Географиялық кештің тақырыбы: «Қазақстан әлеміне саяхат»

Сыныбы: 9

а) Бұл кешті өткізе отырып оқушылардың география пәнінен алған білімдерін сынау.Балаларға тәуелсіздік туралы түсіндіру.Қазақстан Республикасының басты жетістіктерімен таныстыру,патриоттық,отаншылдық сезімін ояту,елін,жерін,құреттеуге тәрбиелеу.

Оқушылармен амандасып кештің ұйымдастыру кезеңімен таныстыру.

1.Оқушылар келіп, 2 топқа бөлінеді.1 -топ Бейбітшілік. 2-топ Тәуелсіздік

2. Құрылған 2 топ өздерінің топтарының атын таныстырып өтеді.І

Кіріспе бөлім: Барысы: Мұғалім сөзі: Қайырлы күн,құрметті ұстаздар мен оқушылар! «Қазақстан әлеміне саяхат» атты кешімізге қош келдіңіздер! Биыл үлкен мереке.Тәуелсіздік алғанымызға 27 жыл толды.Тәуелсіздік біздің ең басты бақытымыз.1991жылы 16 желтоқсан-тарихтағы ұлы күн.Бұл күн Қазақстан өзінің тәуелсіздігін жариялады.Тәуелсіздіктің қалыптасу жылдарында Қазақстан Республикасы көптеген жетістіктерге жетті және еркіндік,бірлік,тұрақтылық,гүлдену сияқты негізгі құндылықтары қалыптасты.Азаттық қазақ халқының ежелгі арманы еді.Азаттық үшін күресте талай қиындықты бастан кешірді. Олай болса оқушылар күрделі де, қызықты география пәнінен алған білімдеріңізді тәуелсіздігіміздің 27 жылдығына орай ұйымдастырылып отырған кешімізде білімдеріңізді сынаққа салып, күш сынасасыздар.

Ендеше бүгінгі «Қазақстан әлеміне саяхат» атты географиялық кешіміз 5 кезеңнен тұрады.

1 тур. Тәуелсіздік шежіресі

2 тур. Шарықтау.Суреттер сыр шертеді.

3 тур. Карталар әлеміне саяхат

4 тур. Тапқыр болсаң, тауып көр.

5 тур. Әлем халықтарының биі.

Әр тур сайын уақыт беріледі, әрине жылдамдық талап етіледі. Алдарыңыздағы жалаушаларды көріп тұрсыздар тапсырма оқылғаннан кейін жауаптарыңыз дайын болса дереу алдарыңыздағы жалаушаны көтеруге тиіссіздер. Егер жауап дұрыс болмаса 2-ші топ өз жалаушасын көтеріп жауапты түзетуіне болады.

Сонымен 1 тур – Тәуелсіздік шежіресі .Әрбір оқылған сұрақтың дұрыс жауабын өзіме белгілеп кешіміздің соңында айтатын болам.

1.ҚР - ның жер көлемі қанша? (2млн 724, 9 мың шақырым)

2.Қазақстанның тәуелсіздігін алғаш таныған мемлекет? (Түркия)

3.ҚР – шекарасының жалпы ұзындығы қанша шақырым? (15 мың шақырым)

4.ҚР - да ұлттық валюта – теңге қашан айналымға енген еді? (1993ж. 15 қараша)

5.1991 жылы 21 желтоқсанда қандай оқиға болды. (ТМД мүше болды)

6.Қазіргі ҚР әнұранының авторлары? (Нажимидинов, Назарбаев, Қалдаяқов)

7. Қазақстан БҰҰ на қай жылы мүше болды. (1992 жылы 2 наурыз)

8. Қазақстан Республикасының жаңа Ата Заңы қабылданды. (1995 жылы 30 тамызда)

9. Ата заң бойынша мемлекет басшысы және ең жоғарғы лауазым иесі. (Президент)

10. Әкімшілік территориялық құрылымы. (Унитарлы)

11.Мемлекеттік рәміздер бекітілді (1992ж 4 маусым)

12. Қазақстанның Президенті Н. Ә. Назарбаев қашан сайланды? (1991 жылы 1 желтоқсанда.)

2 тур Шарықтау. Суреттер сыр шертеді

Оқушылар тақтада тұрған суреттерге талдау жасап өз ойларын ортаға салады

3 тур Карталар әлеміне саяхат.

Екі топ бір-біріне мемлекеттерді жасырып сұрақтар қояды, яғни астаналарын картадан тауып көрсетеді. Әр топ 5 сұрақтан қояды.

4 тур «Тапқыр болсаң, тауып көр» .Конверттің ішіндегі берілген координаталарды тауып картадан нысанды көрсету.

1. Тәуелсіздік тобына келген хат

52⁰с.е. 72⁰ ш.б. аралығында Халықаралық форум өткелі жатыр. Бұл қай жер.

Ж) Астана

2. Бейбітшілік тобына келген хат

39⁰ с.е. 33⁰ш.б. саяхатта жүрмін. Бұл қай жер.

Ж) Анкара

5 тур Әлем халықтарының биі. Бұл кезеңде жребий тасталады. Сол арқылы екі топтан екі оқушы қағазда жазылған биді билеп береді.

Өзбек биі

Үнді биі

Сондықтан басты құндылығымыз-Тәуелсіздігіміз!Сол үшін де бүгінгі жас ұрпақ Тәуелсіздігімізді ардақ тұтып,қадірлей білгені абзал.Бүгінгі Қазақстан Республикасының Тәуелсіздік күніне арналған. «Қазақстан әлеміне саяхат» атты кешімізді осымен аяқтаймыз.

Қорытынды: Хор «Жаса Қазағым»