Қазақстан азамат соғысы мен шетел интервенциясы жылдарында

«№2Ақсуат орта мектебі» КММ

Ашық сабақ жоспары

11 – сынып

Тақырыбы: Қазақстан азамат соғысы мен шетел интервенциясы жылдарында

Пән мұғалімі: С. Сырлыбаев

2017 – 2018 оқу жылы

Күні: 29.11.2017 жыл

Сабақтың тақырыбы: Қазақстан азамат соғысы мен шетел интервенциясы жылдарында

Сабақтың мақсаты:

Білімдік: Азамат соғысының Қазақстан аумағындағы соғыс қимылдары, салдары және сол жылдары (1918-1920 жж) жүргізілген экономикалық саясат туралы білім беру;

Дамытушылық: ХХ ғасыр басындағы тарихи оқиғалар туралы көзқарас қалыптастыру, өткен тарихи оқиғалармен салыстыра білу дағдыларын жетілдіру, дербес ойлау, пікір білдіру машықтарын дамыту;

Тәрбиелік: Өткен тарихқа құрметпен қарауға, ұлттық қасиеттерді, ерекшеліктерді силауға, әр істе әділ болуға тәрбиелеу.

Сабақ түрі: Аралас сабақ

Әдісі: топтық жұмыс

Көрнекілігі: слайд, фломастерлер, кубик

Сабақтың барысы

І. Ұйымдастыру.

Оқушылармен амандасып, түгендеу

Шаттық шеңбері

Топқа бөлу: Мақал-мәтелдер арқылы топқа бөлу.

І-топ: Білекті бірді жығады

Білімді мыңды жығады

ІІ-топ: Білім басы – бейнет,

Соңы – зейнет

Топ басшысын сайлау,

Топ ережесін беру: 1. Топта бірін-бірі тыңдау,

2. Әркімнің пікірі құнды,

3. Білмеген сұрақтарына көмектесу

ІІ. Үй тапсырмасын сұрау.

«Кубик» стратегиясы арқырлы үй тапсырмасын сұраймын.

Кубиктің әр қабырғасын нөмірлеймін, әрбір нөмір бір сұрақ болады. Екі топқа жеке-жеке сұрақтар қоямын.

І – топқа.

1. Алашорда үкіметі қай жылы құрылды?

2. Алашорда үкіметінің төрағасы кім?

3. Алашорданың қазақ тарихындағы алар орны, маңызы қандай?

4. Алаш партиясы бағдарламасы неше бөлімнен тұрды?

5. ІІ Жалпықазақ съезі қашан және қай қалада болды?

6. Алаш үкіметінің құрылуында «Қазақ» газеті қандай қызмет атқарды?

ІІ – топқа.

1. Алашорда үкіметі мүшелерінің саны?

2. Алашорданың уақытша орналасқан жері?

3. ХХ ғасыр басындағы тарихи оқиғаларды Алаш үкіметімен байланыстыр.

4. «Оян, қазақ!», «Маса» өлеңдерінің авторлары кім және ол өлеңдердің тақырыбы неліктен осылай аталды?

5. Алашорда үкіметі мүшелерінің саны?

6. Алаш қозғалысының белсенді қайраткерлерін ата?

Үй тапсырмасын қорытындылау. Алашорда үкіметінің мақсаты мен тәуелсіз Қазақстан мемлекетінің мақсатында қандай ортақ белгілер бар?

ІІІ. Жаңа сабақ.

Алашордашылар мен ақ гвардияшылардың билік үшін тартысы кімдерге қарсы бағытталды? деген сұрақпен байланыс жасай отырып жаңа сабақты бастаймын. Яғни бастапқыда Алашордашылар, ақгвардияшылар бір топта болып большевиктерге қарсы «Азамат соғысын бастаған» еді.

Күні: 29.11.2016 жыл.

Жаңа тақырып: Қазақстан азамат соғысы мен шетел интервенциясы жылдарында

«Жигсо» стратегиясы бойынша мәтін талдау

Оқушылардың өздеріне мақсат қойдыру.

«Өкіл» ойыны стратегиясы арқылы топ мүшелерінің сабаққа белсенді қатысуын жүзеге асыру.

ІV. Сабақты бекіту.

1. Сонымен, азамат соғысы қай жылдар аралығында болды және салдары қандай болды?

2. Азамат соғысы қандай майдандарда жүрді?

3. Азамат соғысы жылдарында экономикалық саясат қалай жүргізілді?

«Тарихи диктант»

Азамат соғысы дегеніміз – мемлекет ішінде билік үшін сол ел азаматтарының өзара соғысы.

Интервенция – бір немесе бірнеше мемлекеттің басқа мемлекеттің ішкі істеріне күш қолдану арқылы араласуы.

Әскери коммунизм – Кеңес мемлекетінің Азамат соғысы (1918 – 1920 жж) жылдарындағы әлеуметтік-экономикалық саясаты.

Қорытындыда оқушыларға сабақ басталғанда қойған мақсаттарыңа жеттіңдер ме? - деген сұрақ қоямын.

V. Бағалау. Топ басшысы топ мүшелерінің сабаққа қатысуын бағалайды

VІ. Үй тапсырмасы. § 21. Қазақстан азамат соғысы мен шетел интервенциясы жылдарында. Мазмұндау, тақырыпқа сұрақ-жауап жасау.