы «Қазақшаңыз қалай?» атты танымдық сайыс сабағымызды бастаймыз.

1 - жүргізуші:

Ана тілім арқалы, асқаралы,

Сенен әр кез жаңа жыр басталады.

Туған ұлттың қасиетін бойға жиған,

Ойлы жастар өзіңнен от алады –отырып, сайысымыздың басты қаһармандары- қатысушыларымызды ортаға шақырайық.Сайысқа қатысушылар ортаға шығып, өз нөмерлерін таңдайды. Көпшілікке таныстырылады.

І – жүргізуші

Қазылар орнықтырар әділдікті
Кімдердің жауаптары кәміл шықты.
Білім мен тапқырлықтың жарысында
Жеңіске жетер дейміз нағыз мықты,-дей отырып әділқазы мүшелерін таныстырайық:

1. _______________________________________________

2. _______________________________________________

3. _______________________________________________

І – жүргізуші

Енді сайыста берілетін тапсырмалармен таныс болайық.

1.«Кел, танысайық» - өздерін таныстырады.

2. «Ұлттық құндылықтар-рухани жаңғыру негізі» - қазақтың салт-дәстүріне байланысты сұрақтарға жауап беру.

3. «Кім көп сөз біледі» - берілген сөзбен сөздер құрастырады.

4.«Туған жердің көрікті жерлері» - экранда көрсетілген жерді табу және тарихына тоқталу.

5.Мәнерлеп оқу сайысы – өзінің таңдауы бойынша өлеңді жатқа оқу.

Әр кезең бес баллдық жүйемен есептелінеді.

І – жүргізуші

• Сайысымызды бастайық, қатысушыларымыздың қазақшасы қалай екенін көрейік.Ал, іске сәт!

• Бірінші кезең «Кел, танысайық» - қатысушылар өздерін таныстырады. Ортаға № 1-ші қатысушыны шақырамыз.

№ 2 ____________________________

№ 3 ____________________________

№ 4 ____________________________

№ 5 ____________________________

№ 6 ____________________________

Құрметті әділ қазылар алқасы 1- кезеңнің бағасын берсеңіздер.

І – жүргізуші

Тауды биік деме сен,

Талаптансаң шығарсың.

Жауды мықты деме сен,

Білімді болсаң жығарсың– дегендей cайысымыздың «Ұлттық құндылықтар-рухани жаңғыру негізі» деп аталатын екінші кезеңін бастаймыз. Екінші кезеңде қатысушылырымыздың білімдерін сынап көреміз. Әрбір қатысушыға қазақ халқының әдет-ғұрып, салт-дәстүрлеріне байланысты сұрақтар қойылады. Сұрақтарды өздері таңдап алады:

1. Қазақтың ұлттық ойындарын ата.

(Алтыбақан, ақсүйек, асық, тоғызқұмалақ, арқан тарту, қыз қуу, бәйге.)

2. Қазақтың ұлттық тағамдарын атаңыз:

(Бауырсақ, қазы-қарта, құрт, сүзбе, айран, қымыз, шұбат, наурыз көже, бесбармақ.)

3. Қазақ халқының салт – дәстүрлерi.

(шiлдехана, бесiк той, тұсау кесер тойы, сүндет той, құда түсу тойы, сырға салу, беташар)

4. Бес қаруды атаңыз (қылыш, айбалта, найза, шоқпар, садақ).

5. Қазақтың ұлттық аспаптарын ата. (домбыра, сырнай, сыбызғы, қобыз, жетіген, сазсырнай, адырна, қылқобыз).

6. Қазақтың ұлттық киімдерін атаңыз. (сәукеле, кимешек, шапан, тон, камзол, ішік, шекпен, тымақ).

Құрметті әділ қазылар алқасы 2- кезеңнің бағасын берсеңіздер.

І – жүргізуші

Бойларыңда  от  бар екен байқадым,

Жүректерде  шоқ  бар екен байқадым.

Әрқашанда  осы  шоқты  өшірмей

Жалындатып  шарықтаңдар  әрдайым.

Келесі кезеңіміз «Кім көп сөз біледі?» деп аталады. Сайыстың шарты: берілген бір сөздегі әріптермен әртүрлі сөздер құрастыру. Сіздерге берілетін уақыт 1 минут.

(күй ойнап тұрады). Жазғандарыңды оқисыңдар, содан кейін  әділқазыларға

бересіңдер.

Берілетін сөздер: қазақстандық, шығармашылық, алдараспан, дүниежүзілік, Талдықорған, тоғызқұмалақ.

Жүргізуші:

• Құрметті сайыскерлер, уақыттарыңыз бітті. Қаламдарыңызды қойыңыздар. Ортаға шығып жұмыстарыңызды қорғаңыздар. Ортаға № 1 қатысушыны шақырамыз.

• Құрметті әділ қазылар алқасы 3 - кезеңнің бағасын берсеңіздер.

Жүргізуші:

4- кезең «Туған жердің көрікті жерлері» - экранда көрсетілген жерді табу және тарихына тоқталу. Қатысушыларға рет-ретімен слайдтан суреттер көрсетіледі: Бурабай, Астана, Шарын шатқалы, Медеу мұз айдыны, Алакөл, Айғайқұм.

• Құрметті әділ қазылар алқасы 4 - кезеңнің бағасын берсеңіздер.

Жүргізуші:

• Сайысымыздың соңғы кезеңі мәнерлеп оқу сайысы – өзінің таңдауы бойынша өлеңді жатқа оқу.

Жүргізуші:

• Осымен бүгінгі сайыс сабағымыз да өз мәресіне жетті. Әділқазылар алқасы кеңесіп, байқау нәтижесін шығарғанша біз  сіздермен ойын айнаймыз.

• Әділқазылар алқасы сөз алады. Сайыстың қорытындысын шығарады.

Қорытындылау.

Ерлік, елдік, бірлік, қайрат, бақ, ардың

Жауыз тағдыр жойды бәрін не бардың..

Алтын күннен бағасыз бір белгі боп,

Нұрлы жұлдыз, бабам тілі, сен қалдың! - деп

Мағжан атамыз жырлағандай, қазақ тілінің мәртебесі күннен-күнге арта берсін деп бүгінгі сайысымызды аяқтаймыз. Зейін қойып тыңдағандарыңызға көп-көп рахмет!

Оқытушы: А.Ж.Жанатова